ANA SƏHİFƏ / YAZARLAR

HƏRƏNİN ÖZ SƏSİ...

63513    |   2013-09-14 00:43
Şriftin ölçüsü:
A+ Böyütmək
A+ Balacalaşdır

Səsin həyatımızda əvəzsiz rolu var. Musiqi səsi, sevdiklərinin səsi, quşların səsi, çayın, dənizin səsi, yağış səsi, külək səsi, yarpaq pıçıltısı, sükutun, səssizliyin səsi...
Bəzən pıçıltı ilə qulağına söylənən bir "sevirəm" kəlməsi bütün həyatını dəyişib, bu bir kəlmə ilə qəlbindəki bütün naqislikləri qovub, yerini sevinclə doldurub. Bəzən hər an yanında olmasını arzuladığın, amma əlçatmaz olan birisinin telefonla da olsa səsini duymağa ehtiyac duyursan: səsini eşitmək üçün zəng etdim...
Bəzən incə bir qız gülüşü bir simfoniya yaratmaq qüvvəsinə malik olub. Tanıdığım bir şairin söylədiyinə görə, telefonçu qızın səsinə vurularaq iş-gücünü atıb, səksən kilometr yol qət edərək yalnız onu görmək üçün gedib...
Təbiətin qoynunda olarkən quşların səsinə valeh olmaya bilmirsən və bu səs bir anlıq da olsa, bütün problemlərini unutdurur. Sevdiyin bir musiqi bitənədək onunla, əvvəllər dinlədiyin xoş anların qoynunda haraları səyahət etmirsən...
Hətta bəzən uşaqlığımın xatirələrindən biri olan "Daş kanal"dakı qurbağaların "orkestr"i üçün də qəribsəyirəm...
Amma səslər həmişəmi xoş təsir edir, müsbət əhval yaradır, xeyr! Əslində bugünkü yazının mövzusu səslərin əsəblərimizə mənfi təsirindən olacaqdı. Sadəcə, haqsızlıq olmasın deyə, müsbətlərdən başladım.
Son zamanlar onsuz da həyatımızın əkiz qardaşına çevrilmiş problemlərimizə yeniləri də əlavə olunmaqdadır. Hər səsin nəyə, kimə aid olduğunu seçmək əvvəllər elə də çətin məsələ deyildi. Məsələn insanın insan səsi, heyvanın öz səsi, avtomobilin, bombanın, çayın, şəlalənin və sair, öz səsi vardı və bu səslərdən hər birini təyin etmək çətin deyildi. Şəhərdə evinin içində oturarkən küçədən keçən "Təcili yardım", yanğınsöndürən, polis maşınlarının səsini ayırd etmək mümkün idi və az-az hallarda eşitdiyin bu səslər insanda istər-istəməz həyəcan yaradırdı. Yaşlıların bu səslərə reaksiyası "Allah, sən saxla", "Bizdən uzaq olsun!", "Allah kömək olsun!" kimi dualar olardı.
Son illərdə isə əsəblərimizi korladığı kimi, diqqətimizi də çaşbaş salan bu səslər bir-birinə qarışaraq psixikamıza zərbə vurmaqdadır. Maqnit dalğasının "metohəssaslıqdan əziyyət çəkənlər"ə bəxş etdiyi, iki gündən bir tutan başağrıları azmış kimi, avtomobillərin siqnal, əyləc səslərinin yaratdığı əsəbilik də gündəlik rastlaşdığımız bəlalardandı. Avtomobillərdə, əsasən "Jiquli" həvəskarı gənclərin lovğalanaraq istifadə etdiyi siqnallar adamları avtomobilin nəyə, kimə aid olduğunu seçməkdə yanıldır. Tez-tez eşitdiyimiz: "Nu, poqadiiiii!", "Adə, Ələsgərrrr!", "Haaa, ha, ha, ha", xoruz banlaması, it hürməsi, "Ölməz Kaşşey"in vahiməli səsi kimi cizgi filmlərindən, bədii filmlərdən götürülmüş səslərin avtomobil siqnalı kimi istifadə olunması nə qədər qadağan olunsa da, "papanın gül balaları" bu qanun pozuntusunu davam etdirməkdədirlər. Ən dözülməzi isə, təcili yardım, yanğınsöndürən, yaxud polis maşınlarının siqnallarından adi sürücülərin istifadə etməsidir. Bütün bunlar bu sahədəki qanun boşluqlarından xəbər verir. Vəziyyət o yerə çatıb ki, bu səslərə uyğunlaşan başqa sürücülər nə təcili yardım, nə də yanğınsöndürən maşınlarına yol açmırlar. Nəticədə hansısa xəstənin həyatı təhlükədə qalır. Yaxud hansısa evin yanması labüd olur. Əksər vaxtlar belə vəziyyətlərin üzündən evlər yanandan sonra, xəstə keçinəndən sonra yardımlar hadisə yerinə çatır. Əlbəttə, gecikmə səbəbi təkcə bu deyil...
Bu siqnalların, sirenaların səsi toy maşını karvanlarında daha dəhşətli şəkil alır. Gəlin aparmağa gələn dəstədə Kaşşey də, Ələsgər də, Volk da, Həkim də, Yanğınsöndürən də, Polis də, Xoruz da, Köpək də... iştirak edirlər. Bilmək olmur cinayətkar axtarışına üz tutan var, xəstə yanına tələsən, çıtır-çıtır yanan evi söndürməyin təlaşını yaşayan, yoxsa şadlıq evinə şənləməyə gedən...
Bu karvanı görməyib, səsini eşidənlər bilmir "Mübarəkdi!" desin, yoxsa "Allah sən saxla!"... Bəlkə bu dua yerinə düşər: Allah ağıl versin!

Fəridə RƏHİMLİ
[email protected]


İmza:

YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-07-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (33.33%)
İşdə (66.67%)

ÇOX OXUNAN
GÜNÜN LƏTİFƏSİ

Vəli Xramçaylını hakim qarşısına çıxarırlar. Hakim:

- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:

- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.





digər lətifələr
ARXİV
FACEBOOK