Film izle hacklink kiralık bahis sitesi satılık bahis sitesi Adalet.az | Su gəlib daşa dəydi, ayaqqabı Buşa dəydi Adalet.az | Su gəlib daşa dəydi, ayaqqabı Buşa dəydi Adalet.az | Ədalət -
ANA SƏHİFƏ / YAZARLAR

Su gəlib daşa dəydi, ayaqqabı Buşa dəydi

26395    |   2008-12-20 06:00
Şriftin ölçüsü:
A+ Böyütmək
A+ Balacalaşdır

Müntədar əz- Zeydinin ayaqqabısını hamı geyə bilər, amma onun hərəkətini təkrar eləmək hər oğulun işi deyil
   
   "Ədalət"in mənə ayırdığı meydanda bu həftə başqa işlərim vardı. Tamam fərqli bir mövzu haqqında yazmaq istəyindəydim. Həftə başlayan kimi Misirin "Əl-Bağdadiyə" telekanalında çalışan iraqlı jurnalistin atdığı ayaqqabı məni ayıltdı. Başımı yana əyən kimi...
   
   Gördüm ki, dünyanın başı Corc Buşun başına qarışıb. Hamı onun şampun və daraq əskik olmayan başından və jurnalistin tozlu ayaqqabısından danışır. Buşun başına bu nə iş idi gəldi? Amerika prezidentinin bir ayağı "Ağ Ev"dədi, biri adi evdə. Bu gün-sabah vəzifəsini təhvil verib oturacaq itinin, pişiyinin yanında. Belə bir kövrək məqamda Buşun başı bəlaya düşdü. Düzdü, kişinin başına iş gələr. Lakin söhbət Buşdan gedəndə məsələ bir qədər fərqlidi...
   
   Buş bəlkə də ömründə ilk dəfə cəld tərpənib başını yana əydi. Necə deyərlər, Amerikanın başını aşağı düşməyə qoymadı. Onun bu hərəkəti olaya dinamiklik qatsa da, fakt faktlığındadı. Bir cüt ayaqqabının ona tərəf atıldığını bütün dünya gördü. Buş ömrüboyu unuda bilməyəcəyi həmin mətbuat konfransında zarafatından da qalmadı. Bunlar hamısı olayın bizə göstərilən tərəfləridi. Göstərilməyən tərəfləri də yetərincə maraqlıdı. Deyilənə görə başı qəfil ayaqqabı zərbəsindən qurtulan Corc Buş məhdud çərçivədə pərt görünüb. Pərtlik onun astadan pıçıldadığı şeir parçasında da özünü göstərib:
   
   
   
   Gəldim bu İraqın hər üzün gördüm,
   
   Səhrasını gördüm, dənizin gördüm.
   
   Ayaqqabı üstündə tozunu gördüm,
   
   Mənin Amerikaya dönməyim gəlir.
   
   
   
   Sənin haranı qoyum, haran ağlayım, ay dünya... Bir cüt jurnalist ayaqqabısı sənin siyasi gündəmini gör necə dəyişdi.
   
   Söhbət ki, Buşa tolazlanan ayaqqabıdan düşdü, gərək həmin məşhur başmaqların sahibindən da yazam. 29 yaşlı həmkarım Müntədar əl- Zeydi bir cüt ayaqqabısıyla bütün dünyanın diqqətini İraqa yönəltməyi bacardı.
   
   Bu neçə günün içində İraq radiolarında hitlərdə də inanılmaz dəyişikliklər baş verdi. Bir mahnının reytinqi o qədər artıb ki, gəl görəsən:
   
   
   
   Su gəlib daşa dəydi,
   
   Ah bu gecə, bu gecə, bu gecə.
   
   Ayaqqabı Buşa dəydi,
   
   Ah bu gecə, bu gecə, bu gecə.
   
   
   
   Bir neçə gündü bizim məktəblərdə müəllimlərimiz sinifdənxaric oxuda "Buş və bir cüt tozlu ayaqqabı" nağılını keçirlər. Şagirdlərimiz fasilələrdə bir-birinə ayaqqabı tullayırlar. "Əkil-bəkil" oynayan cocuqların repertuarında dəyişiklik olub
   
   
   
   Əkil-bəkil quş idi,
   
   ABŞ prezidenti Buş idi.
   
   Gəldi İraqı görməyə,
   
   Jurnalist qalxdı onu döyməyə.
   
   
   
   Qonağa ayaqqabı tolazlamaq bəlkə də qanacaqdan kənardı. Amma iraqlı həmkarımı qınamağa nə dilim gəlir, nə əlim. Torpağı yağmalanıb, mətbuat işçilərinin əksəriyyəti kirayələrdə yaşayır, aylarla qonorar ala bilmirlər. Bu durumdan bezən jurnalist həmkarım əlinə imkan düşən kimi etirazını bildirdi. Minlərlə insanın ürəyindən tikan çıxartdı. Müntədar bu gün ərəb ölkələrinin demək olar ki, hamısında milli qəhrəmana çevrilib. Ayaqqabısı da tarixdə özünə möhkəm yer tutub. ABŞ prezidenti Corc Buşa tullanan həmin bir cüt ayaqqabıya indidən yüz min dollar vermək istəyənlər var. Nahaq deməyiblər ki, Müntədarın ayaqqabısını geymək olar, amma onun qəhrəmanlığını təkrar etmək hər oğulun işi deyil.
   
   Torpaqlarımız yağmalanıb, ATƏT-in Minsk Qrupunu təmsil edən bivec həmsədrlərin əlində qalmışıq. Mətbuatımızın halı da elə məmləkətimizin halı kimi. Ayaqqabımın hər iki tayını var gücümlə tullamaq istəyirəm.
   
   Adamın bir Buşu ola...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK