ANA SƏHİFƏ / MƏMLƏKƏT

SƏXAVƏT MƏMMƏD:Çadırda yaşayanlar

6576    |   2019-09-25 15:12
Şriftin ölçüsü:
A+ Böyütmək
A+ Balacalaşdır

Çadırda yaşayırdıq. Təbii ki, yas da olurdu, toy da. Ən böyük problemlərdən biri də xeyir-şər mağarının olmaması idi. Digər problemləri saymayım. Təsəvvür edin, əgər birinin qapısına yas düşüb, toy olanda qonşulardan kiminsə və ya boş olan çadır sökülürdü, ondan xeyir-şər mağarı kimi istifadə edilirdi. İndiki kimi kirayə çadırlar yox idi. O qədər olub ki, birinin yası düşür, yaşadığı çadırı mağar edir, axşam yenidən tikib, orada qalırdı. Toylar da onun kimi. Bunun yağışın, qarın düşünün. Çadırın ərazisi də elə idi ki, qışda bir ayaqqabı maksimum 1 ay gedirdi. Palçığı çürümüş saqqız kimi yapışırdı.

İçi bizim çadır qarışıq çoxlarının çadırı xeyir-şər mağarı rolunu oynamışdı.

İl yadımda deyil. Onu bilirəm 90-cı illər idi. Parlament seçkiləri ərəfəsiydi. Aqil Abbas namizədliyini vermişdi. Çadır camaatı ilə görüşə gəlmişdi. Camaatı yığdı, dedi, nə kömək edə bilərəm? Ancaq elə şey deyin, bacardığım olsun. Hüququ, qanun layhəsini, nə bilim müzakirələri boş verin. Çünki bizim kimi ölkələrdə insanlar arxasında əllə tuta biləcəkləri, gözlə görə biləcəkləri şeylərə dəyər verirlər. Orada da elə oldu. Camaat dedi ki, bəs bu qədər əhali yaşayır çadırda xeyir-şər mağarımız yoxdur. Bir müddət sonra çadırda xeyir-şər mağarı hazır edildi, bundan əlavə qazanlar, qazan altlığı və digər şeylər. Bunun nə olduğunu onları yaşamayanlar bilməz. Sanki çadır camaatına saray hədiyyə edilmişdi.

İl olub 2019, rayona gedəndə o mağarın yenə qurulduğunu gördüm. Düzdür, imkanı olanlar artıq toyu restoranda edir, biraz imkanı olanlar kirayə çadırır gətirdir, ancaq imkanı olmayanlar hələ də o mağardan istifadə edir.

Durub, durarkən haradan yadıma düşdü? Bu gün çadır uşaqlarından biri ilə danışırdıq. (Bəli çadır uşaqları, hələ də bir-birimizi elə çağırırıq - çadır uşaqları) Həmin mağarı sökəndə ayağımın dəmirə ilişib, başı aşağı sallana qalmağım yadına düşüb, onu deyib gülürdük.

P.S Aqil Abbas da deyir, dədəmin goruna söyürlər. Hətta sayın da açıqlamışdı. Biri Aqil Abbasa desin ki, o boyda çadır dədəsinin goruna hər gün rəhmət oxuyurdu.


İmza:
SON XƏBƏRLƏR
2020-07-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK