ANA SƏHİFƏ / YAZARLAR

GÖY ÜZÜ TƏMİZ OLUR

17316    |   2010-05-01 04:33
Şriftin ölçüsü:
A+ Böyütmək
A+ Balacalaşdır

Göy üzü Allahın və ruhlarındı. Bu sözləri heç də elə-belə insan deməyib. Yəni hər şeyi dərindən dərk edən, dünyanın bütün keşməkeşlərindən baş çıxaran filosoflardan biri bu fikri söyləyib. Tər-təmiz göy üzünü bir də görürsən ki, insanlar yaman günə qoyur. Gündə bir sınaq keçirir, br silah icad edir, ya da başqa bir forma da nəyisə kəşf etmək istəyir. Bu cür kəşflər isə sonda bumeranq kimi göy üzündən insanlara qayıdır. Təkcə o bumeranq kimi qayıtmır, həm də yağışa, doluya, selə dönüb insanların başına olmazın müsibətlərini gətirir. Təəssüf ki, yenə insan övladı bəd əməlindən qalmayıb göy üzünə Ramiz Rövşənin sözü ilə demiş olsaq, daş yox, daha ağır şeylər tullayır. Göy üzü isə bu cür ağır yükləri heç vaxt saxlaya bilmir və yenidən göy üzünə atılan həmin ağır yük insanların başına düşür.
   
   Hələ də bir çoxları elə fikirləşirlər ki, yəqin dünyanın axırı olmayacaq. Amma hər şeyin əvvəli və sonu olduğu kimi, dünyanın da axırı var. Haqq-hesabı, tufanı, çovğunu, seli, zəlzələsi var. Bunları dərk eləməyən və bunları düşünməyən hər hansı bir kəs çətin ki, nə vaxtsa bu tufanın, bu zəlzələnin ağrı-acısını görməsin. Ən azından son vaxtlar təbiətdə baş verən anomal hadisələr - leysan yağışlar, sürüşmələr, sunamilər, zəlzələlər onu deməyə əsas verir ki, heç bir ölkə və dövlət bu təhlükədən sığortalanmayıb. Ona görə də insanlar insan kimi hərəkət etməli, göy üzünə nə gəldi atmamalı və aləmi bir-birinə qarışdırmamalıdılar. Yoxsa bunun qisası çox ağır olacaq.
   
   
   
   ***
   
   Hər dəfə doğulduğum torpağa - Füzuli rayonunun Böyük Bəhmənli kəndinə gedəndə yolumu qəbiristanlığımızdan salıram. Orda bizim əzizlərimiz, atalarımız, analarımız və qardaşlarımız uyuyur. Bir-bir məzarlara baş çəkəndə və kimlərisə ziyarət edəndə daxilən insan bir rahatlıq duyur. O yerdə ki, məzarıstanlıq var, o yerdə ki, insanlar uyuyur, gərək onları heç vaxt dirilər yaddan çıxarmasın. Bir-bir qəbirlərə baxıram. Hamısı qohum-əqraba, dost-tanış və yaxın insanlardı. Bir salavat çevirib yaxınlıqdakı qəbirə yaxınlaşıram. Bir yaxın dostum, gözəl cərrah və qeyri-adi istedad sahibi olan Əhliman Pənahoğlunun məzarıdı. Özümdən asılı olmayaraq, baş daşını qucaqlayıb üzümü onun məzarına sürtürəm və göz yaşım onun məzarını isladır. Hər tərəfi ot, gül-çiçək ağzına alıb. Bir az qarşıda isə atamın, anamın və qardaşımın məzarı var. Seyran Səxavətin bir sözü yadıma düşür: jurnalist soruşur ki, Füzuliyə getsəydiniz ilk dəfə hara baş çəkərdiniz? O da deyir ki, şəhərdə olan qəbristanlığa. Atamın və anamın qəbirinin yanında yerə uzanıb əllərimlə onları qucaqlayardım. Bundan sonra bütün dərd çiynimdən götürülərdi. Həmin hissləri mən qəbristanlıqda olanda yaşadım. İstər-istəməz məzarıstana girəndə adam kövrəlir. Ancaq elə ki, molla bir Yasin oxuyur, gözündən yaş çıxır, bax onda adamın içi bir qədər dincəlir. Çünki Yasin oxunanda deyilənlərə görə, rəhmətə gedənlərin də ruhu şad olur və sevinir. Dizimi yerə qoyub ətrafdakı tikanlı qanqanları, otu əllərimlə çəkib çıxarıram ki, oraları kol-kos basmasın. Adətən birinə qarğış edəndə deyirlər ki, qəbrinin üstünə gələn olmasın və məzarın kol-kosla örtülsün. Bu hissləri duyurmuş kimi yenidən qəbirlərin ətrafındakı otları, alaqları əllərimlə təmizləyirəm. Bu da mənə bir sakitlik və bir təsəlli gətirir. O təsəlli ki, heç olmasa rəhmətə gedənləriimzin məzarının ətrafındakı kol-kosu təmizləyib bir yüngüllük tapıram. Hər halda, qəbiristanlıq elə bir yerdi ki, ora hamının yolu düşür. Amma gərək elə edəsən ki, o qəbirləri heç vaxt kol-kos, tikan və alaq otları basmasın. Camaat deməsin ki, filankəsin üç qızı, üç oğlu var, onlardan biri gəlib onun məzarını ziyarət etmir və qəbirlərin ətrafındakı kol-kosu təmizləmir. Almanlar yaşlaşanda qəbiristanlığa daha tez-tez gəlirlər. Bu da onunla bağlıdır ki, onlar yaxşı bilir hər bir insanın sonu burda bitir. Amma biz azərbaycanlılar isə çox vaxt qəbiristanlığa kimsə rəhmətə gedəndə baş çəkirik. Adi günlərdə illərlə və bəzən də daha çox zaman kəsiyində bir dəfə olsun əzizlərimizin məzarını ziyarət eləmirik. Bax, bunu bizə nə Allah, nə də rəhmətə gedənlərimizin ruhu bağışlayar.
   
   
   
   ***
   
   Günlərin birində Əzrayıl bir kişinin başının üstünü kəsdirir ki, bəs sənin canını almalıyam, hazırlaş. Həmin adam da bir yerə baxır, bir də göyə və qayıdıb deyir ki, ay Əzrayıl qardaş, yaşımın cavan vaxtında mənim canımı niyə alırsan? Axı hələ mənim nə qədər görməli işlərim var. Oğlumu evləndirməliyəm, qızımı köçürməliyəm. Əzrayıl isə deyir ki, bunların mənə heç bir dəxli yoxdur. Ömrü alan mən deyil, Allahdı. Mən də Allahın əmrini yerinə yetirirəm. Həmin kişi də Əzrayıla yalvarır ki, qurban olduğumla məni birləşdir. Çox götür-qoydan sonra bu xəbəri Əzrayıl Allaha çatdırır. Allah da deyir ki, o hansı bəndədir ki, mənim əmrimi pozur. Həmin bəndə Allaha yalvararaq deyir ki, bəs necə olur Əhmədin 70 yaşı var onun canını almırsan, Əlinin 80 yaşı var onu öldürmürsən, mənim canımı almaq istəyirsən? Allah da buyurur ki, ona görə həmin insanlara dəymirəm ki, onlar yaxşı və əməli saleh adamlardı. Amma sən yaşadığın bu dövrdə bir adama yaxşılıq eləməmisən. Elə əlindən kimlərəsə pislik eləmək gəlir. Bəndə yenidən deyir ki, yaxşılara yaxşılıq eləməyə nə var ki, böyüklük odur ki, mənim kimi pis adamlara yaxşılıq eləyəsən. Allah da bir az fikirləşir, sonra da bəndəsinə bildirir ki, bu dəfə ona möhlət verir, gərək həmin bəndə pis əməllərdən çəkinsin və əməli saleh işlərlə məşğul olsun. Bəndə də Allah-Təala tərəfindən ona yeni ömür verildiyinə görə, yerdə qalan ömrünü yaxşılıqla keçirir və haqqın yoluna qayıdır. İndi görək bütün insanlar öz səhvlərini baş düşüb bu cür haqqın yoluna qayıda bilirmi? Bax, bu suala cavab vermək çətindir.
   
   
   
   ***
   
   Həmişə hansısa mükafatı və ərmağanı istedadlı adamlara verəndə çox xəsisilik ediblər. Bəzi istedadlı adamlar bu ədalətsizliyə dözməyib əsəbləri pozulub, infakt keçirib və hətta dünyasını dəyişib. Bir dəfə də hansısa istedadlı rəssama mükafat vermək istəyiblər, amma sonradan fikirlərini dəyişiblər. Həmin istedadlı rəssam da o qədər əsəbiləşib ki, bilməyib laqeyid və soyuqqanlı vəzifə sahiblərinə öz etirazını hansı formada bildirsin. O rəssam bakılı olduğuna görə, elə belə də deyib: "Mükafat vərürsüz vərün, vərmürsüzünüz, vərmüyün. Vərəndə də elə vərürsüz ki, vərməsənüz ondan yaxşudu". İndi görün ədalətsizliyə və etinasızlığa məruz qalan insanlar necə çətin anlar yaşayırlar. Bəzən bu xalqın, bu vətənin, bu torpağın və bu millətin yolunda canını qoyan insanlar heç vaxt yada düşmür, amma çoxlarının tanımadığı istedadsız, abırsız və mənəviyyatsız adamlar mükafatlandırılırlar. Bunu da təbii ki, istedadlı adamlar görəndə haqsızlığa dözə bilmir, onların ya əsəbləri pozulur, ya da dərddən ürəkləri partlayır. Necə də partlamasın, 50 il sənətə vicdanla, namusla qulluq edən muğam ifaçısı olan xanəndəyə əməkdar artist adı qıyılmır, amma hər gün soyunub efirə çıxan və yüz oyundan, hoqqadan çıxan əxlaqsız, səviyyəsiz bir müğənniyə xalq artisti adı verirlər. Onların nə oxumağı bir oxumaq deyil, nə də danışmağı danışmaq. Səsləri yoxdu bu aydındı, amma hər gün efirə çıxıb elə düşük-düşük, şit-şit danışırlar ki, adamın əli üzündə qalır. Ramiz Rövşən kimi istedadlı bir şairə hər hansı televiziya məkanında 10 dəqiqə vaxt ayırmağa kimlərsə can çəkir, amma səviyyəsiz və mənəviyyatsız efir müğənnilərinə gen-bol vaxt ayrılır və onlar da ağızlarına gələni danışırlar. Görünür, kimlərəsə milli-mənəvi dəyərlərimizi təbliğ edən sənətkarlar yox, bu cür səviyyəsiz və əxlaqsız müğənniləri təbliğ etmək daha çox sərf edir. Nə vaxtacan sərf edəcək, bax, onu deyə bilmərik. Yəqin ki, bir gün belələrinə "dayan!" deyən tapılacaq.


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-06-19
2018-06-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (28.56%)
Argentina (14.29%)
İspaniya (14.29%)
Almanıya (42.86%)
Fransa (0%)

ÇOX OXUNAN
GÜNÜN LƏTİFƏSİ
Zakir Fəxri axşam maşını blokun qabağında saxlayır, pəncərəsinə də bir kağız yazıb yapışdırır ki, maşının radiosu yoxdu, maqnitofonu yoxdu, motoru yoxdu, mobil telefonu da özümlə götürmüşəm.
Səhər gəlib görür ki, kağıza yazıblar ki, "Ta onda təkərləri nəyinə lazımdı ki?!




digər lətifələr
ARXİV
FACEBOOK