ANA SƏHİFƏ / MÜSAHİBƏ

"Ədalət" qəzetinin jurnalisti kikboksçu ilə döyüşdü

42251    |   2019-10-23 15:10
Şriftin ölçüsü:
A+ Böyütmək
A+ Balacalaşdır

Azərbaycan idmançıları fərqli idman sahələrində uğurlar qazanmağa davam edir. Bu uğurların hər yaş kateqoriyasında olması sevindirici haldır.

Uğurları ilə bizi sevindirənlərdən biri də Elnur Mustafayevdir. Dəfələrlə Respublika çempionu olmuş Elnur avqust ayında Macarıstanda təşkil olunan kikboks üzrə Avropa çempionatında bütün rəqiblərinə qalib gələrək çempion adını qazanıb.

Əslən Ağcabədi rayonundan olan Elnur çox söhbətcil olmasa da onunla sual-cavab rinqinə çıxdıq.

Birinci raund

- Kikboks ilə neçə yaşından məşğul olursan?

- 6 yaşımdan.

- Bu həvəs necə yarandı səndə? Öz istəyinlə, yoxsa valideynlərinin istəyinlə seçdin bu növü?

- Həm özüm istədim, həm də valideynlərimin qərarı ilə.

- Analar övladlarına qarşı daha həssas olurlar. Birdən yarışlarda əzilərsən, nəsə olar deyə buna qarşı çıxdı?

- Yox, heç vaxt elə söhbət olmayıb. Anam da məni dəstəkləyir.


Birinci raund qarşılıqlı zərbələr ilə yekunlaşır.

İkinci raundda rəqibə daha sərt suallar verməyə çalışacam. Görək bir təsiri olacaqmı.

İkinci raund

- Uğurların haqqında özün danış bir az.

- Azərbaycan kubokunu qazanmışam, Respublika çempionluğum var, ən böyük nailiyyətim də Avropa çempionu titulunu qazanmaq oldu.

- Həmin yarış haqqında danışa bilərsən biraz? Kimləri döyüb çempion oldun?

- Yarış Macarıstanın Dyor şəhərində keçirilirdi. Birinci döyüşdə rusla mübarizə apardım, nakautla qalib gəldim. Sonra yenə Rusiyanı təmsil edən dağışstanlıya qalib gəldim nvə çempion oldum.


- Mükafat ancaq kubok və medal oldu, yoxsa pul mükafatı da var idi?

- Xeyr, pul mükafatı hələ olmayıb.

İkinci raund bu sualla yekunlaşır. Artıq daha açıq oyun gedir və mən üçüncü raunda daha ürəkli çıxıram.

Üçüncü raund

- Elnur, yaşını soruşmaq yadımdan çıxdı. Neçə yaşın var?

- 14.

- Küçədə dalaşırsan heç?

- Xeyr, dalaşmıram.

- Heç olmayıb ki gücünü göstərmək istəyəsən?

- Xeyr, olmayıb.

Bu "zərbə” ilə heç nə edə bilməyib başqa zərbə endirməyə çalışıram.

- Təhsilin necə gedir?

- O qədər də yaxşı deyil, amma gedir.

Və daha bir cəhd!

- Bəs universitet oxumaq fikrin yoxdu?

- Var. İdman Akademiyasında oxuyacam – deyir və gülərək masanın üzərindəki kubok və medallarını göstərir.

Əks fəndə düşürəm və qızıl meddalların biri-birinə dəyərək çıxartdığı səs döyüşü yekunlaşdıran "qonq” səsi kimi qulağımda cingildəyir.

Bu cür suallarla Elnuru nakaut edə bilməyəcəyimi görüb bu sual-cavab döyüşünü sülhlə yekunlaşdırmağa çalışıram.

- Sirr deyilsə məşq rejimin haqqında məlumat verə bilərsən?

- Gündə iki dəfə məşq edirik. Saat 9-dan 11-ə və 5-dən 7-ə kimi. Məşqçim isə Respublikanın əməkdar məşqçisi Hakim Hacıyevdir. Lap əvvəldən mənə o məşqçilik edib və bu səviyyəyə çatmağımda ən böyük rolu o oynayıb.

Federasiyamızın prezidenti millət vəkili Adil Əliyev də bizə çox qayğı və diqqət göstərir, ona görə belə uğurlar qazana bilirik.


- Nə kimi məsqədlərin var kikboksda?

- Yayda Dünya Çempionatında iştirak edəcəm. İnşallah orada qalib olub Olimpiya oyunlarına vəsiqə qazanmaq və orada da çempion olmaq istəyirəm.

- Ümid edirik ki, bacaracaqsan! Uğur olsun!

Və döyüş başa çatır.

Bu döyüşün qalibi kiçik yaşlarından qarşısına məqsəd qoyan və o məqsədə çatmaq üçün inamla addımlayan, çalışan Elnur oldu.

Onu və onun timsalında bütün Azərbaycanı həmişə qalib görmək ümidilə!



İmza:

"Azərbaycan şairlərinin ölkəmizdə çoxlu pərəstişkarı var" - MÜSAHİBƏ

“Prezidentə dedi ki, Ramiz Mehdiyevlə Əli Həsənov mətbuatda məndən yazdırır” - Siyavuş Novruzov

102 illik şərəf salnaməsi

Rasim Müzəffərli: “Pandemiya “Vətən” anlayışını gücləndirir”

Qorxsam da, geri çəkilmədim - MÜSAHİBƏ

“Mavi boyalı ev”-xoşbəxtliyin, ümidin rəngidi - MÜSAHİBƏ

Aqil Abbas: "İtə çölə çıxmağa icazə verirlər, uşağa qadağa qoyurlar…" - MÜSAHİBƏ

"Arzum işğal olunmuş rayonlarımızda müəllimlik etməkdir" - MÜSAHİBƏ

"Arxiv sənədlərini almaq üçün bankdan kredit götürdüm" - MÜSAHİBƏ

Oqtay Qasımovdan Sülhəddin Əkbərə sərt cavab

“SURƏT HÜSEYNOV BU GÜN DƏ BİZƏ HƏDƏ-QORXU GƏLİR...” - Keçmiş baş prokurordan sensasiyalı açıqlamalar

“HƏBS EDİLƏNLƏR SONRADAN YAP-a QOŞULANLARDIR...” - “Partiyamızda da islahatlar olmalıdır”

SON XƏBƏRLƏR
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK