Oxuduğu mahnılarla deyil, hər zaman açıq-saçıq geyimləri, yersiz və savadsız açıqlamaları ilə gündəm olmağı bacaran və bu yöndə şöhrət taman müğənni Mina Hüseyn ötən gün də layiq olduğu tərbiyəni sərgiləyib

Adalet.az xəbər verir ki, Mina ARB TV-də yayımlanan "Xəbər Ətər" verilişinin qonağı olub.

Xalq artisti Rafiq Hüseynovun (Rəmiş) həyat yoldaşı Gülü canlı efirə zəng edərək Minanı sərt tənqid edib.

"Elə oturmaq olmaz. Bütün altın-üstün görünür. Mən sənin şəklini çəkmişəm. Körpələr baxır, kişilər baxır. Qadın qadın kimi oturmalıdır. Şövkət Ələkbərova, Sara Qədimova, Rübabə Muradovamız olub.Hamının da sinəsi, qolu bağlı olub".

Minanın Güllüyə cavabı gecikməyib. Müğənni sərt şəkildə "Sara Qədimovanın dövrü getdi, əziz xanım!. Biz 21-ci əsrdə yaşayırıq. Bəlkə ayaq üstə durum, heç oturmayım".deyib.

Müğənni bu sözlərdən utanmaq, səhvini düzəltmək əvəzinə Gülünü ələ salmaq düşüncəsi ilə heç yerindən tərpənməyib,. oturuşunu dəyişməyib. Bunu görən Gülü "Ola bilər aqressiv danışdım. Bağışlayın üzr istəyirəm" deyərək telefon xəttindən ayrılıb.

Xatırladaq ki, Gülüdən öncə efirə zəng edən əməkdar artist Zöhrə Abdullayeva da Minanı sərt tənqid edib.

Xatırlatma: Zənnimizcə günah nə Minadadır, nə də əxlaq, ədəb, ərkan qaydalarına dəyər verən tamaşaçılarda. Bir günahkar var, o da minakimilərə efir vaxtı verənlərdi.

 

Əntiqə Rəşid