hacklink Adalet.az | ŞƏKLİNİ GİZLƏT, DÜNYA... Adalet.az | ŞƏKLİNİ GİZLƏT, DÜNYA... Adalet.az | Ədalət -
ANA SƏHİFƏ / YAZARLAR

ŞƏKLİNİ GİZLƏT, DÜNYA...

20993    |   2012-01-28 08:56
Şriftin ölçüsü:
A+ Böyütmək
A+ Balacalaşdır

Nə vaxtdı şair bu dünyanın şəklini çəkmək istəyir. Dərdini çəkə bilmədiyi, haqsızlığına, namərdliyinə dözə bilmədiyi dünyaya yalvarır, minnət edir ki, heç olmasa, bircə an dövranını durdursun, toxdasın, özü kimi olsun, şair də bu fürsətdən yararlanıb söznən, misraynan onun şəklini çəksin. Bəlkə bir az ürəyi soyudu, qələmnən deyə bilmədiklərini fırçaynan çəkə, göstərə bildi. Sözün rəngini hamı seçə bilmir, axı. Şəklin rənglərini çoxları görür, anlayır. Söznən qandıra bilmədiklərini, rənglərlə qandırmaq istəyən şairin arzuları çin olmur ki, olmur. Dünya özünü naza qoyub. Eşitmək, dayanmaq, fürsət vermək fikri yoxdu...
   
   
   
   Şair də öz işindədi,
   
   dünya da...
   
   Şair minnətindədi,
   
   dünya fırlanmağında...
   
   Sonda kim usanacaq,
   
   kim bezəcək, bilinmir...
   
   ***
   
   Mənsə, heç şəklini çəkməzdim bu dünyanın. Ona görə ki,... Çox şeylərə görə çəkməzdim dünyanın şəklini. Hər şeydən öncə, özü adamlarına, adamları da özünə oxşadığına görə əziyyət verməzdim barmaqlarıma. Çəksəm, nə alınacaq ki?!... Elə adam şəkli alınacaq, başqa heç nə. Üzdən bir cür düşəcəkdi, yandan bir cür, arxadan da başqa cür. Şəkildə özündən qat-qat qəşəng düşən yöndəmsizlər kimi. Şəklinə baxanda utanan gözəllər təki...Bütöv işnən arası yoxdu ki, bu dünyanın...
   
   Adını fani qoyub, özü əbədi olanın, bu ucdan doğulanı o ucdan torpağın altına göndərənin şəklini niyə çəkməliyəm ki?! Qoy şəkilsiz qalsın...
   
   ***
   
    Şair çəksə necə alınacaq dünyanın şəkli?! Homerdən Ramiz Rövşənədək min illərdi Yer üzünün şairləri şəklini çəkirlər bu qədirbilməzin. Hərə bir ucdan, bir yöndən. Zərrə-zərrə, qətrə-qətrə. Bir tabloya, bir lövhəyə, çərçivəyə sığan deyil dünya. Min dona girib, min sifətə düşməkdi işi-peşəsi. Toyu qurtarmamış yası başlayır, dodağı gülənin gözü yaşnan dolur, qəhqəhəsiynən hönkürtüsünün fərqi bilinmir. Nə bəxtəvərliyinə bel bağlamaq olur, nə bədbəxtliyindən qurtulmaq. Şair olan neyləsin?! Nə desin, nə danışsın ki, sözləri yalançı çıxmasın?! Yaxşı ki, usanmırlar söz qoşmaqdan, fikir söyləməkdən. Əvvəl-əvvəl adamların şəklini çəkiblər. Hamısını da əzəli və əbədi, dəyişməz libasda. Bələkdə və kəfəndə. Sonra da dünyanın işdəklərindən, anlaşılmaz oyunlarından, bu oyunlarda atılıb-tutulanlardan, enib-qalxanlardan, ölüb-dirilənlərdən danışıblar. Bir də heç nəyə baxmadan öz işində olan-baş fırladan, göz aldadan, qəlb oynadan mələklərdən, iblislərdən...Bütün gözəllikləri, cazibədar, şirin yalanlarıynan bir yerdə.
   
   
   
   Gələn nədi, gedən nədi?
   
   Bələk nədi, kəfən nədi?
   
   Bu dünya öz kefindədi,
   
   Yağış yuyur, gün qurudur...
   
   
   
   Gələni-gedəni vecinə almayan dünyanın şəklini çəksən də, o şəkli yağış yuyacaq, gün qurudacaq...
   
   Çox şəkilləri yuyub yağış, soldurub Günəş, çürüdüb torpaq. Ancaq öz çəkdiklərini saxlayıb dünya...
   
   Dünya qoymur şəklini çəkməyə. Bilir ki, hərə öz bildiyi rəngə salacaq onu. Artıra-artıra, əskildə-əskildə öz rəngindən döndərəcəklər. Gözləri aldadacaqlar, ağılları çaşdıracaqlar. Kim necə bacarır, necə istəyir o cür də görəcək, göstərəcək dünyanı. Şair də, rəssam da, bənna da, pinəçi də...
   
   Ağıllı da, dəli də...
   
   İstedadlı da, istedadsız da...
   
   Qorxur dünya. Min şəklə düşməkdən, tanınmaz olmaqdan qorxur. Əsl sifətini itirməkdən, sifətsiz olmaqdan qorxur. Bilir ki,...
   
   Bilir ki, bir şəkildə cənnətə bənzədəcəklər qoynunu...
   
   O birində cəhənnəmdən betər göstərəcəklər...
   
   Hər ikisi də haqlı olacaq...
   
   Qorxusu bundandı dünyanın...
   
   ***
   
   Öz dünyasını çəkirdi Pikasso. Səmasında göyərçinlər dolu mavi bir dünya çəkmişdi. Dünyanın barışıq şəkliydi bu. Elə o şəkli də yağış yudu, gün qurutdu. Yerini silahlar, səngərlər, soyqırımlar, terrorlar tutdu. Onları yağış yuyub, gün quruda bilmir. Müharibə şəkillərindən utanır dünya. Muzeylərə göndərir, arxivlərə atdırır, ancaq çoxalmasını əngəlləyə bilmir. Bir dənindən mini cücərir, Pikassonun göyərçinləri dənləyib qurtara bilmir bu toxumları...
   
   Öz dünyasını çəkməyi hamı bacarmadı. Bacarsaydı başqa cür alınardı dünyamızın şəkli. Şəkli özündən gözəl olanlardan minqat gözəl olardı. Məsələ fırça tutmaqda deyil. Məsələ görməkdədi...Dünyanı görənləri, duyanları, bəyənməyib öz dünyasını quranları sevmir nə dünyanın özü, nə də adamları...
   
   ***
   
   Amma bizi istədiyi şəklə sala bilir bu dünya. Acımadan, usanmadan, bezmədən başımıza oyunlar açır. Gözəlimizi çirkinə, çirkinimizi gözələ çevirir. Qəsdən edir bunu. Dişinə vurur, sınağa çəkir. Susduğumuzu, boyun əydiyimizi görüb bir az da azğınlaşır, adam şəklindən çıxardır bizi. Ağlımızın kütlüyü, qanımızın soyuqluğu, qəlbimizin qəddarlığından özü də yavaş-yavaş şəklini itirməyə başlayır. Daha kimsə şəklini çəkə bilməyəcək bu dünyanın...
   
   Nə Zəlimxan Yaqub, nə də ondan sonrakı şairlər...
   
   Şəkilsiz qalacaq bu dünya...
   
   Özü də, adamları da...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-12-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (86.36%)
Pullsuz (13.64%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK