hacklink Adalet.az | XƏZƏRİN MEHİ Adalet.az | XƏZƏRİN MEHİ Adalet.az | Ədalət -
ANA SƏHİFƏ / YAZARLAR

XƏZƏRİN MEHİ

20622    |   2014-11-29 01:57
Şriftin ölçüsü:
A+ Böyütmək
A+ Balacalaşdır



Ötən günlərdə interneti açdıqda əziz dostum Əlövsət Əmirbəylinin məktubunu gördüm. Yazırdı ki, "Biz Ankaraya gələcəyik və Hacəttəpə Universitetinin Kültür Zalında tədbir keçirəcəyik, sizləri də orda görmək istəyirik".
Məktubu oxuyan kimi 1990-cı illər yadıma düşdü. Bakıdan teatr qrupu gəlmişdi, mərhum yazıcımız İlyas Əfəndiyevin "Sevgililərin Cəhənnəmdə Vüsalı" adlı tamaşası Ankarada yərləşən Opera və Balet Teatrında tamaşaya qoyulacaqdı. Əziz və istəkli dostum, görkəmli yazıçımız, siyasət və mədəniyyət xadimimiz Elçin Əfəndiyev o günlər bizə nağıllardakı kimi gözəl anlar yaşatdı, burda təkrarən ona qardaş təşəkkürlərimi bildirirəm. O axşam nəinki Ankaradan, digər şəhərlərdən də xəbər tutub həmin tamaşaya baxmağa və Azərbaycanın ab-havasını həsrətlə dərməyə gələnlər vardı. Sovet imperiyası artıq can üstə idi, nəinki can üstə hətta canını da tapşırmışdı, ancaq xofu hələ də davam edirdi. Nə o gecəni, nə də o əsəri səhnədə ən gözəl şəkildə ifa edən sənətçilərimizi unuda bilmirəm, bilməyəcəyəm. Əlövsət bəyin məktubunu oxuyan kimi istər-istəməz o günlərdən bu günlərə hansı mərhələləri keçib gəldiyimizi xatırladım... Məktubu oxuyandan sonra da Əlövsət bəyə məktub yazdım və o axşam ən vacib işimiz də olsa onu təxirə salacayıq, həmin tədbirdə sizi yalnız buraxmayacayıq, dedim.
Günlər birbəbir ötdü və həmin gün göz açıb yumana kimi gəlib çatdı. Yoldaşımla birlikdə Hacəttəpə Universitetinin mədəniyyət zalına üz tutduq, ora ilk çatan biz idik. Əlövsət bəy bizi görən kimi o nurlu üzü ilə gülə-gülə bizə sarı yüyürdü, qucaqlaşıb salamlaşdıq. Salonun qapısı vaxt tez olduğuna görə hələlik bağlı idi, bizi səhnənin arxasından içəri buyur etdi. Xəzər Universitetinin rektoru Hamlet bəy İsaxanlı ön cərgədə oturmuşdu və səhnədə çıxış edəcək qrupun tələbələrdən ibarət nümayəndələrinin məşqlərini izləyir, məsləhətlər verirdi. O da bizi Əlövsət bəy kimi nəzakətlə və gülər üzlə qarşıladı, görüşüb əyləşdik. Hacəttəpə Universitetinin elmi həyəti, müəllimlər, tələbələr və qonaqlar ardıcıl şəkildə gəlib zalı doldurdular. Tədbir deyilən vaxtda başladı, başlayan kimi də Hamlet bəy Hacəttəpə Universitetinin rektorundan icazə alaraq səhnənin sol küncünə qoyulan stolda əyləşib tədbiri idarə etməyə başladı. Hansı mahnı və ya rəqs ifa olunacaqsa, onları kim ifa edəcəksə, qonaqlara onlarla bağlı ətraflı məlumatlar təqdim etdi. Tədbirin axırında rəqs qrupunun Türkiyə və Azərbaycan bayraqlarıyla səhnəyə daxil olması isə qeyri-adi mənzərə idi. Şükür sənə Tanrı, artıq qardaş bayraqlarımız elm ocaqlarımızın səhnələrində və hər iki vətəni, dövləti sevənlərin ürəklərində yanaşı dalğalanır.
Hacəttəpə Universiteti Türkiyənin say-seçmə elm yuvalarından biridi və dünya miqyasında tanınıb. Xəzər Universitetinin Hacəttəpə Universiteti ilə bu cür bir əlaqə yaratması Xəzərin gücündən və sayğınlığından xəbər verirdi. Hamlet bəy, hələ tədbir başlamamış Xəzər Universiteti baradə məlumat verdi və dünyanın hansı universitetləri ilə əlaqədə olduqlarını sadaladı.
Bu gün Xəzər Univərsiteti bütün dünyada tanınır və adı hörmətlə yad edilir, bundan şəxsən xəbərdaram. Bir univərsitetin İngiltərədə, Fransada ya Amerikada tanınması asan iş deyil. Azərbaycan kimi Qafqaz regionunda yerləşən bu gənc və balaca ölkənin hər hansı elm yuvasının dünya miqyasında tanınmasına adi gözlə baxmaq məncə insafsızlıq olardı. Aldığım məlumata görə, Xəzər Universitetinin bu gün dünyada 250-yə yaxın tərəfdaşları var. Dünyanın say-seçmə elm yuvalarında dərs deyən alimlərin gedib Xəzər Universitetində dərs deməsi, o universitetlərlə tələbə mübadiləsi aparılması onu göstərir ki, Hamlet İsaxanlı və ekibi Xəzərin sahilində o adla Azərbaycana yaraşan sanballı bir elm ocağı yaradıblar. 1990-cı ildə təlim-tədris işinə 20 tələbə ilə başlayasan və yaranan gündən təlim-tədrisi İngilis dilində aparasan, universitetdə keyfiyyətli kadrlar hazırlayasan. Görülən bu iş böyük yox, böyükdən də böyükdür. Bunu alqışlamaq isə mənə görə hər bir Türkün boyun borcudur. Digər tərəfdən Hacəttəpə Universitetində həyata keçirilən həmin tədbir, bu elm ocağının sadəcə olaraq təhsillə maraqlanmadığını, Azərbaycanın Fidan Hacıyeva və Zülfiyyə Sadıqova kimi sənətkarlarının orda dərs deyib kadrlar hazırlaması buranın həm də bir mədəniyyət ocağı olduğunu sübut edir. Türk dünyasının görkəmli şəxsiyyəti Atatürk, "Sənəti olmayan millətin həyat damarlarından biri kəsilib deməkdir" sözünü əbəs yerə deməyib. Hamlet bəy və ekibinin Xəzər Universitetini həm elm, həm də sənət ocağına çevirməsi onların vətən və millət yolunda nə böyük fikirlər daşıdığını sübut edir.
Əzizlərimiz Hamlet bəy, Əlövsət bəy, yolunuz uğurlu-nurlu və işiniz avand olsun.
Azərbaycan, Türk dünyasının həddən artıq önəmli strateji məkanında yerləşib. Azərbaycanın atdığı hər addım, istər müsbət olsun, istər mənfi birbaşa Türk dünyasına təsir edir, ona görə də Azərbaycanın qazandığı uğurlar yalnızca özünün deyil, bütövlükdə Türk dünyasınındır, şəxsən mən hadisəni bu cür qiymətləndirirəm.
Yaddan çıxarılmamalıdır ki, Sovetlər Birliyi dövründə Krımlı, Tatarıstanlı, Özbəkistanlı, Türkmənistanlı və digər Türk xalqlarına mənsub Türkçü alimlərin cəllad Stalinin tuthatut siyasətində gözdən yayınmaq və Türkçülük uğrundakı mübarizələrini yeritmək üçün Azərbaycana üz tutmaları təsadüfi bir hadisə deyildi, çünki bura özək idi, mərkəz idi. Sözün burasında böyük əziyyətlər çəkərək arxiv materiallarına müraciət edərək 30 il idarə etdiyim Türkiyənin Səsi Radiosu Azərbaycan Türkcəsi Verilişləri Redaksiyası üçün "Türk Dünyasının Məşhurları" adlı sənədli-silsilə proqramlar yazan əziz qardaşım Əli Şamil bu mövzuda çox gözəl tərcüməyi-hallar hazırladı və radioda onları iki ildən çox zamanda təqdim etdik. Həmin proqramlarda Sovetlər Birliyi dövründə KKB-nin öz millətini və vətənini sevməkdən özgə heç bir günahı olmayan alimlərə, ziyalılara nə cür divan tutduğu dilə gətirilirdi. İnşallah əli Şamil bəy onları bir kitab şəklində çap etdirər və gələcək nəsillər bizim ulu şəxsiyyətlərimizə kimlərin nələri rəva gördüyünü başa düşər, gələcəyə sarı addımlarını da ona görə atar.
Xəzər Universiteti kimi bir elm ocağı, o ocağı yaradanlar və davam etdirənlər olduqca, Türk dünyasına neçə-neçə Əli bəy Hüseynzadələr, Hüseyn Cavidlər, Üzeyir Hacıbəylilər, Fikrət Əmirovlar, Qara Qarayevlər və digərləri ardıcıl şəkildə yətişəcək, Azərbaycan adlı müqəddəs vətən günü-gündən işıqlanacaq, nurlanacaqdı.
Yolun açıq olsun qardaş diyarımız..



YAZARIN ARXİVİ

2019-02-26 : SALAMLARLA
2018-06-01 : SON ZƏNG
2018-04-28 : YALANÇININ ŞAMI
2018-02-24 : TARİXİ ADDIM
2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2019-11-16
2019-11-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK