ANA SƏHİFƏ / YAZARLAR

BU YOL HARA GEDİR

32921    |   2015-01-24 10:05
Şriftin ölçüsü:
A+ Böyütmək
A+ Balacalaşdır

Yollar ... Vətənə, qürbətə, xeyirə, şərə, cənnətə, cəhənnəmə, savaba, günaha, pisliyə, yaxşılığa... aparan yollar. Sizmi günahkarsınız, yoxsa bu yolu tutub gedənlərmi? Bizi hara apardığınızın fərqindəsinizmi? Səfərimizin harada bitəcəyi, harada son dayanacağımız olacağı məlumdumu sizə?
Asan yol, çətin yol, abad yol, bərbad yol, yola düşmək, yoldan çıxmaq deyimi, yola yaxın adam, yolsuz adam, yolunu azmış adam, pis yolun adamı, yaxşı yol arzulanan adam, uğurlu yol dilənən adam - hamısı yol adamı... həyat yolunun, tale yolunun, qismət, qədər payının, alın yazısının ömrümüzə düşən hissəsi... harada qırılacağını, bitəcəyini bilmədiyimiz yollar...
Qatar yolundayam. Bir zamanlar Bakıdan başlamış doqquz - on rayon keçəndən sonra Horadiz vağzalına çatan bu yol, sonra yenidən bir neçə rayonumuzdan, o cümlədən Türkiyə ilə sərhəddimizdən keçərək İrəvana qədər uzanıb gedərdi...
İndi Horadiz hələlik sonuncu vağzalımızdı. Hələlikmi?!. Bu "hələlik" ümumun hesabıyla on doqquz il, mənim hesabımla yüz il çəkdi... hələliyin müddətini biləniniz varmı?
Tələbə ikən Horadizə çatanda qatarın tez yola düşəcəyindən ehtiyatlanıb, əşyalarımızı əvvəlcədən yığışdırar, qatardan tələm - tələsik düşərdik. İndi tələsmirdik - qatar burdan o yana bir addım da getməyəcəkdi... gedə bilməyəcəkdi...
Qatardan düşüb ətrafa baxıram. Vağzalda hər şey o vaxtlar olduğu kimidi - qələbəlik, düşənləri qarşılayan yaxınları, qatardakı yol yoldaşı ilə sağollaşanlar, müştəri "tutmaq" üçün dil tökən taksi sürücüləri, qiymət endirmək üçün ləngiyən sərnişinlər - hər şey eynilə on doqquz il əvvəl olduğu kimidi. Görəsən onları da qüssələndirirmi bu yarımçıq qalmış yollarımız, burdan o yana gedə bilməmək dərdimiz, utancımız? Qoşa qollar kimi uzanan, amma üstündəki qatarı irəli aparmaq gücündə olmayan boş qalmış dəmiryolumuza baxaraq kədərlənirlərmi?
Kəndə üz tuturuq. Şosse yolundan qatar yolunun Əhmədalılar keçidinə keçərkən dəmiryoluna boylanıram, bu keçidi keçərkən şlaqbaum olsa da, həyəcan keçirərdim. Çünki bir dəfə gözətçinin səhvi üzündən dəhşətli qəza baş vermişdi və bu, uşaq yaddaşıma həkk olunmuşdu. Hər dəfə bu yolu keçərkən qatarın gəlib-gəlmədiyini yoxlamaq məndə vərdiş halını almışdı. Sürücü boylandığımı görüb, laqeyd-laqeyd: arxayın olun, qatar Horadizdən bu yana keçmir ki... deyir. Arxayın oldum! Hamımız arxayınıq. Arxayın olmasaq, qatarımız İrəvana qədər gedərdi!!!
Keçiddən kəndimizə tərəf uzanan dəmiryoluna baxıram. Nə qədər ürəkağrıdıcıdı... Səssiz, bozarmış, üstünü tikan basmış, peşiman-peşiman uzanır... göz qaralınca bax, bax, bax... İlahi, bu yolun yolçuları hanı? Bir zamanlar kənd uşaqlarının (mənim də!) "göy poyuz" (sərnişin qatarı göy rəngdə idi -F.R) adlandırdığımız, sehirli "tıq - tıq" səsindən xoşlandığımız, səhər və axşam saat doqquz, ya onda həvəslə gözlədiyimiz gedənlərimizi, gələnlərimizi bizə qovuşduran qatar indi kəndimizə qədər də gedə bilmir...
Qüssəvericidi yolu kəsilmək, yolu bağlanmaq... Bir zamanlar sənin olan, sənin getdiyin, sənin tapdadığın yollar indi düşmənin ayaqları altındadı və sən o yollara həsrətsən. Təkcə həsrət qalmaq deyil adamı incidən, təkcə uşaqlıq, gənclik xatirələrimizin bu yollarda tapdanması deyil, həm də qeyrətimizin, qürurumuzun, heysiyyatımızın dünya dövlətlərinin əlində oyuncaq olanların tapdağı altında olmasıdı... Öz vətənimizdə, öz elimizdə yarımçıq qalmış yollarımız, yarımçıq qalmış arzularımız, ot - ələf basmış izlərimiz, bölünmüş torpaqlarımız, viran qalmış kəndlərimiz, sahibsiz qəbiristanlıqlarımızdı, səsimizin yatmış vicdanları oyada bilməməsidi, harayımızın özümüzdən başqa kimsənin tükünü belə tərpətməməsidi...
Yenə gedəcəkmi bu qatar İrəvana, biz görə biləcəyikmi o gediş - gəlişi? Buna ümidim heç vaxt azalmayıb. Amma vağzaldakı gündəlik qayğısından başqa heç nəyi düşünməyən, yarımçıq yolun davamı umurunda belə olmayan insanlara baxanda hər hala uyğunlaşan həmvətənlərimin buna da öyrəşəcəyinə, (təəssüf ki, artıq öyrəşdiyinə), axırıncı dayanacağı Horadiz olan qatarımızın uzaqlara yol almasına maraq göstərməməsinə təəsüfləndim...
Amandı, yolu olan, ancaq bu yolla gedəni olmayanlardan olmayaq! Bakıdan İrəvanadək uzanan dəmiryolumuzu Horadizə qədər getməklə kifayətlənməyək! Və bunu kənarın deyil, öz gücümüzün hesabına, sənin, mənim, onun - bizim əzmimiz, istəyimiz, təpərimiz, qeyrətimizlə əldə edək. Bizə açdıqları yolları qoruyaq, o yolla axıradək gedə bilək və özümüz də yeni yollar açaq!
Yolumuz açılsın, yolumuz Vətənə aparsın, Vətənə qovuşdursun - bütöv Vətənə! Amin!


YAZARIN ARXİVİ

2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-01-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK