ANA SƏHİFƏ / ELM VƏ TƏHSİL

Evoğlu kənd tam orta məktəbinin 90 illik yubileyi qeyd edilib

18615    |   2019-11-04 12:49
Şriftin ölçüsü:
A+ Böyütmək
A+ Balacalaşdır

Ağdam rayonu Evoğlu kənd tam orta məktəbinin fəaliyyətə başlamasından 90 il ötür. Rayon ictimaiyyətinin nümayəndələri, təhsil işçiləri, ziyalılar, məktəbin müəllim və şagirdləri, o cümlədən kənd sakinlərinin iştirak ilə təhsil ocağında yubiley münasibətilə tədbir keçirilib.

Əvvəlcə məktəbin tarixindən, uğurlarından bəhs edən videoçarx nümayiş olunub. Məktəbin direktoru Ramil Mirzəyev çıxış edərək, fəaliyyəti müddətində təhsil müəssisəsinin keçdiyi inkişaf yolundan, qazandığı uğurlardan söhbət açıb. Direktor bildirib ki, 1928-1929-cu tədris ilindən fəaliyyət göstərən təhsil müəssisəsində hazırda 191 şagirdin təlim-tərbiyəsi ilə 38 müəllim məşğul olur.
R.Mirzəyev məktəbin təcrübəli pedaqoji kollektivinin olduğunu, müəllimlərin səylə çalışdıqlarını, şagirdlərin bilik, bacarıq və vərdişlərinin formalaşdırılmasında əvəzsiz xidmət göstərdiklərini qeyd edib. Təmas xəttinə çox yaxın məsafədə yerləşməsinə baxmayaraq məktəbdə tədrisin keyfiyyətinin, şagirdlərin davamiyyətinin yüksək olduğunu vurğulayan direkror qeyd edib ki, məktəbin şagirdləri hər il ali məktəblərə qəbul imtahanlarında yüksək nəticə göstərirlər. Məktəbi bu il bitirən 9 məzundan 7-si ali məktəblərə keçirilən qəbul imtahanlarında iştirak edib, onlardan 4-ü ali, 3-ü isə orta ixtisas müəssisələrinə qəbul olub. İmtahanda 640 bal toplayaraq ən yüksək nəticə göstərən Fidan Mirzəyeva Azərbaycan Tibb Universitetinin tələbəsidir.

Rayon icra hakimiyyətinin başçısı Vaqif Həsənov tədbirdə çıxış edərək məktəbin kollektivini 90 illik yubiley münasibətilə təbrik edib, onlara işlərində müvəffəqiyyətlər arzulayıb.

Tədbir bədii hissə ilə davam edib. Şagirdlər vətənpərvərlik, təhsil və məktəb həyatı haqqında şeir, mahnı ifa edib, ədəbi-bədii kompozisiyalar göstəriblər.

Nicat Novruzoğlu

Məzun


İmza:
SON XƏBƏRLƏR
2020-05-25
2020-05-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK