ANA SƏHİFƏ / YAZARLAR

ŞUŞANIN YOLU...

BAXIŞ BUCAĞI

23693    |   2016-04-09 10:29
Şriftin ölçüsü:
A+ Böyütmək
A+ Balacalaşdır

Onu mən də tanıyıram

Hələ orta məktəb illərindən yadımda bir şeirin misraları qalıb. Açığını deyim ki, o şeirin misraları son vaxtlar tez-tez içimdən, dilimin ucundan gəlib keçir. Yanılmıramsa misralar belədir:

Dünyada yollar çoxdur,
Məktəb yolu, kənd yolu...

Hə, əgər bu misralarda nəyisə səhv etdimsə, müəllifindən və oxuculardan üzr istəyirəm. Amma həqiqətən dünyada kifayət qədər yollar var və o yollar həmişə öz yolçusunu gözləyir. Mən kənddə doğulmuşam. Ona görə də cığırın, izin, yolun nə olduğunu az-çox bilirəm və yamacların sinəsindəki cığırla şehli otların üstünə düşmüş izin fərqini anlayıram. Üstəlik, mən ot basıb gözdən, könüldən uzaq düşmüş yolun da nə demək olduğunu yaxşı anlayıram. Elə indinin özündə də həmin o yollar barəsində düşünəndə kəndimizin yolunda əkilmiş minalar gözümün qarşısına gəlir. Yadımdadı, həmin o minaların biri kəndimizin iki sakinini, iki əmioğlunu, özü də bığ yeri yenicə tərləyən iki cavanı içərisində olduqları maşınla birlikdə göyə sovurdu. O partlayış və o cavanların param-parça olmuş bədənləri nə yadımdan çıxır, nə gözümün önündən gedir... Ona görə də yollar haqqında düşünəndə indi daha çox mina əkilmiş yollar gəlir gözümün qarşısına. Axı mən dağ yollarını, kənd yollarını çoxdan "unutmuşam". Daha doğrusu, dağı, dərəni, kəndi-kəsəyi 25 ildir yuxularımda görürəm. Təsəvvür edin, düz 25 ildir mən kəndimin yolunu tapdalaya bilmirəm. Mən uşaqlığımın izinə düşüb gedə bilmirəm... mən gəncliyimin cığırını təzələməyi bacarmıram, buna gücüm çatmır və...
Hə, aprelin 1-dən 2-sinə keçən gecənin və üç gün çəkən müharibənin mənə nələr yaşatdığını söyləməyəcəm. Çünki onu hamımız yaşadıq. Hamımız bir gecənin içərisində yenidən doğulduq elə bil. Yenidən kimliyimizi, nəyə qadir olduğumuzu gördük, tanıdıq, özümüzə qayıtdıq, özümüz olduq... Və yenidən içimizdə Qarabağ, Şuşa, işğal olunmuş torpaqlarımız ev-ev, işıq-işıq görünməyə başladı. Biz böyük Səməd Vurğun demiş, müsəlləh əsgər olduq, silaha sarıldıq.
Təbii ki, mən biz deyəndə təkcə ordumuzu nəzərdə tutmuram. Həm də Ali baş Komandandan tutmuş sonuncu silah tutmağı bacaran adama qədər hər kəs "müharibə", " azadlıq", "qələbə" notunda kökləndi. Bir gecədə bu məmləkətin havası da, ruhu da, istəyi də sanki öz oxu ətrafında 365 dərəcə dəyişdi. Efirin, ekranın, mətbuatın nəbzi qələbə ilə döyündü. Gözlərimiz şitlikdən, bayağılıqdan, ruhumuz yaltaqlıq, həyasızlıq, dəyərlərimizdən uzaq hər şeydən üç gün xilas oldu. Biz özümüzə qayıtmışdıq axı. Ona görə o üç günün böyüklüyü mütləq tariximizə yazılacaq! Və mən həmin o üç gündə evimdə, ailəmdə ön səngərdə olan doğmalarım üçün yaşananları təkcə təlaş kimi yox, həm də qələbə sözünü ilk deyəcək, ilk çatdıracaq ünvan kimi görürdüm. Tam səmimiyyətimlə deyim ki, ön səngərdə olan həmin o doğmalar üçün evimdə sızıldayan ürəklərin, gözlərin tam yarısı həm də onlardan qələbə gözləyirdi, qələbə umurdu. Bax, belə auranın içərisində izləyirdik xəbərləri, məlumatları. Mən isə...
Həmin o günlərdə mən Şuşaya gedirdim. İstəyirsiniz inanın, istəyirsiniz inanmayın. Tam bir yolçuluq əhval-ruhiyyəsində kökləmişdim özümü. Durub dayana bilmirdim bir yerdə. Dediyim sözdə də, yazdığım yazıda da, gördüyüm işdə də bir tələskənlik var idi. Elə bilirdim ki, bir balaca yubansam, kimsə xəbəri məndən tez eşidəcək... kimsə məndən tez Şuşaya çatacaq. Ona görə bütün varlığımla, bütün diqqətimlə gözümü zilləmişdim, özümü kökləmişdim Şuşa yoluna. Hətta yazdığım misraların birində pıçıldamışdım:

Aramsız
güllə yağışı
bələyir torpağı
dəlib keçir
daşı,
otu,
ağacı,
yarpağı...
bir igid
sol əliylə
sıxıb ürəyini-
dizi üstə
qana boyanıb
barmağı-
ovcu qan dolu...
sağ əliylə
tutub bayrağı
güclə dayanıb
baxır,
baxır
və bağırır:
irəli, qardaşlar,
görünür Şuşanın yolu!..

Hə, həmin o üç gündə bəlkə üç min dəfə Şuşaya gedib gəldim... Həmin o üç gündə hər gələn xəbərlə mən Şuşaya gedirdim... Hər itirdiyimiz şəhidlə mən Şuşaya gedirdim... Hər yaralanan əsgərlə mən Şuşaya gedirdim... İndi atəşkəs yenidən bərpa olunub. Mən düşməndən geri aldığımız o yüksəkliklərdən birində dayanıb Şuşanın yoluna baxıram. O qədər aydın görünür ki... Və mən bu aydınlığın içərisində kiminsə əlində bayraq getdiyini müşahidə edirəm, izləyirəm. Və mənə elə gəlir ki, mən o adamı tanıyıram, özü də lap yaxından, az qala özüm qədər. Ona görə bağırmaq istəyirəm:
- Kimsən? Ay adam, kimsən? Qoy gəlim çatım sənə. Axı mən də tanıyıram Şuşanın yolunu...




YAZARIN ARXİVİ

2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-01-20
2018-01-19


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK