ANA SƏHİFƏ / YAZARLAR

GECƏ YARISI QAYIDIŞ...

Yaxud itmiş qızıllar və dörd min manat pul necə tapıldı?

17819    |   2009-10-31 03:11
Şriftin ölçüsü:
A+ Böyütmək
A+ Balacalaşdır

Vallah, Bakıda nəqliyyatda yaranmış problemlərlə bağlı yazı yazmaqdan əllərimiz qabar olub. Biz nə qədər yazsaq da nəqliyyatdakı problemlər düzəlmək bilmir ki, bilmir. Bir də görürsən ki, bir avtobus dayanacaqda saxlamayıb qırmızı işıqda durmamaq üçün yüksək sürətlə keçib gedir. Sonra da camaat, daha doğrusu, sərnişinlər o ki, var sürücüyə deyinir, giley-güzar eləyirlər. Sürücülər də çox vaxtı bu deyilən sözləri qulaqardına vurur. Yəni sən nə qədər danışsan da, nöqsanları desən də yenə sürücü öz bildiyini eləyir.
   
   Bir neçə gün bundan əvvəl qəzetimizin əməkdaşı Vüsalə xanım gəlib mənə dedi ki, bəs metronun "Elmlər Akademiyası" stansiyasının qarşısındakı dayanacaqda 96 saylı marşrutda işləyən iki avtobus sürücüsü bir-birini qırırdı. Nə var, nə var onlar dayanacağa tez çatıb sərnişin götürmək üçün əvvəl bir-birilə ötüşüblər. Sonra dayanacaqda sürücülər yerə düşüb əlbəyaxa olublar. Burda bir "dartma yaxam cırıldı" əhvalatı baş verib ki, gəl görəsən. Sərnişinlər nə qədər çalışsa da bu iki sürücünü bir-birindən ayıra bilməyib. İş o yerə çatıb ki, Nəqliyyat Nazirliyinin əməkdaşları və marşrutu işlədən sahibkar hadisə yerinə gəlib. Onların gəlişindən sonra sürücülər arasında dava dayanıb və hər şey sakitləşib. Təki bütün davaların sonu sakitçiliklə başa çatsın.
   
   Hövsan camaatı şəhərə gəlib getməklə bağlı üzləşdikləri əziyyətdən çox danışırlar. Bizim nəqliyyatla bağlı yazılarımızı oxuyub bildirirlər ki, nə olar heç olmasa bir dəfə də bizim dərdimizdən yazın? Elə uzaqda yaşayırıq deyin başımıza oyun gəlməlidir? Hövsanlılar telefonla bu sətirlərin müəllifinə bildirirlər ki, biz həmin qəsəbədən Bakı Dövlət Universitetinə gələnə qədər üç marşrut dəyişirik. Bu da nə az, nə çox 60 qəpik eləyir. Elə olmazmı ki, birbaşa Hövsandan təzə avtovağzala bir marşrut açılsın, onun da qiyməti 30-40 qəpik olsun. Biz də həmin marşruta minib müəyyən hissəmiz "Elmlər Akadeymiyası" stansiyasının yaxınlığındakı ali məktəblərə, qalanlarımız "Azərbaycan" nəşriyyatına, bir çoxlarımız isə birbaşa həmin avtobusda təzə avtovağzala gedə bilək. Elə Bakı Dövlət Universitetinin yanında üç ali məktəb, bir də Elmlər Akademiyası yerləşir. Və həmin Elmlər Akademiyasının da neçə institutu var. Bu institutda da nə qədər elmi işçi, ziyalı işləyir. Bax, onların və bizim Hövsandan birbaşa deyilən yerə gəlib çıxmamız üçün nə qədər çətinliyimiz olur. Əgər Nəqliyyat Nazirliyi Hövsandan birbaşa dediyimiz istiqamətlərə yeni bir marşurut açsa, bundan həm biz razı qalarıq, həm də bütün Hövsan qəsəbəsinin sakinləri.
   
   
   
   ***
   
   
   
   Əşi, bu mollalar da lap ağ eləyiblər. Adi bir yasini oxumaq üçün adamdan nə qədər pul istəyirlər. Qabaqlar bir Hacı xanım vardı, yoldaşım onu yaxşı tanıyırdı. Rəhmətə gedənlərimizə hər ay yasin oxutdurardıq və yasin də oxudulanda deyilənlərə görə, rəhmətə gedənlərin ruhu şad olur. Bu Hacı xanıma da biz altı nəfər rəhmətə gedənimiz üçün yasin oxutduranda 5 manat pul verirdik. Amma günlərin birində Hacı xanım sifariş göndərdi ki, tay mən 5 manata yasin oxumuram. Çünki yağın, çayın, qəndin qiyməti bahalaşıb. Əgər 10 manat verirsinizsə, yasin oxuyum, vermirsinizsə, rəhmətə gedənlərinizə yasin oxutdurmaq üçün başqa bir adam axtarın.
   
   Sözün düzü, Hacı xanımın bu sözlərindən sonra qanım bərk qaraldı. Qanım o qədər bərk qaraldı ki, hətta başqa mollalara yasin oxutmaq fikrindən daşındım.
   
   Bir gün çayxanada əyləşib çay içəndə şair dostum Xaqani Ayxan dedi ki, mən ərəb dilini çox gözəl bilirəm. Hətta "Quran"ı belə orijinaldan oxuyuram. Elə vaxt olur ki, kasıb-kusub adamlar yas məclislərinə pulu olmadığı üçün molla tapa bilməyəndə mən özüm gedib həmin məclisi aparıram. Özü də məclisimdə iştirak eləyən insanlar görür ki, mən o məclisi hansı səviyyədə apara bilirəm. Soruşdum ki, ay Xaqani, yəqin həmin məclislərdə pul almamış olmazsan. Dedi ki, ömrüm boyu mən oxuduğum Quran üçün heç vaxt heç kimdən pul ummamışam. Əgər rəhmətə gedənlərinə yasin oxutmaq istəyirsənsə, de, qardaşın oxusun. Elə bil ürəyimdən xəbər verdi. Mən də rəhmətə gedənlərimizin adlarını Xaqaniyə dedim. Sonra cibimdən çıxarıb oxuyacağı yasin üçün ona pul uzatdım. Xaqani isə bildirdi ki, qardaş, mən heç vaxt o pulu ala bilmərəm. Çünki Quranın və Yasinin dəyəri pulla ölçülmür. Əgər kimsə pulla oxuyursa, deməli, həmin adam böyük günah eləmiş olur. Gərək insan heç vaxt başının üstündəki Allahı unutmasın. Bax, özün bilirsən ki, mən kitab satmaqla ailəmi dolandırıram. 4 kitab alana "Quran"ı pulsuz verirəm. "Quran"ı heç pulla satmaq da düzgün deyil. Onun günahı lap ağırdır.
   
   
   
   ***
   
   
   
   Mənim bir dostum var. Çox savadlı, ziyalı bir oğlandı. İxtisasca baytar həkimidi. Əslən Naxçıvandan olan Rəsul Səfərovu deyirəm. O deyir ki, bizim kənddə bir qəssab vardı. Həmişə mal-qoyunu kəsəndən sonra səliqə ilə əti doğrayar və çeşidləyib ayrı-ayrı yerə yığardı. Bu vaxtı da alıcılar gəlib soruşardı ki, bu ət təzədi, ya köhnə? Əti satan qəssab isə deyirdi ki, Məmmədhəsənin ölmüşünə bu ət gül kimi ətdi. Alıcılar da elə bilərdilər ki, elə Məmmədhəsən həmin ət satan adamın adıdır. Amma Məmmədhəsənin o kişi ilə heç bir əlaqəsi yox idi. Sadəcə olaraq Məmmədhəsən kəndimizdə bir baməzə adam olub və çoxları da canına and içirmiş. Axırda Məmmədhəsəni tanıyan bir kişi deyir ki, ayə, sən nə utanmaz adamsan. Sənin adın Məmmədhəsəndi, yoxsa Tağı? Qəssab görür ki, işinin üstü açılır və istəyir bu sözun altından çıxsın. Nə qədər eləsə də sözün altından çıxa bilmir və axırda deyir ki, ay başına dönüm, görmürsünüz ki, hər səhər mən heyvanı sizin gözünüzün qabağında kəsirəm. Əgər bu mal-qoyunu sizin gözünüzün qabağında kəsirəmsə, deməli, bu ət heç vaxt köhnə ola bilməz. Ət alan kişi də Tağıya deyir ki, bax, belə danış xoşum gəlsin. Yoxsa yazıq Məmmədhəsənin yeddi arxa dönənini niyə qoymursan o dünyada rahat yatsın.
   
   
   
   ***
   
   Adam bilimr ki, bir saatdan, bir gündən və bir həftədən sonra başına nələr gələcək. Bilsə əlbəttə, əvvəldən işini ehtiyatlı tutar ki, həmin qorxulu və faciəli hadisələrlə üzləşməsin. Yəni insanın hər addımı, hər yerişi və hər hərəkəti özündən asılı olmayaraq ilahi varlıq tərəfindən idarə olunur.
   
   Bizim qohumlardan biri bir neçə həftə bundan əvvəl Bakıya gələrkən yolda Sabirabad rayonu ərazisindəki "Çənlibel" restoranında maşını saxlayır. Ailə-uşaq maşından yerə düşüb restorana gəlir və süfrə açıb çörək yemək istəyirlər. Daha doğrusu, elə süfrəni də, yeməyi də restoranın xidmətçiləri gətirirlər. Onlar yeyirlər, içirlər və Allahlarına şükür eləyib maşina əyləşirlər. Maşın Qaradağa çatanda mənim qohumumun həyat yoldaşı birdən arxa salonda çantasını axtarır. Görür ki, çantası yoxdur. Arvadın həmin an həyəcandan gözləri böyüyür və ürəyi gedir. Bir təhər onu dərman verib özünə gətirirlər. Məlum olur ki, çantanın içində çoxlu qızıl üzük, qolbağı, sırğa və brilyant qaşlı bilərzik varmış. Bir sözlə, dörd-beş qohumun bütün qızıl-ziynət əşyaları və 4 min manat da pul həmin çantadaymış. Çantanın içində həmin xanımın mobil telefonu da varmış. Maşını idarə edən qohumum tez həmin nömrəyə zəng edir. Bir neçə zəngdən sonra telefonu kimsə götürür və deyir ki, qardaş, sizin çantanız yeməkxanada qalıb. Telefon zəng çalmasaydı heç çantanızı açmayacaqdıq. Ürəyinizi buz kimi saxlayın, çantanızda nə varsa, hamısı yerindədi. İstəsəniz indi gəlin götürün, istəsəniz də sabah. Mənim qohumum da maşını Qaradağdan döndərib təzədən Sabirabad istiqamətinə sürür və gecə saat 2-də həmin yeməkxanaya çatır. Yeməkxananın işçiləri çantanı ona verir. Qohumum da çantanı açıb baxıb görür ki, bütün qızıl-ziynət əşyaları və pullar yerindədir. Yeməkxananın işçilərindən halallıq almaq üçün qohumum cibindən çıxarıb 100 manat pul uzadır. Ancaq həmin xidmətçilər o pulu almır. Deyirlər ki, bizim elə pullarda gözümüz olsaydı, hər gün yüzlərlə adam "Çənlibel"də maşını saxlayıb çörək yeməzdi. Bu cür hadisələr bizdə hər gün olmasa da, tez-tez baş verir. Elə vaxt olub ki, burda pul çantasında 10 min manat pul müştərinin yadından çıxıb stolun üstündə qalıb. O pulu müdirimiz götürüb saxlayıb. Bir neçə gündən sonra sahibi gəlib çıxıb və pulunu götürüb. Halallıq olmayan yerdə heç vaxt xeyir-bərəkət olmaz. Mənim qohumum həmin axşam çox sevinib. Çünki hər itən şey geri qayıtmır.


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-26
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu,babam deyir ki, sən onun beynini də yemisən.




digər lətifələr
ARXİV
FACEBOOK