Bizim Xəzər dənizi gözəl dənizdi; onun balıqı var, kürüsü var, nefti var, qazı var.

Sadəcə olaraq o təmiz, o gözəl dənizi biz insanlar  pis günə  qoyuruq! Çünki Bakıda kanalizasiya suları təmizlənmədən dənizə axıdılır. Hövsandakı  kollektor fiziki və mənəvi cəhətdən köhnəlib. Ona görə də çirkab sular tam təmizlənmədən dənizə axıdılır. Tək Bakıda deyil, eləcə də Sumqayıtda, Xaçmazda, Nabranda  da belədir. Bax ,dəniz artıq çirkabın içində boğulur.

Biz bununla da kifayətlənmirik.Çimərliyə gedəndə  orada istirahət edərkən yeyib- içəndən sonra  tullantıları ya qumun  üstünə, ya da dəniz atırıq . Gedin , çimərliklərə baxın, görün camaat onu hansı günə qoyub. Məhz buna görə də, bir çox çimərliklərdə  baktirioloji çirklənmə normadan artıqdır.

Təsadüfi deyildir ki, Respublika Gigeyna və Epidemiologiya Mərkəzi baktirioloji çirklənmə normadan artıq olduğu üçün Şıx, Sahil, Hövsan , Türkan , Corat çimərliklərində çimməyi qadağan edib. Bax bu da inasanların günahı üzündəndir.

Çünki heç kim bir vətəndaş olaraq üzərinə düşən vəzifələri yerinə yetirmək istəmir.Ona  görə də, dənizimiz bu günə düşür!

Emil Faiqoğlu