ANA SƏHİFƏ / YAZARLAR

YIXILANA BALTA ÇALANLAR...

42441    |   2016-01-23 08:08
Şriftin ölçüsü:
A+ Böyütmək
A+ Balacalaşdır

...Ayağımız büdrəyəndə, işlərimiz tərs gətirəndə bir də hiss edirik ki, artıq həmin yerdə deyilik. Yəni ucalıqda, zirvədə heç bir təhlükəni və qorxunu hiss etmirik. Hiss etmirik ki, əsən külək, yağan qar, düşən şaxta nə vaxt bizi də burdan tərpədə bilər. Hiss eləməyə-eləməyə hər şeyə yuxarıdan aşağı baxırıq və günlərin bir günündə də o yuxarıdan təpəsi üstə yerə düşürük...
Elə bir adam olmaz ki, onun hansısa qohumu, yaxını və əzizi yüksək bir vəzifə kreslosunda əyləşməsin. Hamının nəslində, nəcabətində və tayfasında belə vəzifə kreslosunda əyləşən nə qədər sayılıb-seçilən insanlar var. O şəxslər ki, vəzifə kreslosunda olanda özünü dartıb göyün yeddinci qatına qoymur, camaatın içində olur, xeyrinə-şərinə yarıyır, onlar zirvədən düşəndə, vəzifə olmayanda özlərini bir o qədər də kimsəsiz hiss etmirlər. Ən azından elədiyi yaxşılıqlar bir-bir onun özünə qayıdır...
Bir gün yaxın adamlardan biri gəlib vəzifəli qohumunun idarəsinin qarşısında durur. Vəzifəli qohumu da işdən çıxıb evə gedəndə başını qaldırıb heç vaxt ətrafa baxmır. İmkansız qohum nə az, nə çox otuz-qırx dəfə həmin idarənin qabağında mıx kimi durub dayanır. Ancaq yenə qohumu ona tərəf baxıb-eləmədən çıxıb gedir. Və bir gün də vəzifəli qohumu işdən azad olunur. Bax, onda vəzifəsini itirən adam necə olursa yas məclisində onun qəbuluna gələn qohumu ilə görüşür. Deyir ki, ay filankəs, mən vəzifədə olanda bir dəfə gəlib məndən xahiş eləmədin ki, sənə bir gün ağlayım. Qohumu da dillənir ki, rəhmətliyin oğlu, nəinki bir dəfə, otuz-qırx dəfə gəlib durdum idarənin qabağında mən tərəfə baxmadın. İdarənin qarşısında uca çinar ağacı vardı ha, bax, onun yanında durub səni gözləyirdim. Vəzifədən çıxmış qohumu isə bildirir ki, o vaxt mən çox havalı idim. Nəinki səni, heç o uca çinar ağacını belə görmürdüm...
Belə bir deyim var: "Sən vəzifədə olanda camaat səni tanıyır, sən vəzifədən çıxandan sonra sən camaatı tanıyırsan". Yəni kimin hansı qabiliyyətin sahibi olduğunu müəyyən zamandan sonra bilmək və anlamaq o qədər də çətin deyil. Bizdə belədir ki, birinin bir balaca vəzifədə olanda ayağı sürüşdü, o dəqiqə başlayırlar hamısı ona dodaq büzməyə və balta çalmağa. Elə ki balta çaldılar, həmin adam yıxılır və gendən baxanlar da bundan ləzzət alırlar. Hansı ki vəzifədə olanda çoxları ona "sən kişisən, ağsaqqalsan, mərd adamsın" deyirdilər.
Bir yaxın dostum çoxdan olmuş əhvalatı danışdı. Dedi ki, raykomun vaxtında bir kolxoz sədrinin məsələsini müzakirə edirlər. Çoxları bilmir ki, onun məsələsini niyə büroya çıxarıblar. Həmin kolxoz sədrinin çörəyini yeyən, qatığını, qaymağını gözünə təpən bir kişi durub onun barəsində o ki var tərif deyir. Raykomun katibi həmin kişiyə gözünü ağardır və bildirir ki, Əhməd kişi, biz kolxoz sədrini böyütmürük ey, vəzifədən çıxarmaq istəyirik. Bayaqdan kolxoz sədrinin şəninə təriflər yağdıran Əhməd kişi "valı" dəyişir. Bax, dediklərim sədrin yaxşı cəhətləri, amma onun kimi mərdməzar, çörəyi dizi üstə olan, yuxarılara xəyanət edən adam tanımıram. Ona görə də belələrinin vəzifədə qalması məqsədəuyğun deyil. Yəqin yoldaş katib də mənim fikrimlə razılaşar...
Bax, biz beləyik. Bir balaca görürük ki, kimsə yuxarıdan başqa birisini silkələyir, o dəqiqə həmin abu-havaya uyğun olaraq çıxış yolu tapırıq və hansı mahnı səslənsə ona da oynayırıq. Siz elə bilirsiniz bu gün bizim aramızda belələri azdır? Allaha and olsun ki, çörək verdiyin, yaxşılıq elədiyin və dar gündə arxa durduğun adamların çoxu ayağın büdrəyən kimi bütün yaxşıları unudacaq və yuxarıların xoşuna gəlmək üçün səni yuyub sərəcək və elə günə qoyacaq ki, səndən təhlükəli adam yoxuymuş.
Sovet dönəmində bir müəssisə müdiri vardı, hamıya da əl atırdı, kömək dururdu. Onun da yaddaqalan bir deyimi vardı: "Qardaşlar, çalışın yıxılmayın, yıxıldınız heç kim sizi qaldırmayacaq". Bir müddətdən sonra eşitdik ki, həmin müəssisənin o yaxşı rəhbərini həbs ediblər. Nə az, nə çox 13 il də iş veriblər. Düzdür, 13 il türmədə yatmadı, çünki pulu-pənəsi və yaxşı imkanları vardı. Hardasa 8 ildən sonra azadlığa çıxdı və bir dəfə elə oldu ki, onunla "Gənclik"də, indiki Atatürk parkında rastlaşdıq. Öpüşüb-görüşdük və əyləşib çayxanada bir stəkan çay içdik. Kişi ötən günlərini xatırladı, dedi ki, mənim üzümə duranlar çörək verdiyim, çətin gündə arxa durduğum adamlar oldu. İnanın, dədələrinin eləmədiklərini onlara mən eləmişdim, amma axırda çox pis yol tutdular və mənə şər atdılar. Azadlığa çıxdım, onlar isə utandıqlarından gözümə görünmürlər. Biri evimə gəldi, "ağsaqqalımsan" deyəndə sözünü kəsdim və bir daha mənim qapımı açmamağını bildirdim.
Gördünüzmü, yıxılan adama balta çalanlar nə qədərdi və bu gün də belələri aramızda o qədərdi ki, heç tanımaq da mümkün deyil. Çünki danışanda elə şirin, elə qəşəng söhbət eləyirlər ki, ürəyini də çıxarıb onlara vermək istəyirsən. Amma adamları tanımaq çox çətin, müşkül məsələdir. Ən azından ona görə ki, onların bəziləri şeytan kimi bir şeydilər. O vaxt sifətləri üzə çıxır ki, sən vəzifədən gedirsən, imkanların azalır. Bax, onda da belələrini tanımağa heç ehtiyac qalmır. Hər şey gec olur...



YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-10-21
2018-10-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK