Film izle hacklink kiralık bahis sitesi satılık bahis sitesi Adalet.az | İŞIQLAR SÖNƏNDƏ... Adalet.az | İŞIQLAR SÖNƏNDƏ... Adalet.az | Ədalət -
ANA SƏHİFƏ / YAZARLAR

İŞIQLAR SÖNƏNDƏ...

61245    |   2012-11-20 10:03
Şriftin ölçüsü:
A+ Böyütmək
A+ Balacalaşdır

Ən yaxşı yazılarımı yazıram. İşıq yoxdursa... nə televizorun, nə də kompüterin ekranı ağarmayacaq. Onsuz da, televizorda baxmalı heç nə yoxdur. Kompüter də lap gözümün odunu alıb. Polşanın fantast yazıçısı Stanislav Lem "əgər cəhənnəm varsa, o mütləq kompüterləşdirilib" fikrini söyləyəndə, deyəsən, elə mənim evimi nəzərdə tutub... İşdən gələndə binamızın yağışdan islanmış qara-boz divarlarında ocaq yeri kimi qaralan pəncərələrə baxa-baxa düşünürdüm: "Deyəsən, neçə gündən bəri başıma yığılanları bu axşam kağıza köçürə biləcəm..."

İndi də dördbir yanımızı bürüyən işıq selində ada kimi səssiz-səmirsiz duran binamızın sükutunu dinləyə-dinləyə şam işığında oturmuşam. Kantın ruhuna rəhmət diləyə-diləyə vərəqləri qaralayıram... Bayırda elə yağır ki,... Elə bil göylər ürəyini boşaltmağa fürsət gəzirmiş, bu gün güclə əlinə düşüb. Təbiətin hər türlü şıltağından xoşlanmışam, hər cilvəsində bir ahəng duymuşam həmişə. İndi istəyirəm yağış kəssin, bomboz səma açılıb təmizlənsin... və təptəzə, gözəl-göyçək bir Ay doğsun. Doğsun və pəncərəmin ağzında dayanıb mənə gülümsəsin. Təkcə mənə... Onun təbəssümünün işığında yazmaq istəyirəm bu yazının ardını. Amma kəsmir... Yağdıqca yağır. Ay da yoxdur. Doğa bilmir, görünə bilmir... Öz xoşuna deyil ki... Onun da nə vaxt batıb, nə vaxt çıxması yerin, göyün Mütləq Sahibinin izniylədi...

Adını çəkdim, amma niyə ruhuna rəhmət oxuduğumu demədim Kantın. "Ağlımız qaranlıqda daha yaxşı işləyir" deyiminə görə. Amma mən bu gözəl gecədə qətiyyən ağıllı olmaq istəmirəm. Yorulmuşam ağılla yaşamaqdan. Bir azca da dəlilk eləmək istəyirəm. Çünki...

Bəzən bu dünyada ağılsız olmaq ağıllı olmaqdan çox xeyirlidir.

- deyib Şekspir Danimarka şahzadəsinin diliynən. Bu gecə ancaq başqalarının ağlından, hikmətindən bəhrələnəcəm. Bu anda içində olduğum bənzərsizliyi, təkrarsızlığı qələmlə göyərtməyə gücüm, qabiliyyətim çatmır mənim...

***

Şam yanır... Titrəyə-titrəyə yanır... Əriyib tökülür...

Nədən səni belə

yandırdılar, şam,

Yoldan çıxartdılar

burda bir axşam?

Sən özün dilə gəl,

neyləsin, əgər,

Yaranmışsa ancaq

yanmaqçın adam?!.

İlahi, bir qəlbin işığı əsrləri necə adlayıb keçə bilərmiş... Bunca düşündürər, ovsunlayar, yandırıb-yaxarmış. Nə gözəl, nə incə ruhlu qadınmışsan sən... Hə, hə... məhz qadın. Şair olmaq çoxlarının qismətinə düşə bilər. Təpədən-dırnağa Qadın olmaq... Hələ-hələ boyuna biçilmir hər kəsin. Hansı rəssam çəkib şəklini?! İç dünyanın zərifliyini, zəifliyini, zənginliyini, sinəndəki yandırıcı alovları sifətinə necə həkk edə bilib?! İnanmıram... inanmıram... O rəssam səni sevməmiş deyil. Bəlkə Rəfael kimi huşunu da itirib öz yaratdığına heyranlığından...

Bu axşam "yoldan çıxarıb" yandırdığım şam sənə necə də oxşayır... Məhsəti...

Şam başından yanar,

göz yaşı tökər,

Gəldiyi qapıdan o,

çıxıb gedər...

Başınla öyünmə,

şamə diqqət et,

Məhv olur başıyla

ayağa qədər...

Başı olanın, başıynan öyünənin vücuduna kimsənin od vurmasına gərək yox ki... Odsuz-alovsuz da gündə neçə dəfə başdan-ayağa, ayaqdan-başa tutuşub yanır. Nə alovunda yanan var, nə tüstüsündən gözü yaşaran... Əriyə-əriyə yox olduğu da kimsənin umurunda deyil...

Yox, bu bircə bənddə deyiləni anlamaqçün mütləq oturduğum yerdən durmalı, bayırda damcıların soyutduğu havadan udmalıyam. Yoxsa, elə buradaca od tutub otaqla birgə alışmaq olar.

Kərəm kimi...

Yağış sifətinə döyəcləyə-döyəcləyə ağlamağı yoxlamısanmı bir kərə?! Göz yaşlarının yandırdığı yanaqlarını soyuq damcılar belə soyuda bilmir...

Bu göz bəbəyimdə

varsansa, neçün

Suya qərq olmuşsan,

görürəm səni...

Bu qədər diri qalmanın səbəbini indi anladım...

Səndən ayrılmaq istəyirəm ancaq...

Ürək lazımdı, can lazımdı səninlə uğraşmağa...

***

Xəzəldən ayaq basmalı deyil həyətimizdə. İslanıb çürüyür yarpaqlar, qızılı rəngləri boğulub qaralır...

Yağış buludları

tərcümə edər,

İlahi dilindən

torpaq dilinə.

Yarpaqlar tökülüb

ölməyə gedər

Qoşulub zamanın

əcəl yelinə...

Məmməd İsmayıldan başqa kim görüb duya bilərdi yarpaqların bu halını?!.

***

"Zamanın əcəl yeli" yadıma bu günlərdə dolaşan söz-söhbəti salır. Hər şeydən qorxan ağciyər qızıma təsəlli verməkdən yorulmuşam. Fiziklərin, astronomların, üləmaların Kainat, bu dünyanı idarə edən "Qüdrətli Əl", onun insan idrakına sığmayan nizam-intizamı barədə dediklərindən yadımda nə qalıbsa təkrarlamaqdan çənəm ağrıyır. Bunları dilimdə deyirəm. Ürəyim başqa şeylər danışmaq istəyir ona. Özümün dönə-dönə dağılmış dünyalarımdan söz anlatmaq keçir ürəyimdən. İstəyirəm qəlbimdəki xarabalıqları, heç olmasa, bir kərə görsün. Ulartısını içimdə boğduğum bayquşların səsindən havalandığımı duysun...

Deyə bilmirəm...

Qıymıram ona...

Qoy bilməsin, bixəbər qalsın... Ürəyimdən su içməsin..

Elə şeylər var ki, onu ən yaxınındakının da bilməsi vacib deyil...

Çünki danışacaqlarında bir Günahkar olmalıdı. Qınamağa, danlamağa, qəlbinin odunu tökməyə. O yoxdu... Sən özün də Onu tanımırsan... Bəlkə elə... sən özünsən öz dünyanı yıxan?!. Susursan...

Susmağın məsləhətdi...



Vəsilə USUBOVA vasila-usubova@mail.ru
P.S. Bir gün sükutun da səsini eşidən tapılacaq...


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK