ANA SƏHİFƏ / YAZARLAR

QANADLI GÜNLƏR

Böyük Məmməd Araz isə "Qanadlı illər" yazmışdı...

27070    |   2013-11-09 08:16
Şriftin ölçüsü:
A+ Böyütmək
A+ Balacalaşdır

Son günlər bir yerdə qərar tuta bilmirəm. Həm daxili narahatlıq, həm ətrafımda baş verən hadisələr, ümumiyyətlə, həyatımın özü sanki təkərlər üzərinə qoyulub. Ona görə də harda dayanacağımı, harda duracağımı, nəyi necə edəcəyimi qərarlaşdıra bilmirəm. Sanki nəyi isə gözləyirəm, nəyinsə baş verəcəyinə köklənmişəm... Amma...
Bəli, insan o vaxt özünü dərk edir, özünü anlayır ki, ətrafındakılar da, ona doğmalar da, yadlar da, durduğu yer də bir sual işarəsinə, bir ittihamedici baxışa çevrilir. Bax, o baxışlar, o sual oturmağa, düşünməyə, vərəqləməyə məcbur edir insanı öz içini, öz dünənini, öz bugününü və vərəqləyə-vərəqləyə də qarışan sətirləri, yerində olmayan durğu işarələrini görür... Bəziləri üçün təəssüflənir, bəziləri üçün ağrıyır, bəziləri üçün isə haqlı olduğuna görə susur... Susmaq razılıqdı, deyənlər bəlkə də bu yerdə, bu məqamda haqlıdılar və yaxud da ədalətsizdilər. Amma açığını deyim ki, bu susqunluq hərdən mənə də gərək olur... özü də hava-su kimi, lap elə həyat kimi. Çünki yerində susmaq, yerində hər şeyi ancaq dinləyib seyr etmək özü də bir uduşdu... ən yaxşı cavabdı. Axı böyüklərdən öyrəndiyimə görə, Ulu Tanrının bir adı da səbirdi. Düzdü, çox məşhur və zaman-zaman xatırlanan bir beyt də var:

Səbirlə halva bişər, ey qora səndən,
Bəsləsən atlas olar gül yarpağından...

Hə, mən bütün bu yazdıqlarımın mayasında bir narahatçılığı xüsusi vurğulayıram. Daha doğrusu, onun işığı altında könlümü səksəkədə saxlayan məqamlara üz tuturam... O məqamlara ki, məhz həmin o səbirsiz olduğum məqamlarda mənim pıçıltısı ilə, nəvazişi ilə, təbəssümü ilə, hətta lap uzaqlardan görünən kölgəsi ilə köməyimə çatır, təsəllim olur. Və mən də özümü unudaraq ağ kağızın üzərində misralara çevrilən ruhumu bir az həzin, bir az kövrək, bir az da həsrətli səslə, həm də özüm özümə oxuyuram.

Bir gözüm qapıda,
biri şəkildə
baxıram,
gələnim -
təkcə xatirə...
Deyirəm
yollardan duman çəkilə -
deyirəm
o yollar səni gətirə...

Bir əlim sinəmdə,
biri ümiddə
nə qapım döyülür,
nə şəkil dinir...
paslanıb deyəsən
açar, kilid də
bircə kirpiklərim
tez-tez isinir...

Bir addım irəli,
bir addım geri
dörd divar arası-
ölçümdü mənim!
Pəncərən önündə
tutubdu yeri -
o qoşa göyərçin
elçimdi mənim!..

***
Zamanı bəzən dəyirmana da bənzədirlər. Bu bənzətməni qabardanlar onu əsas gətirirlər ki, zaman hər şeyi üyüdür. Yəni onun daşları arasında heç nə dözüb, duruş gətirə bilmir. Və onu da vurğulayırlar ki, dəyirmanda dən və yarma ayrıldığı kimi, zaman da belə bir ayırmanı gerçəkləşdirir. Yəni bu zamanın dəyirmanında üyünməsi məsləhət olmayan, zamanın ehtiyac duyduğu, zamanın yaşatdığı və xususi olaraq zamanın da zamana ehtiyac hiss etdiyi nöqtələr, fərdlər, şəxslər, hadisələr, faktlar var ki, o tarixləşir, o zaman dəyirmanının milyon illik qalın tarix kitabına yazılır.
Bu kitabı isə dəyişən nəsillər, bir-birinə, özü də bir-birindən xəbərsiz şəkildə hədiyyə edirlər, ötürürlər. Oxunan, xatırlanan, qiymətini alan həmin o kitabın içindəkilər nümunəyə də çevrilir, örnəyə də çevrilir, hətta bəzən təkrar da olur. Bunlar isə tarixin təkrarı kimi qiymətləndirilir. Doğrudur, oxuyanlar, savad, mərifət sahibi olanlar həmişə bir məqamı diqqətə çatdırırlar. Deyirlər ki, "təkrar biliyin anasıdır". Mən də etiraz etmirəm. Oxuyan bilikli adamlar sırasında neçənci olduğumu bilməsəm də, sadəcə anlayışıma, gördüklərimə əsaslanıb bu ifadəni qəbul edirəm. Çünki bu həm də həyat dərsidi. Oxumadıqca, öyrənmədikcə elə köhnə düşüncənlə, baqajınla, yatırımınla sabaha gedib çatmaq çox çətin məsələdi. Çünki sabahlara yeni yollar gedir. Bu yeni yollar isə təkcə dözüm, fərasət yox, həm də bilik, savad istəyir. Yoxsa mənzil başına gedib çata bilməyəcəksən...
İndi yaşadığımız və müəyyən mənada da yaşatdığımız zamanın kino versiyasını göz önünə gətirsək, onda kifayət qədər mənzərələrlə, məqamlarla, hətta içində ola-ola görmədiyimiz, hiss etmədiyimiz durumlarla qarşılaşmalı olacağıq. Bu isə öz növbəsində bizi həm silkələyəcək, düşündürəcək, həm də özümüzü özümüzə gülməyə məcbur edəcək. Necə deyərlər, o gülüş bir ittiham olacaq, bir sillə olacaq. Anlamaq üçün, açıq gözlə baxmaq üçün, kin-küdurətdən, nəfsdən qorunmaq üçün.
Təəssüf ki, bu yazdıqlarım bəzən o qədər ritorik səslənir ki, sanki kimsə heç tanımadığı, amma vəzifəsinə, tutduğu mövqeyə görə, təriflədiyi bir adamın şəninə möhtəşəm bir tost dilə gətirir. O sözlər bir-biri ilə danışmır, bir-birinə bağlanmır, amma gurultu yaradır. Özü də saxta və adamda ikrah hissi doğuran bir gurultu...
Çox təəssüf etsək də biz bu məqamları da, bu zamanı da yaşamağa artıq alışmışıq. Çünki hamı eyni qəlbdən, eyni prizmadan yanaşmır - özünə, cəmiyyətə, zamana. Odur ki, yenə güc ürəyə düşür, onun yükü bir az da artır.
Fikirlər çarpazlaşır və sonda duyduqların, eşitdiklərin səni, özün də hiss etmədən qəm yuvasına, qəm daşıyıcısına çevirir. Sonda həmin qəm də çaylaq daşları kimi yupyumuru dərdlərə çevrilir... ruhunda, ürəyində, canında, qanunda gəzib dolaşan dərdlərə...

Mənə düşən dərdləri
Gözmuncuğu bilirəm.
Mən onlara sığınıb
Bir küncdə isinirəm!

Günlərimin naxışı
Göz oxşayır, göz öpür...
Çəkib odlu baxışı -
Pıçıltıyla söz öpür...

Ləngərlənir həyatım -
Dalğasında dərdlərin
Mən ki, çoxdan yarmışam -
Dərdlərin sərhədlərin...

***
İndi bir-birinə ismarıc çatdırmaq, söz yetirmək xeyli asanlaşıb. Barmaqların altındakı düymələr ürəyindən keçəni çox qısa bir zamanda, hətta bir udum nəfəs alınca sahibinə çatdırır. Ona görə də nə məktub yazılmır, nə də kimsə kiminsə qapısını döyməyə lüzum görmür. Bu, məsələnin rahat və real variantıdı.
Amma bu rahat və real variantın içində qəlbə toxunan, bəzən kimlərisə üz-üzə qoyan hissəciklər də var. Əslində o hissəciklər bəzən bütöv bir xoş məramı ayaq altına salır. Onu çətin yaşanan, çətin həzm olunan suala, ittihama çevirir, qalırsan düşünə-düşünə, qalırsan var-gəl edə-edə. Sonda gücün dizlərinə vurduğun yumruğuna çatır. Yeri ağrısa da, ağrımasa da...
Yəqin nəyə işarə etdiyimi müəyyənləşdirə bildiniz. Anladınız ki, söhbət nədən gedir. Əgər bir balaca çətinlik yarandısa, onda bu məsələyə də bir aydınlıq gətirim. Belə ki, göndərilən ismarıclar, yazılan yazılar, ünvanlanan sözlər qıcıqla qarşılananda, olduğu kimi anlaşılmayanda, qəbul edilməyəndə, ya da maddi problemlər ortaya çıxaranda... bax onda məlum olur ki, üzbəüz, nəfəs-nəfəsə fikir bölüşmək, söz deyib, söz eşitmək necə deyərlər, daha canlıdı, daha diridi. Çünki o sözün içində bütöv bir varlıq kimi, şəxsiyyət kimi özün də dayanır, özün də nəfəs alır, özün də ifadə olunursan...
Bəli, bütün bunların yozumu və yaxud yazılması ola bilsin ki, o qədər də böyük önəm kəsb etmir. Çünki indi əvvəldə xatırlatdığım kimi, zaman və onun sürəti bizdən çox qabaqdadı. Biz onun içərisində ola-ola ondan geri qalırıq. Özü də təkcə addımlamaqda, yeriməkdə yox, həm də düşüncəmizdə, baxışımızda və yanaşmamızda da!..
Mən yazımın əvvəlində hansı durumda, hansı ovqatda olduğumu ifadə etməyə çalışmışdım. Bilmirəm, alındı, yoxsa yox, amma tam səmimiyyətimlə deyim ki, elə bu yazının özündə də istəklərimi, anladıqlarımı, gördüklərimi, bütövlükdə həyatımın gerçək dərdlərini nə qədər ifadə etsəm də, deyəsən məramıma çata bilmədim. Sizlər nə istədiyimi, nə yazdığımı fikirləşə-fikirləşə qaldınız. Odur ki, qayğıların başdan aşdığı indiki nöqtədə, yəni mənim dayandığım yerdə siz də bir dözüm nümayiş etdirin. Çalışın ki, səbriniz tükənməsin. Axı sizinlə həmsöhbət olan dərdlə kifayət qədər şirin danışmağı bacaran, dərdin könlünü alan bir Allah bəndəsidi. Elə bu son şeirdəki kimi:

Dərdinə qurban olum,
Dərdi aldım gözündən.
Kağız tək cırıb atdım-
Dərdi saldım gözündən.

Kiprik sərinliyinə
Sevgi dərinliyinə
Neçə qərinəliyə -
Hər gün daldım gözündən.

Bir kimsəm yox kiridə
Əldən tutub yeridə...
Mən hamıdan geridə -
Gülüm, qaldım gözündə!..

Əbülfət MƏDƏTOĞLU
[email protected]


İmza:

YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-06-23
11:09 İNSAN
2018-06-22
17:29 ÜMİD


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (36.37%)
Argentina (9.09%)
İspaniya (18.18%)
Almanıya (36.36%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK