ANA SƏHİFƏ / YAZARLAR

QAN DAVASI...

19369    |   2012-11-27 23:44
Şriftin ölçüsü:
A+ Böyütmək
A+ Balacalaşdır

...Kənddə aləm bir-birinə dəymişdi. İş elə səviyyəyə çatmışdı ki, bu ağır hadisədən heç kim baş aça bilmirdi və heç kimin də ağlına gəlməzdi ki, Əhməd bir gecə gedib qonşusu Əlini dəhrə ilə qətlə yetirəcək. Heç Əlinin də ağlına gəlməzdi ki, əlinə dəhrə alan qonşusu onun həyətinə gələcək, qapıya çağıracaq, sonra da bir söz demədən dəhrə ilə onun başını kəsəcəkdi...

Qanlı hadisə baş verəndən sonra iki nəsil arasında ədavət yarandı. Əlinin qohumları ipə-sapa yatmır, tezliklə qisas almaq üçün onların evinə hücum çəkmək istəyirdi. Gecə saat 3 olmasına baxmayaraq, kənddə çoxları bu hadisəyə görə, yuxudan oyanmışdı. Yuxudan oyanmayanlar da səhərin gözü açılanda bu bəd xəbəri eşitmişdilər...

Güllü arvad səhər açılanda heyvanları naxıra apararkən qabağına kim çıxırdısa, bu qanlı hadisəni danışırdı:

- Allah evini yıxsın, mərdimazarın! Zalım oğlu, gecə vaxtı gedib camaatın qapısına, orda da Əlinin başını dəhrə ilə kəsib.

Bu sözləri deyəndən sonra Güllü arvad daha da əsəbiləşir və özünü idarə edə bilmirdi. Səhər-səhər heyvanları naxıra aparan adamların çoxu yerində quruyub qalmışdı. Çoxları bu xəbəri eşitsə də, amma ona inanmaq istəmirdi. Çünki çoxdan idi bu kənddə belə qanlı hadisə baş verməmişdi. Üstəlik də bu cür hadisənin nədən ötrü baş verdiyini heç kim anlaya bilmirdi. Onu da anlaya bilmirdilər ki, Əhmədlə Əlinin şərikli görəsən nəyi var imiş?! Amma Əhmədlə Əlinin şərikli heç nəyi yoxuydu. Heç aralarında dava da olmamışdı. Hərdənbir sözləri də çəp gələndə davasız-filansız çıxıb gedərdilər.

... Nədənsə axırıncı dəfə həm Əhməd, həm də Əli tərslik eləmişdi. Birinin sözü o birisinin boğazından keçməmişdi. Elə boğazda ilişib qalan söz də axırda qan davası ilə qutarmışdı. Söz də belə olmuşdu ki, Əli Əhmədə demişdi ki, sən arvad hesabına dolanan kişisən. Evə qayıdandan sonra Əhməd bir neçə saat bu sözü beynində fırlatmışdı və axırda da qənaətə gəlmişdi ki, mütləq bu təhqiri qanla yumalıdır.

Evdəkilər yatandan sonra o ayağa qalxmış, dəhrəni götürmüş və onu bir daha bülövlə möhkəm-möhkəm itiləmişdi. Sanki adam öldürməyə deyil, qalın və hündür bir ağacı kəsməyə gedirdi...

... Evdən də çıxanda heç kimə bir söz deməmişdi. Evdəkilər hiss eləməmişdi ki, Əhməd harasa gedir. Əgər hiss eləsəydi atası Maşallah kişi heç vaxt onu evdən çıxmağa qoymaz və evdən çıxmaq istəsə də, dava üçün getsə də, onun ağzının üstündən möhkəm bir şillə ilişdirərdi. Çünki Maşallah kişi ağayana bir adam idi və heç vaxt da istəməzdi ki, qonşusu ilə belə bir qan düşmənçiliyi olsun. Əhməd evdən çıxanda Maşallah kişi də, arvadı da, uşaqlar da yatmışdı...

...Qanlı hadisəni törədən Əhməd heç evə də getməmişdi. Bilirdi ki, evə getsə, həmin dəhrə ilə atası Maşallah kişi onu tikə-tikə doğrayacaqdı. Hər şeyi yaxşı bildiyi üçün Əlini öldürəndən sonra üz tutdu milis şöbəsinə. Gecə yarısı milisin növbətçisi onu əliqanlı və dəhrəli görəndə yerindən dik qalxdı:

- Allah evini yıxsın, gecənin bu vaxtı nə zibil qaynatmısan?

Əhməd:

- Adam öldürmüşəm, ona görə də özüm milisə gəlmişəm...

Növbətçi:

- Özün gəlmisənsə, yaxşı eləmisən!..

Növbətçi milis nəfəri hadisə ilə bağlı rəisə və prokurora məlumat verdi. Sonra da telefonun dəstəyini yerinə qoyub Əhmədi aparıb saldı «kpezeyə». Bundan sonra vəziyyət daha da qəlizləşdi...

Həmin axşam hadisədən xəbər tutan milis tez bir zamanda Əhmədgilin evini əhatəyə aldı. Çünki xəbər çatdırmışdılar ki, Əlinin qohumları onların evini elə gecəykən yandırmaq və evdəkiləri bir-bir qətlə yetirmək istəyirlər...

Prokuror, milis rəisi və eləcə də digər hüquq-mühafizə orqanlarının əməkdaşları Əligilin həyətində istintaq hərəkətləri aparırdılar. Meyitin şəkli çəkilir, hadisə yeri isə müayinə olunurdu. Cinayət aləti kimi Əhməddən dəhrə də alındı. Bütün sübutlar bir yerə yığılırdı. Meyiti müayinə eləyən ekspert isə ölümün səbəbini araşdırmaq üçün dəlillər toplayırdı.

... Hamı çətin vəziyyətdə qalmışdı. Qandavasının qarşısını almaqda milis də çətinlik çəkirdi. Dəliqanlı cavanlardan biri əlində balta Əhmədgilin evinə hücum çəkdi. Başqa bir cavansa, əlindəki benzini həyətə sarı atıb, kibritlə çəpərə od vurmaq istədi. Bir göz qırpımında o, kibriti yandırıb çəpərə sarı tulladı. Xoşbəxtlikdən yaxınlıqdakı milis nəfəri cəld tərpənib od tutmaq istəyən yeri söndürdü. Digər bir milis nəfəri isə əlində balta Əhmədgilin evinə hücum çəkən dəliqanlını sakitləşdirdi.

... Aradan 15 gün vaxt ötmüşdü. Camaat elə fikirləşirdi ki, artıq hər şey sakitliklə qurtardı və daha ölüm-itim, qandavası olmayacaq. Amma hər axşam Əhmədgilin evinə hücumlar olurdu. Bu hücumun da qarşısını bəzən milislər ala bilirdi, bəzən də aciz qalırdılar və onun qarşısını kəsə bilmirdilər. Artıq Əhmədgilin evinin damında salamat yer qalmamışdı. Atılan daşlar nəticəsində evin şiferi dəlmə-deşik olmuşdu. Üstəlik də onların evindən bir insan belə bayıra çıxa bilmirdi. Çünki Əligilin adamları demişdilər ki, onların hansı birini görsə, başını kəsəcəyik. Ona görə də bir kimsə risq edib bir neçə gün evdən çölə çıxmadı.

Kəndin ağsaqqalları bir yerə yığışdı. Fikirləşdilər ki, hələ bu xəmir çox su aparacaq. Hələ Əligilin qohumlarının hirsi soyumayıb. Hələ Əlinin qardaşları cilov-buxov gəmirir və fürsət gözləyir ki, haçansa hücum edib heç olmasa, onlardan birini öldürsünlər və hirsləri bir az soyusun. Kəndin ağsaqqalı Seyidəli kişi adamları bir yerə yığdı. Daha doğrusu, sözü keçən ağsaqqallar bir yerə toplaşdı. Seyidəli kişi elə bir müqəddəs ocağın adamı idi ki, o hara gedirdisə, kimin qapısına üz tuturdusa, onunla razılaşır və deyilən kimi hərəkət edirdilər. Dəfələrlə kənddə belə hadisə olmasa da, bundan yüngül davalar zamanı o kişi qapıya getmiş və iki tərəfi bir-biri ilə barışdırmışdı. Yəni qanı qanla yox, su ilə yumuşdu.

Yaxşı bilirdilər ki, Seyidəli kişinin getdiyi qapıda həmişə onu eşidiblər. Elə bir neçə gün də bundan əvvəl Əhmədin atası Maşallah Seyidəli kişiyə yalvarıb-yaxarmışdı ki, Seyid, cəddinə qurban olum, ölmüşük, bizi yerdən götür. Sən bu məsələyə qol qoymasan bu qandavası uzun çəkəcək. Mən də özümdən yox, iki oğlumdan qorxuram. Qorxuram ki, həmin adamlar oğlumun birini qətlə yetirər.

Seyidəli kişi diqqətlə Maşallahı dinlədi və sonra da dedi:

- Bizim kənddə belə hadisə heç vaxt olmayıb. Günah sənin oğlundadı. Adam da bir sözə görə, gedib başqasını amansızcasına qətlə yetirər?! Axı siz gor qonşususunuz. Həmişə də xeyir-şəriniz bir yerdə olub. Gərək oğlun «lənət şeytana» - deyib bu yoldan dönəydi.

Maşallah kişi:

- Düz deyirsiniz, Seyid, cəddinə qurban olum! Bütün günahlar mənim o boynu qırılmış Əhmədimdədir. Tərslikdə zalım oğlu, dayısına çəkib. Kimin ağlına gələrdi ki, bir sözə görə gedib camaatın balasını öldürə. Mən indi Əlinin atası Aşır kişinin dərdini başa düşürəm. Heç üzüm də yoxdur ki, onun qapısına gedim. Amma gərək bu qandavası uzun sürməyə.

Söhbətə qulaq asan ağsaqqallardan biri yandırdığı popirosu yandıraraq ağzına qoyub bir neçə qullab vurdu. Sonra da yavaşdan dedi:

- Maşallah kişi, iş-işdən keçəndən sonra həmişə yadınıza ağsaqqallar düşür. Amma başqa vaxt bir dəfə demirsiniz ki, balam, bu kəndin ağsaqqalları ölüb, ya qalıb?!

Maşallah kişi hiss elədi ki, yaşlı adamlardan biri onun boynuna minnət qoymaq istəyir. Ona görə də dilləndi:

- Bütün camaat yaxşı bilir ki, mən necə adam olmuşam. İndiyə qədər bir adamın toyuğuna kiş deməmişəm, bir adamın qəlbini qırmamışam. İşdir də, başımıza gəlib. Kim bilir ki, bir neçə saatdan sonra onun başına nələr gələcək?!

Seyidəli kişi Maşallahın sözünü kəsdi.

- Bir-birinizlə söz güləşdirməyin. Hamı yaxşı bilir ki, bu ağır bir işdi. Amma ağsaqqalın da əsas borcu odur ki, qandavasını yatırsın və arada barışıq yaratsın. Maşallah kişi, sizin də günahınız çoxdur. Gərək rəhmətlik Əlinin dəfn günü o qapıya gedərdiniz. Qoy sizi söyərdilər, döyərdilər, bax bundan sonra rəhmətə gedənin adamlarının ürəyi bir az soyuyardı...

Maşallah kişi:

- Seyid, cəddinə qurban olum, onlar bizə xəbər göndərmişdilər ki, bzim evdən kim ora getsə, tikə-tikə doğrayacaqlar. Bu sözdən sonra kim ürək edib o qapıya gedərdi...

Seyidəli kişi:

- Hər halda, bizim borcumuz kənddə baş verən bu ağır qandavasını soyutmaqdır.

O bu sözləri deyib, yanındakı ağsaqqallara baxdı. Sonra da əlavə etdi ki, kəndin 5 ağsaqqalı rəhmətlik Əlinin 40-ı günü Maşallah kişini də götürüb onların qapısına getsinlər. Seyidəli kişinin bu fikri ilə digər ağsaqqallar da razılaşdılar. 40-dan bir gen qabaq yas sahibi Aşır kişiyə Seyidəli kişi sifariş göndərdi ki, sabah sizin qapınızda olacayıq. Aşır kişi də ağıllı adam idi. Bilirdi ki, Seyidəli kişi elə-belə sifariş göndərməz və qapıya da elə-belə gəlməz. O, qapıya gəlirsə, deməli nəsə barışıq üçün addım atır.

Aşır kişi onların gəlişi ilə bağlı qohum-əqrəbasına məlumat verdi. Onun da ağsaqqalları dedi ki, əgər Seyidəli kişi həmin adamı bizim qapıya gətirirsə, artıq-əskik hərəkər eləmək olmaz. Artıq-əskik hərəkət eləyərik, onun qəlbini qaraldarıq. Seyidin qəlbini qaraltmaq isə yaxşı deyil...

Əlinin 40-ı günü Seyidəli kişi, ağsaqqallar və bir də Maşallahın qohumları yas yerinə gəldilər. Onları görəndə rəhmətə gedənin cavan qohumları yenidən cilov-buxov gəmirdilər. Amma elə ki. gözləri öz ağsaqqallarına və Seyidəli kişiyə sataşdı, zəhimli baxışları gördülər və həmin an da sakitləşdilər. Məclisi aparan molla gözəl bir ifadə işlətdi. Dedi ki, bizim eldə həmişə qanı qanla yox, qanı su ilə yuyublar. Elə bu sözlər də söhbət üçün bir körpü yaratdı. Sonra Seyidəli kişi üzünü Aşır kişiyə tutub dedi:

- Bilirəm, dərdin böyükdür. Amma dərdi verən Allah, səbri də verir. Maşallah kişi deyir ki, oğlumun birini gətirim, qoy Aşır kişi onun başını kəssin və ürəyi soyusun...

Aşır kişi:

- Ay Seyid, məgər Maşallahın oğlunun başını kəsməklə mənim oğlum Əli diriləcək?! Əlbəttə dirilməyəcək. Bu dərd qəbrə qədər bizim ürəyimizdə qalacaq. Mən demirəm ki, gedək bu dəqiqə Maşallahın oğlanlarını öldürək. Mən deyirəm ki, bizim günahımız nə idi. Maşallahın oğlu Əlinin başını kəsdi?!

Seyidəli:

- Əlinin heç bir günahı yoxuydu. Allah onun o dünyasını versin. Amma bizim eldə belə bir adət var: qapıya gələn ağsaqqallar heç vaxt naümid geri qayıtmır. Biz də istəyirik ki, sizin aranızdakı qandavası götürülsün...

Aşır kişi:

- Düzdür, hirsli vaxtımızda bizim dəli-qanlı uşaqlar nəsə bir şey eləyə bilərdilər, əllərindən xəta çıxardı, amma indi hər şey dəyişib. Bizim bir tələbimiz var: Maşallahla qandavası eləməyəcəyik. Amma gərək onlar bu kənddən çıxıb getsinlər.

Aşır kişi bu sözü deyəndən sonra elə bil ki. qurbağa gölünə daş atdılar. Bir adamdan səs çıxmadı. Handan-hana Seyidəli kişi dilləndi:

- Əgər bunu istəyirsinizsə, onu da eləyərik. Təki aradakı kin-küdurət yaddan çıxsın...

Yas məclisində heç kəs Maşallaha və onun adamlarına pis gözlə baxmadı. Hadisədən iki ay sonra isə Maşallah kişi və ailəsi kənddən köçüb getdi. Bu qətldən 40 il ötdü... Onların arasındakı qandavası ağsaqqalar tərəfindən vaxtında söndürüldü. İndi də söhbət düşəndə deyirlər ki, əgər kənddə Seyidəli kişi olmasaydı, həmin qandavasında nə qədər adam ölmüşdü. Ağsaqqalı olan kənd isə həmişə belə davalardan sakitliklə çıxır...

FAİQ QİSMƏTOĞLU

[email protected]




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Bir gün üç tənbəl istidə yol gedirlər. Görürlər ki, armud ağacı var. Armud ağacının kölgəsinə uzanırlar.
Tənbəlin biri deyir ki, nə bu armud qırıla düşə ağzıma yeyəm. O biri deyir nə məni aparıb o göldə çimizdirib gətirələr bura. O biri tənbəl:
- Ərinmirsiniz danışırsınız.



digər lətifələr
ARXİV
FACEBOOK