ANA SƏHİFƏ / GÜNDƏM

Aqil ABBAS: PRİMAKOV, ƏKBƏR BAYRAMOV VƏ ESSE YAZANLAR

10781    |   2019-11-02 09:40
Şriftin ölçüsü:
A+ Böyütmək
A+ Balacalaşdır

Universitetdə oxuyanda biz tələbələrin sevimli bir müəllimi vardı – Əkbər Bayramov. Azərbaycanda psixologiya elminin əsasını qoyanlardan biri idi. Dərslikləri də Əkbər müəllim yazmışdı.

Çox maraqlı mühazirələri olurdu, eyni zamanda bir psixoloq kimi hərdən tələbələrin üzərində eksperiment də keçirirdi.

Bir dəfə Lomonosov universitetinin bir professorunun keçirdiyi eksperimentdən danışdı.

Deməli, əlində şəkillər (eyni adamın şəkilləri) girir auditoriyaya, şəkilləri paylayır tələbələrə və deyir ki, bu adam qatı cinayətkardı, çox qəddar adamdı, qatildi və sair və ilaxır, indi bu şəkilə baxın, öz təəssüratınızı yazın.

25 tələbədən 22-si yazır ki, elə bu adamın sir-sifətindən qəddarlıq yağır, bir baxın, gözləri qatil gözləridi və sair və ilaxır.

Yalnız 3 tələbə yazır ki, bu adam alim də ola bilərdi, qəhrəman da ola bilərdi, mülayim baxışları var, gözəl ata da ola bilərdi. Görünür, taleyində hansısa bir qırıqlıq yaşayıb və nəticədə cinayətkar olub.

Professor sonra başqa bir auditoriyada yenə həmin adamın şəkillərini tələbələrə paylayır və deyir ki, bu adam görkəmli alimdi, bir çox kəşflərə imza atıb, çox xeyirxahdı və sair və ilaxır. İndi şəkilə baxıb təəssüratlarınızı yazın.

Bu auditoriyada da tələbələrin 21-i professorun verdiyi təqdimatla baxırlar şəkilə və yazırlar ki, həqiqətən üzündən nur tökülür, çox mehriban baxışları var, əsl alimə oxşayır.

Bu auditoiriyada yalnız 4 tələbə yazır ki, bu adam quldur da ola bilərdi, cani də ola bilərdi, qatil də ola bilərdi. Görünür, yaxşı müəllimlərin əlinə düşüb alim olub.

Sonra professor hər iki qrupu bir auditoriyaya yığır, fərqli düşünən həmin 7 gənci çıxarır önə, deyir ki, bu qədər tələbənin içində yalnız bunlar müstəqil düşüncəyə malikdirlər, öz dünyagörüşləri var, məsələyə öz yanaşmaları var və gələcəkdə də bunlar hamıdan fərqlənəcəklər.

İndi Bakı Slavyan Universitetində tələbələrə Yevgeni Primakovla bağlı esse yazdırıblar, sonra da mükafatlandırma mərasimi-filan olub. Bilmirəm, neçə tələbə bu işə cəlb edilib.

Məni başqa bir şey maraqlandırır. Görəsən, həmin tələbələrin içində heç olmasa, çox demirəm, iki-üç nəfər fərqli düşünən olubmu? Primakovun əsl xarakterini və kimliyini açan olubmu?

Primakov barədə esse yazdırmaq o qədər də böyük faciə deyil. Ən böyük faciə esse yazan tələbələrin içində Primakova fərqli yanaşan, yuxarıdan verilən «ustanovkadan» kənara çıxan tələbələrin və ya tələbənin olmamasıdı.

Sabah bu tələbələr bizim balalarımıza dərs deyəcək. Bax, faciə budur.

Və bir də görən o esse yazan tələbələrin içində 20 Yanvar şəhidlərinin yaxınları, əqrəbaları və yaxud övladları və ya nəvələri olan varmı?!





İmza:

Pandemiya dövründə həkim soyğunçuluğu

Naxçıvanda hərbçilər arasında yarış keçirilib - VİDEO

İsa Həbibbəyli: Doktoranturaya qəbulun iyul-avqustda keçirilməsi nəzərdə tutulur

Musa Qasımlı: Hökumət hər binanın qapısına, avtobusa, metro vaqonuna polis qoya bilməz

Aqil Abbas: "Ramil Səfərovun xilası prezidentimizin fəaliyyətindən qırmızı xətlə keçir" - VİDEO

DSX erməni yalanını ifşa etdi: “Sərhəd-döyüş mövqelərimizi irəli çəkmişik”

Əbülfət MƏDƏTOĞLU: AĞSAQQAL İŞIĞI

OPEC nazirlərinin hər iki görüşü bir gündə keçiriləcək

Bu gün deputatlar növbədənkənar iclasda 4 məsələni müzakirə edəcəklər

Bu muzey və sərgi zalları saat 14:00-dan fəaliyyətini dayandırır

Həftəsonu yollarda şəxsi avtomobilindən istifadə edənlər cərimə və yaxud həbs oluna bilər

Mətbuat Şurası həftəsonu məhdudiyyətlərlə bağlı jurnalistlərə müraciət etdi

SON XƏBƏRLƏR
2020-06-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK