ANA SƏHİFƏ / YAZARLAR

FÜZULİ NAĞILI

"Qarabağdan çıxan yollar, Qarabağa haçan dönər?"

22969    |   2013-10-05 09:57
Şriftin ölçüsü:
A+ Böyütmək
A+ Balacalaşdır

Bu dünyada bir insan, bir şair yaşayırdı. Zəhmətkeş, işgüzar, istedadlı, təəssübkeş, vətənini, torpağını, el-obasını sevən, xalqının adət-ənənələrinə sadiq bir insan. Həyatdan umduğu gözəl yaşayışı vətənindən kənarda təsəvvür belə etmirdi. Qurduğu hər xəyalı yurdunun gülündən, çiçəyindən tutmuş, tikanına, qanqalına, daşına, kəsəyinə qədər... sevdiyi bu torpaqla bağlı idi. Məhəbbətə, sevgiyə, gülə, çiçəyə həsr etdiyi şeirləri o qədər təbii idi ki, dinləyən hər kəs bu sözləri öz ürəyinin pıçıltısı hesab edirdi...
Yaşaya bilmirdi, Füzulidən başqa bir yerdə.
Amma bu torpağı tərk etməyə məcbur oldu şair.

...Bu dərdə çox baxdım sükut içində,
Bir damcı su yoxdu bulud içində...
Mən diri ölüyəm tabut içində,
Bələyim var idi Füzuli boyda.

Ərgünəş, Köndələn, Məngələnata,
Hanı duman yenən, çən gələn, ata?
Qaldı qiyamətə sən gələn, ata,
Diləyim var idi Füzuli boyda...


Canı qədər sevdiyi ocağından ayrılandan özü də dəyişdi, şeirinin mövzusu da- daha sevgidən, gözəl arzulardan yazmadı, yaza bilmədi şair... Şeirinin mövzusu vətən oldu, həsrət oldu, çadır şəhərciyi oldu, tapdanmış qürurumuz, heysiyyatımız oldu, uydurduğu vətən həsrətli nağıllar oldu...
"Biri vardı, biri yoxdu. İlan mələyən, şor düzlərdə bir çadır şəhərciyi var idi. Bu şəhərcikdə yerindən-yurdundan didərgin salınmış qarabağlılar yaşayırdılar. Uzaq-uzaq ölkələrdən bu şəhərciyə düyü, un, yağ, pal-paltar daşıyıb gətirirdilər. Onlar yeyirdilər, yatırdılar. Hərdən yadlarına düşəndə çıxıb çadırların qabağından həsrətlə, intizarla baxırdılar günbatana. Gözləyirdilər ki, günbatandan muştuluqçu gələcək. Qarabağın azad olduğu, torpaqların qayıtdığı xəbərini gətirəcəklər. On il idi ki, gözləyirdilər..."

Kimdi at oynadan Güllü gədikdə?..
Kəkilli yamacda, telli gədikdə...
Nəfəsim kəsilir, Yelli gədikdə,
Küləyim var idi, Füzuli boyda...


Bir on il daha keçdi. Çadırlardan qaçqınlar və məcburi köçkünlər yeni binalara köçürüldülər.
"Çadırların axırı çatdı, Qarabağ yarası sağalmadı, millət!.."
"...Kənddən çıxandan dünənki günəcən az da olsa, ümidi, gümanı qalırdı. İndi Haramıdakı evin açarlarını alandan üzmüşdü əlini hər şeydən...Əlini cibinə salıb yoxladı. Kənddə qalan evin açarları cibində idi...
Çadır şəhərciyinin ortasından keçən yol ilə, şəhərciyin yuxarı başına sarı addımladı. Yolun qırağında dəstə-dəstə durmuş kişilərlə salamlaşa-salamlaşa gedirdi. Yolun qırağındakı kişilər də bığlı idi. Başlarında da papaq..."

Orda tapdaq olmuş torpağım qalıb,
Yazda xəzəlləmiş yarpağım qalıb.
Başı gətirmişəm, papağım qalıb,
Kürəyim var idi Füzuli boyda...


Xaricilərin yardımını özünə haram edən şair yazırdı:

Hələ neçə kəlmə dilimə gəlməz,
Uçdu sonalarım, gölümə gəlməz.
İndi bir tikəsi əlimə gəlməz,
Çörəyim var idi, Füzuli boyda...


Həsrətini çəkdiyi torpağını lazımınca sevməməkdə qınayırdı özünü:

Ölüb, torpağında qala bilmədim,
Qeyrətə, namusa dola bilmədim.
Sevsəm də, Məcnunu ola bilmədim,
Mələyim var idi Füzuli boyda...


Onlara verilən quru səbirdən, təsəllidən bezirdi şair:

Dönməz şəhidlərin qəbirdən, fələk,
Bezdik təsəllidən, səbirdən, fələk,
Keçdi namərdlər də xəlbirdən fələk,
Ələyim var idi Füzuli boyda...


Şair dözə bilmədi yurd həsrətinə, ürəyində Füzuli boyda dərdlə köçdü bu dünyadan. Qarabağ boyda yara ilə yaşayanların əksəriyyəti bu sayaq köçür dünyadan - qəfil... ürək çatışmazlığıyla...

Vahid Əlifoğlu doğuldu, getdi
Əkdiyim, tikdiyim dağıldı, getdi.
Min illik obalar nağıldı, getdi,
Bəs nəyim var idi, Füzuli boyda?..


P.S. "Qardaş, biz hələ Qarabağ gedib, bu kefdəyik, vallah, qayıtsa, zurna-balabanın səsinə Afrikdakı zənci də yata bilməyəcək... " V.Əlifoğlu.


Fəridə RƏHİMLİ
[email protected]


İmza:

YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-23
2018-04-22
2018-04-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ
Qız falçının yanında:
- Məni iki oğlan istəyir, Tofiq və Tağı. Deyiniz görüm bunlardan hansının bəxti gətirəcəkdir?
Falçı kartları yayır:
- Tofiqin bəxtı gətirəcək, sən Tağıya ərə gedəcəksən...




digər lətifələr
ARXİV
FACEBOOK