ANA SƏHİFƏ / İQTİSADİYYAT

Vüqar Bayramov: “Azərbaycan Ordusunun təlimləri Ermənistana mesajdır”

4242    |   2020-05-21 13:26
Şriftin ölçüsü:
A+ Böyütmək
A+ Balacalaşdır

Azərbaycan praktiki olaraq regionun ən güclü ordusunu formalaşdıra bilib.

Bunu Trend-ə açıqlamasında Milli Məclisin deputatı Vüqar Bayramov deyib.

O, Azərbaycan Ordusunun hər an torpaqlarımızı erməni işğalından azad etməyə qadir olduğunu bildirib.

"Son illər həm ordumuzun maddi-texniki bazasının gücləndirilməsi, bu istiqamətdə ayrılan dövlət büdcəsinin təyinatlı olaraq artırılması və Azərbaycan Ordusunun şəxsi heyətinin sosial-iqtisadi təminatı ilə bağlı addımların atılması imkan verir ki, Azərbaycan regionun ən güclü dövləti olaraq qalmaqda davam etsin. Bu baxımdan son təlimlər və Müdafiə naziri general-polkovnik Zakir Həsənovun və Müdafiə Nazirliyinin digər rəhbər şəxslərinin təlimlərə nəzarət etmək üçün ön xəttə getməsi yüksək qiymətləndirilməlidir.

Nəzər alsaq ki, torpaqlarımızın 20 faizi işğaldadır, belə təlimlərin mütəmadi keçirilməsi vacibdir. Təlimlər bizim gücümüzü göstərir. Bu gücün göstərilməsi də Ermənistana mesajdır ki, Azərbaycan Ordusu gücü və potensialı ilə torpaqlarımızı işğaldan azad etməyə qadirdir" - V.Bayramov vurğulayıb.

Qeyd edək ki, qoşunların 2020-ci ilin döyüş hazırlığı planına uyğun olaraq mayın 18-də Azərbaycan Ordusu genişmiqyaslı əməliyyat-taktiki təlimlərinə başlayıb.

Təlimlərdə döyüş hazırlığı, əməliyyatların planlaşdırılması və hərtərəfli təminatı, müxtəlif qoşun növləri və qismlərinin idarəetmə orqanlarının qarşılıqlı əlaqəsi, həmçinin təlimlərin şərtlərinə uyğun olaraq yaradılan zərbə qruplaşmalarının atəş və manevr imkanları yoxlanılır.

10.000 nəfərədək şəxsi heyət, 120-dək tank və digər zirehli texnika, 200-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar, 30-dək ordu və cəbhə aviasiyası və müxtəlif təyinatlı pilotsuz uçuş aparatları cəlb olunan təlimlər mayın 22-dək davam edəcək.




İmza:

İpoteka kreditləşməsi üzrə müqavilə münasibətlərinin rəsmiləşdirilməsinin notarius tərəfindən sadələşdirilməsi imkanları

“AzerGold” QSC Çovdar yatağı üzrə resursların ciddi artımına nail olub

Mayın 22-də dolların manata qarşı məzənnəsi

Qırğızıstan-Türkiyə marşrutu ilə dəmiryol yükdaşımaları Azərbaycandan keçəcək

Azərbaycanda Amerika Ticarət Palatası ilə işgüzar görüş keçirilib

Vüqar Bayramov: “Azərbaycan Ordusunun təlimləri Ermənistana mesajdır”

Azərbaycanda yanvar-aprel aylarında neft və qaz hasilatı artıb

“AzerGold” QSC növbəti irihəcmli ixracını həyata keçirib

Astaraçay üzərində yeni körpü tikiləcək

Mayın 20-də dolların manata qarşı məzənnəsi

Bu ödənişi könüllü şəkildə geri qaytarmayanlar məhkəməyə veriləcək

Mikayıl Cabbarova yeni müşavir təyin edilib

SON XƏBƏRLƏR
2020-05-26
2020-05-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK