Film izle hacklink kiralık bahis sitesi satılık bahis sitesi Adalet.az | SEYMUR BAYCANI HƏBS ETMƏLİ! Adalet.az | SEYMUR BAYCANI HƏBS ETMƏLİ! Adalet.az | Ədalət -
ANA SƏHİFƏ / YAZARLAR

SEYMUR BAYCANI HƏBS ETMƏLİ!

Nə olar, bir dəfə də biz deyəni edin

23160    |   2009-03-14 02:13
Şriftin ölçüsü:
A+ Böyütmək
A+ Balacalaşdır

Xalqımızın adından danışmaqdan və yazmaqdan xoşum gəlmir. Lap düzünə qalsa, buna heç səlahiyyətim də çatmır. Bildiyimə görə, xalqın adından bizdə yalnız millət vəkilləri danışa bilər. Xalqın adından yazmaq üçün də bir xeyli xalq yazıçımız var. Mənə növbə çatınca... Amma yazmamaq da olmur.
   
   Bir Seymur Baycanla da bacara bilməyəcəyik? Ağlına və ağzına gələni yazıb ildə bir kitab çap etdirir. "18,6" kitabını oxuyub qurtarınca birini də bütün şəhərə yayıb. Bu dəfə kitaba "Körpüsalanlar" adını verib. Bütün bu cızmaqaraları ilə xalqımızın mənəvi dəyərlərinə böyük zərbə vurur. Torpaqlarımızı düşmən qoşunlarından azad etməyə köklənən məktəblilərimizin tərbiyəsinə mənfi təsir göstərir. Özünə "Seymur XXX" təxəllüsü götürüb. Baycan kimi qədim sözdən imtina edib mücərrəd XXX rəqəmindən yararlanmaqla iz azdırmaq istəyir. Guya biz heç nə bilmirik...
   
   Yəni bir şey maraqlandırır. Bütün bu işlərə yuxarılar niyə lazımınca diqqət yetirmir? Yazıçılar Birliyi də daxil olmaqla demək olar ki, bütün nazirlik və komitələrin binaları yeni təmir olunub. Özü də yüksək səviyyədə. Bəs həmin binalarda oturanlar hara baxır? Onların bu mövqeyindən ruhlanan Seymur Baycan öz kitabında həqiqətə uyğun olmayan şeylər yazır. Özünü elə aparır ki, guya heç Azərbaycanda yaşamır.
   
   Götürək elə onun "Körpüsalanlar"ını. Əsərin qəhrəmanı Ruslan İncəsənət İnstitutunun aktyorluq fakültəsinə daxil olmaq üçün beş dəfə sənəd verib və beşində də imtahandan kəsilib. Ağ yalandı. Axı, reallıqda belə şey yoxdu. Bizim məmləkətdə imtahandan ən azı dörd dəfə "kəsilirlər". Əsərin qəhrəmanı indi də körpü tikintisində fəhləlik edir. Digər bir obraza baxaq. Rasim İncəsənət İnstitutunun aktyorluq fakültəsini bitirib. Hətta bir neçə məşhur filmdə kütləvi səhnələrdə də çəkilib. Müəllifin uğursuz aktyor saydığı Rasim indi gecələr konservatoriyada gözətçi işləyir. Belə də yalan olar? Əvvəllər "davalı kinolarda" kütləvi səhnələrə çəkilən Rasim sonra gözətçi işləyəcəkdisə, elə gedib kinostudiyanı qoruyardı da, onun konservatoriyada nə işi vardı?
   
   Hələ bu harasıdı? Guya köhnə bakılı Rasimin evini söküb yerində göydələn tikiblər, ona da pul verməyiblər. Axı, tam yalandı. Əsərin bu yeri həyatdakı reallığı tam əks etdirmir. Bu gün hansı bakılının evini sökürlər ki, Rasimin də evi buldozerin altında qala? Adam burda demək istəyir ki, yalançının... Sözü özüm qəsdən yarımçıq saxladım. Mən Seymur Baycanın tayı deyiləm ki, hər on-on beş cümlədən bir söyüş yazım.
   
   "Körpüsalanlar"da Səriyyə obrazını oxumusunuz? Dəhşətdi, yalan dizə çıxıb. Körpü tikintisində çalışan fəhlələrə yemək bişirən Səriyyə xəstələnəndə onu xəstəxanaya aparan fəhlələr qadının əməliyyat olunması üçün pul yığırlar. Həkimlər Səriyyənin ödünü çıxarırlar. Tibb bacısı çıxarılmış ödü məcməyidə gətirib Səriyyəyə göstərir. Səriyyə də ödü götürüb məcməyiyə pul qoyur. Şəxsən mən bu cümlələri yazan müəllifi öz əllərimlə boğmağa hazıram. Bakıdakı bütün dövlət və özəl xəstəxanaların qarşısından keçmişəm, amma heç birində əməliyyat üçün xəstənin yaxınlarından pul alınmasını görməmişəm. Ay məcməyidə öd belə gəldi, pul elə getdi, tibb bacısı belə baxdı...
   
   Seymur XXX körpüsalanların gərgin əməyini hər cümlədən bir yerə vurur. Guya tikinti zamanı fəhlə mühəndisi döyür, tikilən körpülər çat verir. Axı, nə vaxt, harda? Düzdü, istifadəyə verilən körpülərin bəzilərində açılış mərasimindən sonra yüngülvari təmir işləri aparılıb. Amma çat vermək söhbəti olmayıb axı. Yalan yazmaq nəyə lazım?
   
   Hələ siz "Körpüsalanlar"ın finalını oxuyun. Oxuyun ki, müəllifin nələr uydurduğunu öz gözlərinizlə görəsiniz. Baş qəhrəman Ruslan guya hər şeydən bezəndən sonra bulvara gəlir. Mağazadan aldığı ülgüclə damarlarını kəsib həyatına qəsd edir. Sən yazdın, biz də inandıq... Axı, belə gözəl zamanda hansı fəhlə həyatına qıyar? Düzdü, bəziləri yeni tikilən göydələnlərin yuxarı mərtəbələrindən yıxılıb ölürlər. Amma onların körpüsalanlara nə dəxli? Körpü salmaq ayrı, göydələn tikmək ayrı. Bir də ki, ülgüclə səni kimdi bulvara buraxan?
   
   Xalqımızın adından danışmaq və yazmaqdan xoşum gəlməsə də, yəqin ki, tələb irəli sürə bilərəm. Tələb edirəm ki, Seymur XXX təcili həbs olunsun! Yuxarıdakılar, nə olar bir dəfə də biz deyəni edin. Seymurun əl-qolunu qandallayıb Bayıla aparın. Qarşıdan Novruz bayramı gəlir. Bayram günlərini nəzərə alıb həbsdə yatan Seymur Baycanı əfv etmək də olar...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK