Film izle hacklink kiralık bahis sitesi satılık bahis sitesi Adalet.az | MANQURTLUĞUN EYNİSİ Adalet.az | MANQURTLUĞUN EYNİSİ Adalet.az | Ədalət -
ANA SƏHİFƏ / YAZARLAR

MANQURTLUĞUN EYNİSİ

Qoymayın başımıza torba keçirsinlər

23148    |   2010-12-18 06:20
Şriftin ölçüsü:
A+ Böyütmək
A+ Balacalaşdır

Qorxunun gözü böyük olar, demişlər. Adamın qorxduğu şeylər haqqında çox düşünməsi, çox danışması da tamamilə təbiidi. Bir də deyiblər ki, qorxan gözə çöp düşər. Ehtiyatlandığın, vahiməsini canında gəzdirdiyin şeylər bir gün başına gəlməlidi. Yəqin, bizdən əvvəl bunu yaşayanlar dəfələrlə sınaqdan keçirib, əmin olublar.
   
   Ağlım kəsəndən maddi olan heç bir şeyin əyər-əskiyindən qorxmamışam. Əksinə, hamı kimi nələrinsə yoxluğunu, çatışmazlığını öz gündəlik həyatımda hiss eləmək, bu məhrumiyyətin qarşılığı olaraq qəlbən bir az da zənginləşdiyimi, bərkidiyimi anlamaq qəribə həzzlər yaradıb məndə. Bir islaq yarpaq üstündə cilvələnən rəngləri, gözəllikləri göz dolusu seyr eləmək dünyanın hər cür sərvətindən artıq riqqət, şirinlik verib ruhuma. Həmişə Tanrının bəxş elədiyi özəlliklərimlə tox olmuşam, öyünmüşəm və inanmışam ki, bütün bunları uca Yaradanın özündən başqa kimsə əlimdən ala bilməz. Bu düyğularla da özümü həmişə güclü və azad hiss eləmişəm. Ancaqg həmişə qorxduğum bircə şey olub. Onun da adını birdən-birə çəkməyəcəyəm...g
   
   "Kimin SSRİ-nin dağılmasına ürəyi ağrımırsa, onun ürəyi yoxdur, kim fikirləşirsə ki, onu təzədən bərpa etmək olar, onun başı yoxdur". Kim bilir, keçmiş vətənimiz haqqında bundan belə nə qədər fərqli fikirlər söylənəcək, mülahizələr, mübahisələr ortaya gələcək. Mənə görə, indiyədək bundan dəqiqi və səmimisi deyilməyib. Bilirsiniz, SSRİ dağılandan sonra baş verən hadisələr içərisində məni ən çox nə qorxutdu?! Müxtəlif təriqət və məzhəb sahiblərinin canlanıb çoxalması, mürtəce din xadimlərinin fəallaşması. Sovet dövründə belə hallara yol verilmədiyindən ancaq dinə sadiq şəxslər öz etiqadlarını yaşadıb, ibadətlərini edirdilər. Dini təbliğat, başqalarına müxtəlif yollarla təsir göstərmək qadağan idi.
   
   Gözümü açandan elat adamını başını aşağı salıb öz iş-gücü, gündəlik qayğıları ilə məşğul olan görmüşəm. Ancaq ahıllar oruc tutub, namaz qılar, vacib dini ayinlərə əməl edərdilər. Başqa kəndlərlə müqayisədə bizimkilər hər cür fanatizmdən uzaq idilər. Bununla belə, şəriət qanunlarının müsəlman qadınlarına yaşatdığı mənəvi işgəncələri ağlı başında olan, ağı qaradan seçməyi bacaran hər bir qız-qadın anlamaya bilməzdi. Və yaşa dolduqca tarixinmi deyim, taleyinmi deyim, ömrümüzə yazdığı qisməti saf-çürük edib müəyyən qənaətlərə gəlməyə başladım. İki əsr bundan əvvəl baş verənləri nə qədər lənətləsəm də, sonda şükr edirdim ki, nə yaxşı taleyimə Arazın o tayında yaşamaq düşməyib. Yoxsa...g Bu yoxsanın açmasında o qədər şeylər gizlənir ki,g keşkə hamısını yazmaq, dilə gətirmək imkanım olsaydı. Yetmişinci illərin axırlarında İranda baş verənlərdən o qədər sarsılmışdım ki, elə bilirdim, cənub tərəfdə günəşin qabağına nəhəng bir qara pərdə çəkiblər...
   
   Ölkəmizdə hüquqi və dünyəvi dövlət quruculuğu məndən ötrü ən böyük nailiyytimizdi. Qəlbən, ruhən azad olan insanı heç bir maddi ehtiyac əyə, sındıra bilməz. Amma deyəsən, arada özümün özümə gözüm dəyir. Son günlər təzədən ortalığa atılmış baş örtüyü söhbəti qanımı bərk qaraldıb. Bilmirəm, bu insanlar nəyin qarasınca düşüblər. Bu hicab taxanlar, təsbeh şaqqıldadanlar, ömrünün ən enerjili vaxtlarını məscidlərdə keçirənlər nəyi sübut eləmək istəyirlər?! Bəlkə demək istəyirlər ki, ey yerdə qalanlar, baxın, biz sizlərdən daha çox Tanrıya yaxınıq, daha əxlaqlı və tərbiyəliyik. Cənnətin qapıları taybatay açılıb bizə "gəl-gəl" deyir...
   
   Bu günlərdə "Cəmiyyət və din" qəzetinin bir nömrəsi əlimə keçmişdi. Həmin nömrədə Milli Elmlər Akademiyasının prezidenti, akademik Mahmud Kərimovla müsahibə dərc ounmuşdu. Elə ilk suala cavabını "Hər şeydən öncə, istərdim xatırladam ki, mən fizikəm və mənim professional fəaliyyətim müasir biliklər çərçivəsində məşhur qanunlarla kifayət qədər təsbit olunmuş, təsdiqini tapmış obyektiv gerçəkliklə bağlıdır" cümləsi ilə başlayan Mahmud müəllim " mən insanın mənəvi keyfiyyətləri ilə dindarlıq, möminlik arasında birbaşa əlaqə görmürəm" deyir. Və hamımızın qorxduğu hədəfə vurur: "gDini fanatizmə gəldikdə isə bu ekstremizmə və terrorizmə aparan həlqənin başlanğıcında dayanan qorxulu amildir".
   
   Mənsə, bundan da dəhşətlisindən qorxuram. Hicablı qadınları, qızları görəndə həmişə yadıma Çingiz Aytmatovun "Əsrə bərabər gün" romanındakı manqurt obrazı düşür. (Elə buradaca qeyd eləyim ki, Nayman Ananın kədəri həmişə canımda gəzdirdiyim ağrılardandır. Onun yaddaşı məhv edilmiş oğlunun başını dizləri üstünə qoyub layla çaldığı səhnə insan vəhşiliklərinə, müharibə və zorakılıqlara qarşı ən güclü etirazdı. Bütün müharibə ağrıları anaların canından keçir). Diqqətli oxucu yaxşı bilir ki, juan-juanlar əsir götürdükləri adamların saçlarını təmiz-təmiz qırxıb təzə kəsilmiş dəvənin qursağını isti-isti başlarına keçirir, quruyanadək qızmar günün altında saxlayırdılar. "Başına belə iş gətirilən adam ya işgəncələrə dözməyib ölür, ya da ömür-billah yaddaşını itirib manqurt olurmuş-yəni keçmişini xatırlaya bilməyən qula çevrilirmişg"Bu barədə düşünməyin özü varlığını məngənə kimi sıxır. Gör, bu uca göylərin altında insan oğlu öz həmcinsinin başına nə oyunlar gətirir...g Nə üçün?! Nəyin naminə?! Deyəsən, əsrlər, min illər ötdükcə, nəsillər elə bu sualın cavabını axtara-axtara bir-birini əvəz edəcək
   
   Bilmirəm, islam dininin yarandığı ölkələrdə vəziyyət necədi, ərəb ölkələrində qadınlar necə geyinir, nəyə bürünürlər?! Deyəsən, oralarda bizdəki kimi canfəşanlıq yoxdu, axı,g Deyirəm də, yaddaşımız olsa, belə eləmərik. Heç olmasa, "Dədə Qorqud" boylarını oxusaq, heç kəs başımıza torba keçirə bilməz...
   
   Qəribə millətik, vallah. Ən axmaq qadın da başını örtəndə ona namus, ləyaqət mücəssəməsi kimi baxırıq. Halbuki bütün örtüklər, qapanmalar riyakarlığın, maskalanmanın sinonimidi. Öz xoşuna baş örtənlərin çoxu orijinallıq nümayiş elətdirmək istəyir. Tənbəllərin də işinə yarayır. İstəyirsən aylarla başını yuma, həftələrlə saçını darama. Kim görəcək?!
   
   Bu nə geri qayıtmaqdı, bilmirəm. Hələ ötən əsrin 20-30-cu illərində azərbaycanlı qızlardan hətta təyyarəçilər yetişmişdi. İndi 2-3 nəfər idmançı qadınlarımızın adını güclə çəkərsən. Doğrudanmı, biz səriyyələrin, sevillərin faciəsini təzədən yaşayacağıq?!
   
   Billə-bilə özünü "səyyar məhbəs"ə salanları anlaya bilmirəm. Qapısından bürüncəkli qız-qadın çıxan evlər də mənə qazamat kimi görünür. Elə bilirəm, bürünənlərin ürəyinə günəş işığı düşmür. Adam üşüdən, ürək donduran quzeydə yaşayırlar
   
   İngiltərənin sabiq baş naziri Toni Bleyerin baldızının da başını örtməsi barədə xəbərlər yayıldı. Bu, azadlıqdan doymuş qadının şıltaqlığından başqa bir şey deyil. Həmin xanım qəti əmindi, on qat bürünsə də, heç kəs onun azadlığını əlindən ala bilməz. Onun hicab taxması da uzun sürməyəcək. Bizdə isə vəziyyət kökündən fərqlidi. Tez təsir altına düşən millətik. Torpağımızda gözü olanlar, müstəqilliyimizi, inkişafımızı istəməyənlər, aralığın qarışmasında, əhəmiyyətsiz işlərlə millətin başını qatmaqda maraqlı olan qüvvələr çoxdu...
   
   İndi bildiniz, mən nədən qorxuram?!...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK