ANA SƏHİFƏ / YAZARLAR

KÜPƏ

10838    |   2014-09-13 01:12
Şriftin ölçüsü:
A+ Böyütmək
A+ Balacalaşdır

Müqəddəs kitabımız olan "Qurani-Kərim"də buyrulur ki, mən insana ağıl da verdim, tamah da. Mələklərə ağıl verdim, tamah vermədim, heyvanlara tamah verdim, ağıl vermədim. İndi görün Allah-Təala insana nə qədər varlıq bəxş edib. Əlbəttə, bu yer üzü, bu gözəllik insanlar üçündür. Amma biz insanlar nə edirik? Biz insanlar ağına-bozuna baxmadan hər şeyi mənimsəmək, yemək və axırına çıxmaq istəyirik.
Qəribə də olsa biz insanlarda heyvani hisslər daha güclüdür. Bəlkə də buna heyvani hisslər demək düzgün deyil. Çünki təbiətlə bağlı televiziya kanallarında göstərilən verilişlərə baxanda tüklərimiz biz-biz olur. Hər hansı vəhşi heyvan - aslan, pələng, bəbir, canavar, ayı ova çıxanda uzaqbaşı bir heyvan ovlayır. Qalan heyvanlar isə bir ailənin üzvü olaraq ovladıqları ceyranı, yaxud digər heyvanı xımır-xımır yeyirlər. Hətta onların yanında digər ceyranlar və heyvanlar gəzsə də başlarını qaldırıb baxmırlar və öz ovları ilə qidalanırlar.
Bu epizodu ona görə yada saldıq ki, Allah-Təala vəhşi heyvanlara ağıl verməyib, tamah verib. Ancaq onların tamahları insanlarınkından güclü deyil. Yəni hər hansı yırtıcı bayaq dediyimiz kimi, uzaqbaşı bir kəli, bir antilopu, bir ceyranı ovlayar. Qalanlarına isə dəyməz.
Biz insanlar isə dünyanın var-dövlətini yığmaqdan, talamaqdan doymuruq. İnsanın nə qədər var-dövləti, maşını, mülkü, evi olar? Çox uzağa getməyək, öz məmləkətimizdə tamahı hər şeydən çox olan nə qədər desən insana rast gəlmək mümkündür. Onların bayaq dediyim kimi, çoxlu sayda var-dövlətləri, ev-eşikləri var, sağlıqlarına qismət, ancaq gözləri yenə doymur ki, doymur.
Bir vəzifəli tanışım vardı. Üç dəfə Məkkəni ziyarət edib hacı titulu qazanmışdı. Hər dəfə də ziyarətdən gələndən sonra əməli-saleh olmaq əvəzinə, ürəyi daha da daş kimi möhkəm idi. Bir dəfə mən yanında olanda imkansız bir adam qəbuluna gəldi. Hacı da sifətini turşudub gələn adama dedi:
- Bu işin qiyməti min manatdır. Min manatdan bir manat da aşağı düşmək mümkün deyil.
Həmin adam yazıq görkəm aldı və dilləndi:
- Rəis, balalarının başına dönüm, onda gərək gedəm o pulu mən bankdan faizə götürüm. Olmaz ki, bir az aşağı düşəsən...
Rəisin sifətinə qeyri-adi bir görkəm hopdu, alnını turşudub yenidən səsləndi:
- Sən nə təhər adamsan, ə?! Ağzımda sənə söz deyirəm, çərənləyirsən ki, bir az aşağı düş. Məgər mən özbaşınayam aşağı düşüm? Pulun yoxdu, get kimdən istəryirsən borc al, bunun mənə nə dəxli?!
Yazıq kişi kabinetdən necə çıxdısa onu deyə bilmərəm, bir onu bilirəm ki, həmin kişi havalı-havalı harasa getdi. Mən də özümü saxlaya bilməyib ərk elədiyim üçün həmin adamı danladım:
- Üç dəfə müqəddəs yeri ziyarət edib hacı olmusan, amma ürəyində bir damla Allah sevgisi, Allah qorxusu yoxdu. O yazıq min manatı hardan tapıb versin? Bir də tapıb verdi, bəs balıq sümüyü kimi o pul boğazında ilişib qalmaz?
Hacı yenidən sifətini turşutdu və qaş-qabağını tökdü:
- Sən də qəribə adamsan e, elə həmişə düzlükdən danışırsan. Dədən sənin varlı kişi olub, amma uzun illərdir işləyirsən bir eşşək araban da yoxdur, heç olmayacaq da. Bilirsən nə var, dost?! Nolsun ki, üç dəfə ziyarətgaha getmişəm, amma görünür mənim ziyarətim Allah-Təala tərəfindən qəbul olunmayıb. Əgər elə pulları almasam hər uşağa üçmərtəbəli villanı, bahalı maşınları, kommersiya strukturlarını necə əldə edərəm? Üstəlik də bir gün yuxarının pulunu verməsəm məni iti qovan kimi bu işdən qovarlar. Özüm də istəyirəm bəzən insaflı olum, kasıb-kusubdan pul almayım, amma bir azdan sonra şeytan ürəyimə girir və deyir ki, onun pulunu al!
...İllər keçdi, bir gün hacının böyük oğlu avtomobil qəzasında dünyasını dəyişdi. İki oğlu narkotikə qurşandı. Dərdə dözməyən hacının da ürəyi partladı. Bu da var-dövlət, pul yığmağın sonu...
Ancaq kimə deyəsən, gözü var-dövlətdən, puldan doymayan adamlar istənilən qədərdir. Viktor Hüqonun gözəl bir kəlamı var: "Vicdan insanın Allahıdır". Əgər o insanın vicdanı yoxdursa, deməli Allahı da yoxdur. Və belə adamlardan heç vaxt insaf, mürvət, gözütoxluq gözləmək zəiflik əlamətidir. Belələrin bir məqsədi var: ancaq var-dövlətini artırmaq, küpələrin sayını çoxaltmaq! Kim halal yolla var-dövlət qazanırsa, halal xoşu olsun. Amma hamı yaxşı bilir ki, böyük əksəriyyət saysız-hesabsız evləri-eşikləri, maşınları, kommersiya mağazalarını halal yolla əldə etməyiblər. Özləri bilər, bizim kimlərisə ittiham etməyə haqqımız yoxdur. "Qurani-Kərim"də də buyrulur ki, kim nə edirsə ona görə də cavab verəcək. Lakin hərdən bir müəyyən işləri demək və yazmaq lazımdır. Bəlkə onların ürəyinə Allah sevgisi və Allah qorxusu düşər, əyri yoldan qayıdarlar. Çətin ki, onlar əyri yoldan düz yola qayıtsın.
Bir rəvayətlə yazımızı yekunlaşdırmaq istəyirik. Günlərin birində varlı bir kişi görür ki, yaxınlıqdakı köşkdə çəkməçi hər gün fıştırıq çalır və kefi kökdür. Bir dəfə də keçəndə həmin varlı adam çəkməçiyə deyir ki, görürəm kefin kökdü və həmişə də fışqırıq çalırsan. Can qardaş, gəl, sənə yarım küpə qızıl verim, sən də kasıblığın daşını at və kef elə! Kişi yarımçıq küpəni gətirib çəkməçinin işlədiyi yerə qoyur. Sabahı günü gəlib keçəndə fıştırıq səsi eşitmir. Bir gün belə, beş gün belə, bir aydan sonra varlı kişi yenidən çəkməçinin yanına gəlir və deyir:
- Qardaş, qabaqlar hər gün fıştırıq çalıb kef edirdin, indi bir aydır sənin fıştırığının səsini eşitmirik. Xeyir ola belə edirsən?
Çəkməçi bərk əsəbiləşir və dillənir:
- A köpəyoğlu, bir aydır məni zibilə salmısan, nə gecəm var, nə də gündüzüm. Elə fikirləşirəm ki, bu yarımçıq küpənin başını necə doldurum? Ev-eşikdə yeyib-içdiyimiz zəhərə dönüb. Hər gün arvad mənimlə dalaşır ki, a kişi, nə durmusan tez ol küpənin başını qızılla doldur. Küpəni gətirib qoymuşam bura, götür küpəni də itil burdan, bir də gözüm səni görməsin...
...Çəkməçinin çiynindən ağır yük götürülür, rəngi-rüfü açılır, yediyi-içdiyi canına yatır. Evdə də dava-dalaş olmur. Həmin gün çəkməçinin yenidən kefi ala buluddan nəm çəkir və başlayır yenidən fıştırıq çalmağa...


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-06-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (22.23%)
Argentina (11.11%)
İspaniya (22.22%)
Almanıya (44.44%)
Fransa (0%)

ÇOX OXUNAN
GÜNÜN LƏTİFƏSİ
Zakir Fəxri səhər-səhər nəşriyyata gəlir. Hidayət müəllim:
- Ə, Zakir, deyəsən yenə axşamdan babat vurmusan, ayaqqabılarının birini qara, birini də ağ geyinmisən. Tez get evə ayaqqabılarını dəyiş.
Zakir Fəxri:
- Qağa, vallah, evdən çıxanda qonşum da dedi. Tez qayıtdım evə dəyişəm, gördüm ayə, evdəkilərin də biri qara, biri ağdı.




digər lətifələr
ARXİV
FACEBOOK