ANA SƏHİFƏ / İDMAN

O QOLDA ƏSAS GÜNAHKAR RƏŞAD SADIQOV DEYİLDİ

31947    |   2019-11-05 09:27
Şriftin ölçüsü:
A+ Böyütmək
A+ Balacalaşdır

Baxıram, «Apoel»lə oyundan sonra futbolu bilən də, bilməyən də düşüb Rəşad Sadıqovun üstünə. Qapımıza vurulan qolda günahkar onu bilirlər. Düzdür, Qurban Qurbanov Rəşadın tərəfini saxladı.

Əsas günah kimdəydi? Heç bu barədə yazan olmadı, Qurban da demədi.

Qapımızın yaxınlığında, 15-16 metrliyində cərimə zərbəsi vurulur. «Apoel»in beş oyunçusu cərimə zərbəsinin yaxınlığındadı. Bəs cərimə vuran futbolçumuz Ailton neylədi? O qələbəlikdə topu öz oyunçumuza qısa pas verdi və rəqib də topa yiyələndi, Rəşad Sadıqov Allahın bacısı oğlu olmadığına görə, çata bilmədi.

Qardaşım, görürsən qələbəlikdi, bütün rəqib oyunçular səni əhatəyə alıb, Allahını çağır bir dənə «t» de də, bütün gücünlə topu vur, cərimə meydançasından uzaqlaşsın. Nəticədə bir əks hücum da yarana bilərdi.

Amma neylədi… Mən Rəşad Sadıqovu müdafiə eləmək üçün yazmadım bunu, sadəcə olaraq günahı heç olmasa əlli-əlliyə bölün.

Mərkəz müdafiəçiyə ruslar «çistilşik» deyir, yəni təmizləyici. Onun əsas vəzifələrindən biri topu bütün imkanları ilə öz cərimə meydançasından uzaqlaşdırmaqdır, yeri gələndə aut atmalıdır ki, hücumun qarşısını alsın. Amma bəzən bizim mərkəz müdafiəçiləri özlərini Messi kimi aparmaq istəyir, nəticədə də… Təbii ki, onlar Messi deyil.




İmza:
SON XƏBƏRLƏR
2020-06-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK