ANA SƏHİFƏ / YAZARLAR

GETMƏK İSTƏYİRSƏN BƏHANƏSİZ GET...

47094    |   2014-10-11 01:44
Şriftin ölçüsü:
A+ Böyütmək
A+ Balacalaşdır

... Hələ ömründə bu qədər çətin anlar yaşamamışdı. Hələ heç başı da bu qədər cəncəl işlər görməmişdi. Səhər tezdən gözlərinə inanmadı. 32 il bir yerdə yaşadığı xanımı alnını turşutdu və dilləndi:
- Daha sənin nazına dözə bilmirəm. Mən elə bildim ki, səhvlərindən bir nəticə çıxaracaqsan. Ev-eşiyə, uşaqlarına qayğı göstərəcəksən. Düz 32 il gözlədim, hər gün məni şirin sözlərlə yola verdin...
Gözləri doldu və içindən qəribə bir hisslər keçdi. Dolmuş gözləri 32 il bir yerdə yaşamış xanımın da ürəyini yumşaltmadı, handan-hana dedi:
- Mənim ən böyük günahım təmiz olmağımdır. Düzdür, imkanlarım böyük olub, yaxşı pul qazanmışam, amma hamısını da bacı-qardaşa, qohum-əqrəbaya xərcləmişəm. Görmüşəm ki, bacım xəstədir cibinə pul qoymuşam. Qardaşımın dolanışığı pisləşib ona əl uzatmışam, amma mən heç vaxt əclaf olub kiminsə dərisini soya bilməzdim.
Qadını onun bu sözlərindən daha da əsəbləşdi. Elə bil ki, onu tok vurdu:
- Nə təhər olur sənin iş yoldaşın Nemət özünə hər cür şərait düzəldə bilir, uşaqlarına ev-eşik tikməyi bacarır, amma sən ikiotaqlı bir evin içində qalmısan. Düz 32 ildir başımın altına yastıq qoyub məni şirin vədlərinlə aldadırsan; gələn il yaxşı olacaq, maşın alacağıq, təzə mənzilə köçəcəyik. Mən də 32 ildir sənin vədlərinə inanıb gözləyirəm və gözləməkdən gözümün kökü saralıb. Heç xəbərin var Nemət neyləyib? İkimərtəbəli ev tikib, qızına da elə öz həyətində qəşəng bir imarət ucaldıb. Hələ həmin həyətdə 3-4 də balaca ev inşa edərək başqalarına kvartirant verib. Ayda kvartirantlardan 700 manat pul qazanır. Sən isə əlin də gətirmir, maaşın da bizi qane eləmir. Uşaqlarına da bir gün ağlaya bilmədin.
Kişini qəhər boğdu:
- Neyləyim, mən onun kimi binamus və şərəfsiz ola bilmərəm. O adam pula görə anasının əmcəyini kəsər və övladlarını, nəvələrini ayağının altına qoyub pulu götürər. Görmürsən göygöz köpəyoğlunun sifəti də qıpqırmızıdır. Deyirlər ki, göygözdən, qırmızı sifətdən və sarı adamdan qorxulu adam yoxdur.
Kişi nə qədər danışsa da 32 illik xanımı onun sözlərinin heç birini eşitmirdi. Yenə onun gözündə Nemət hamıdan uca idi. Çünki Nemətin maşınları, evləri və böyük də kommersiya şəbəkəsi var idi. Amma Nemətin bir şeyi yox idi: ləyaqəti! O adam ləyaqəti də, şərəfi də və namusu da pula satmışdı. Hətta pul o qədər gözünü örtmüşdü ki, əxlaqsız və küçə qadını da evinə gətirirdi. Arvadı və uşaqları ona nə qədər desələr də o yolundan dönmürdü. Deyirdi ki, dul qadındır, bunun günahı nədir? Mən də ona arxa dururam, əl tuturam.
Amma Nemət o dul qadına arxa duran və əl tutan deyildi. Sadəcə olaraq, həmin qadını öyrədir varlı və vəzifəli adamların yanına göndərir və onları şantaj edirdi. Bəzən həmin vəzifəli adamları mobil telefonla qadın arasında olan intim münasibətləri lentə alırdı. Sonra da həmin görüntüləri Nemətə göstərir, Nemət də həmin adamlarla telefon əlaqəsi yaradaraq onları qorxudurdu. Deyirdi ki, mən olmasam o qadın görüntüləri Youtubedə yerləşdirəcək və sizi biabır edəcəkdir. Həmin görüntülərə sizin tabe olduğunuz nazirliyin rəhbərliyi baxandan sonra tutduğunuz vəzifədən çıxarılacaqsınız. Hələ üstəlik də ailənizin hər hansı bir üzvü bu görüntüləri izləsə, onda görün sizin başınıza hansı faciələr və oyunlar gələcək.
...Qorxuya düşən vəzifə sahibləri elə həmin an çıxış yolu fikirləşir və Nemətə qadınla onların arasını "düzəltməyi" xahiş edirdilər. Nemət də özünü ağır aparır və deyirdi ki, görüm qadını yola gətirə bilirəmmi? Bu "oyun"la Nemət qadının əli ilə vəzifəli şəxslərdən 5-10 min manat pul qoparırdı. Sonra da bu pulun çox cüzi hissəsini həmin xanıma verirdi və deyirdi:
- Bu adamlar səni ilişdirə bilərlər.
Qadın da bu sözlərdən sonra qorxar və geri çəkilərdi. Nemət isə gündə bir adama "torba tikmək" haqqında fikirləşərdi. Elə ki, "torba"nı tikirdi, bax onda kefi ala buluddan nəm çəkirdi. Düzdür, pul qazanırdı, var-dövləti çoxuydu, ancaq qorxudan şəkər xəstəliyinə tutulmuşdu və ürəyindən də əməliyyat olunmuşdu. Təzyiqi isə kəllə-çarxa çıxırdı. Yanında fırlatdığı qadınla müxtəlif restoranlarda eyş-işrət keçirər, o da ağrı-acını içindən bu yolla çıxarmağa çalışardı. Dəfələrlə cəncəl işlərə görə başına olmazın müsibətlər gəlmişdi. Ancaq o qədər abırsız, həyasız, şərəfsiz və alçaq adam idi ki, bunların heç biri ona təsir eləməzdi. Çünki Nemətin Araz aşığından Kür də topuğundan idi.
...32 illik qadının gözləri dolmuşdu. Bu 32 ildə nə olmuşdu hamısı kino lenti kimi bir daha yenidən gözləri önündə canlandı. Çünki o həyat yoldaşı ilə ən kasıb günlərində belə çox mehriban və xoşbəxt yaşayırdılar. Bir tikə çörəyi elə şirinliklə yeyirdilər ki, hamı da onlara qibtə edirdi. Qohum-qonşu, dostları deyirdilər ki, vallah, bunlardan mehriban ailə yoxdu. 2 övladları var idi, birini evləndirmişdilər, biri də hələ subay idi. Yəni oğluna qız almamışdılar.
Elə evin xanımını da ən çox narahat edən bu hisslər və duyğular idi. Oğlu evlənməmişdi və yaxşı bir yerdə də işləmirdi. Üstəlik onların maşınları da yox idi. Qohum-qonşuda hamının maşını vardı, xanım da bunları görəndə içindən od tutub yanır və başlayırdı 32 illik həyat yoldaşı ilə dığ-dığa. Bu dığ-dığ onları lap boğaza yığmışdı. Elə gün olmurdu ki, evdə dava-şava və qırğın olmasın. Xanım da fikirləşmişdi ki, bu davanın qarşısını almağın yeganə yolu evdən getməkdir.
...Çamadanını yığışdırdı. Və hər şeyi gözünün qabağına aldı. Düşündü ki, mənim evdən getməyim çox söz-söhbətə səbəb olacaq. Hətta mənə şəbədə də qoşacaqlar. Amma ürəyi, qəlbi həyat yoldaşı ilə oğlunun yanında idi. Çünki həyat yoldaşı bir dəfə infarkt keçirmişdi və təzyiqi də çox yüksək idi. Ancaq dişini-dişinə qıcıyıb evdən çıxdı:
- Qoy mənim evdən getməyim yanan odun üstünə bir su töksün. Bəlkə bundan sonra nəsə sakitlik olar və rahatlıq taparıq. Siz burda rahat yaşayın, mən də gedəcəyim yerdə.
Çox uzağa getmirdi. Bacısıgildə qalacaqdı. Xanım evdən çıxanda hər ikisi ilə vidalaşdı: Allah sizi qorusun! Tay bu sözlərdən sonra bir söz demədi. Gözlərindən sifətinə doğru diyirlənən yaşlar yoldaşının da ürəyini dağladı.
Həyat yoldaşı onu çox istəyirdi. Bir həftə idi ki, heç biri bir-birinə telefon açmır və xəbər tutmurdu. Axşam Nüsrət Kəsəmənlinin şeirlər kitabını vərəqləyən həmin ziyalı adam bir şeiri oxuyanda gözləri yenidən doldu və düşündü ki, rəhmətlik Nüsrət Kəsəmənli elə o şeiri onlar üçün yazıb:

Getmək istəyirsən bəhanəsiz get,
Oyatma mürgülü xatirələri,
Səsin həmin səsdi, baxışın ögey,
Gedirsən, səsin də yad olsun, barı.

Getmək istəyirsən nə danış, nə din,
Yox ol uzaqlartək dumanda, çəndə,
Nəyimi sevmişdin deyə bilmədin,
İndi isə yüz eyb görürsən məndə...

...15 gündən sonra qapının zəngi çalındı. Kişi gözlükdən baxmadan qapını açdı; bu onun 32 illik həyat yoldaşı idi. Sifətində nur, çöhrəsində nur və əməlində işıq. Onun gəlişi ilə evə bir sevinc, bir işıq, bir nur gəldi. O işıq ki, bir daha bu evdən, bu eşikdən əskik olmayacaqdı...



YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK