Film izle hacklink kiralık bahis sitesi satılık bahis sitesi Adalet.az | ANGEDONİYA Adalet.az | ANGEDONİYA Adalet.az | Ədalət -
ANA SƏHİFƏ / YAZARLAR

ANGEDONİYA

18384    |   2012-09-08 06:43
Şriftin ölçüsü:
A+ Böyütmək
A+ Balacalaşdır

Hərdən ömür insana o qədər uzun görünür ki...g Elə bil min illərdi Yer üzündə yaşayırsan. Üzücü, yorucu, məşəqqətli bir yol gəlmisən. Dayanmadan, nəfəs dərmədən... Elə taqətsizsən ki, gurultudan az qala partlayıb yerə töküləcək göylərə baxmaqçın başını qaldırmağa ərinirsən.
   
   Soruşana cavab vermək, yıxılana əl uzatmaq istəmirsən. Daha irəlini də görə bilmirsən. Fikrin keçmişdə qalıb. Keçmişini düşünəndə özünü dünyada artıq, gərəksiz sayırsan. Xəyyamsayaq bir asilik çulğayır qəlbini: "Mənsiz də dünyanın işi keçərdi..."Doğrudan da, nə verə bildim dünyaya? Axı gəlişimi gözləyənlər, varlığımdan nəsə umanlar vardı. Bəs, özümçün nə elədim? Nə vaxtdan yaşamağa başladım?! Hara qədər yaşadım?! İlk nöqtəm nə vaxt qoyuldu? O nöqtədən başlanan düz xətti niyə axıracan düz apara bilmədim?! Əyri-əyri, qırıq-qırıq elədim. Səhvlərim niyə bu qədər çox oldu? Nə qədər çox öyrəndimsə, bir o qədər çox səhv elədim. Nə qədər çox oxudumsa, səhvlərim də bir o qədər böyük oldu. Əgər oxumasaydım, öyrənməsəydim... Bəsit birisi olaraq daha rahat yaşardım bəlkə də... Hər deyənin ağzına baxardım, düşünmədən təsdiqlərdim. Əyrini də, düzü də... Haqqı da, nahaqqı da... Dünyanı bir rəngdə görərdim. Ağla qaranın, ucuzla bahanın, halalla haramın fərqini duymadan yaşardım. Bir azacıq da ağlım olsaydı, bildiklərimi də dilə gətirməzdim. Qoruyardım özümü. Nə qədər dayaz görünsəm, bir o qədər dərin sayardılar. "Oxumaqdan başı xarab olub" rişxəndi qədər ağrıtmazdı hər halda...
   
   
   
   ***
   
   Qorxu hissi də ölüb içində. Yox, cəsarətə oxşamır bu. Yoxluğa doğru addımdı var olmamaqla barışmağın ilkidi...
   
   Daha sevinə də bilmirsən. Əvvəllər heç olmasa dodaqların qaçardı, sifətinə bir işıq yayılardı. Sarı da olsa, zəif də olsa...
   
   Kimlər, nələr yordu səni?!
   
   Həyatı dərk etməmiş geridə buraxdın onu. Bir gün olmamaq, arzu olunmamaq, unudulmaq qorxusundan tükətdin özünü. Qabağa düşəydin barı...Sənə olunanları gözləməkdənsə, özün edəydin bunu. Qoy görsünlər, göynəsinlər, atmaq istədikləri daşlar qayıdıb özlərinə dəysin... Amma... həzz verməzdi sənə. Belə yaranmamısan. Sənlik deyil bunlar. Ancaq sevinməli, qürürlanmalı da deyil bu xislətin. Özünə yönəlikdi, özünə qəsddi, özünü məhvdi...
   
    Bir tanışım deyirdi: dünyaya gəlməmişdən olacaqlara məhkumuq biz! Özüm də hardasa oxumuşam: tale ona boyun əyənləri aparır, əyməyənləri sürükləyir... Nə yaxşı... Əzəldən bilsəydim, keşkə. Bəs ürəyimcə olmayana boyun əymək necə? Bu qədər asandımı? Gözüm, görür ağlım kəsir, axı. Aldadırlar, incidirlər, qəsd, xəyanət edirlər. Hələ bilmədiyim nələr edirlər. Necə qəbul edim, dözüm, dayanım?!...
   
   Bu ağrılar, bu üzüntülər hamısı Onun yoxluğundandı... Onun...
   
   
   
   ***
   
   Bir nəfər də çox axtarırdı Onu. Görmək istəyirdi. Boy-buxununu, rəng-rufunu ... Ətrini duymaq istəyirdi burnunda. Bilmək istəyirdi nədən qeybə çəkilib Yer üzündən. Kimdən soruşurdu təəccüblə baxırdılar ona. Başlarını bulayıb keçirdilər. Maraq öldürürdü onu: bu adamlar Onsuz, Onu görmədən necə yaşayırlar?! Yox, tapacaqdı Onu. Tapmasa, rahat olmayacaqdı. Axır ki, bir yolçudan öyrəndi yerini. Əlini uzadıb bir daxmanı göstərdi yolçu. Bax oradadı-dedi...
   
   Qapını döymədən içəri keçdi. Eybəcər bir qarı gördü qarşısında.
   
   -Bu sənsən?
   
   -Hə... Mənəm...
   
   -Niyə belə eybəcərsən? Yalan səndən gözəldi...
   
   -Bəs niyə axtarırdın məni?
   
   -Bilmək istəyirdim nədən bu qədər qorxurlar səndən. İndi başa düşdüm...
   
   -Başa düşdün? Get rahat yaşa...Adamlara deyərsən ki, Həqiqəti gördüm. Çox eybəcər idi...
   
   - Deyə bilməyəcəm. Heç kəs eşitməyəcək. Eşidənlər də inanmayacaq...Qoy onlar da axtarsın...
   
   -Kim axtarsa göndər mənim yanıma.
   
   -Yox! Göndərməyəcəm. Qoy inamla yaşasınlar. Elə bilsinlər ki səni axtarmağa dəyər...
   
   -Gözəl olmağımı istəyirsən? Yalana dönməyimi...
   
   -Yox!
   
   -Onda get. Arxana da baxma...
   
   Getdi. Daxmanın ağır havasından qurtulub ciyər dolusu nəfəs aldı. İrəlilədikcə ətrafı bərq vururdu, göz oxşayırdı.
   
   Hamısı yalan olduğuna görə...
   
   
   
   ***
   
   Nə ruhumun gücü, nə fantaziyamın itiliyi, nə də illüziyalarımın cazibəsi xilas eləmir məni. Ovuda bilmirəm qəlbimi. Çox şeylə razı deyiləm. Elə mənimlə razılaşmayanlar da çoxdu. Dilimə gətirmədiklərim gəmirir ürəyimi. İçimdəkiləri gizlətməkdən bezmişəm. Başa düşülməməkdən qorxuram...
   
   Qarşımda Güclünü görmək istəyirəm. Sinə dolusu nəfəs almaq, üz dolusu gülümsəmək, göz dolusu ağlayıb boşalmaq istəyirəm....
   
   
   
   ***
   
   Bu qəliz başlıq əllaməçilik deyil, oxucum. Çoxdan tutmuşdu bu söz məni. Angedoniya depressiyanın əkiz bacısıdı. Eyni olmasalar da, onları sevinc, xoşbəxtlik hisslərini duymamaq və yaşaya bilməmək bir-birinə yaxınlaşdırır. Angedoniya boşluqdan yaranır... Özünü ona təslim etdikcə... düşdüyün quyu dərinləşir...
   
   Angedoniya-"həzzsiz həyat" deməkdi...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (83.33%)
Pullsuz (16.67%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK