ANA SƏHİFƏ / YAZARLAR

Həvva olan yerdə şeytana nə hacət? - Eminquey yazır

6604    |   2019-09-16 11:57
Şriftin ölçüsü:
A+ Böyütmək
A+ Balacalaşdır

Adəmlə Həvvanı şeytanın aldatdığına inanırsız? Ay canım, cəfəngiyatdı. Həvva olan yerdə şeytana nə hacət? Qadın əhlidi e bu. Qışın oğlan çağında kişiyə dənəsi 50 manata alça aldıran varlıqlardı e. İndi bir Adəmə alma yedirtmək nəmənə şeydi ki?

Södanın açarı sinəsinə qoyub "Moşik, gəl özün götür" deməyini yadınıza salın. Lap elə sevgilisindən ən kreativ evlilik təklifləri gözləyən, 8 minlik gəlinlik aldıran qadınları xatırlayın. Yadınıza düşəcək ki, qadın kişiyə ən çətin sınaqlarla sevgisini sübut etmək şansı verir.

İndi qayıdaq Adəmlə Həvvaya. Sizcə, onlar bir-birilərindən heç küsmədilərmi? Heç olmadımı ki, Həvva qaşlarını düyünləyib Adəmə baxsın və desin ki, niyə əncir yarpağını geyinməmişdin? Kimə göstərirsən? Kiminlə xəyanət edirsən mənə? Hə, qadın çox çətin varlıqdı. Dünyada bir tək özüdü qadın, amma yenə qısqanmağa bir şey tapar və burnunu sallayıb küsər. Vay Adəmin halına!

Bir gün, iki gün, üç gün, axırda məcburdu da Həvvanın könlünü almağa. Bu ərəfədə də Allah bunları yanına çağırıb almadan yeməyi qadağan etdimi? Etdi. Vəssalam! Həvvanın əlinə fürsət düşmədimi? Düşdü! Həvva Adəmə bir şərtlə barışacağını deyər. Adəm o almanı dərib gətirməli və onunla birgə yeməlidi. Bilirsiz də, işin sonunda Həvvalı gecələr var, neyləməlidi? Həvvanın dediyini etməlidi. Elə də olur və Adəmlə Həvva cənnətdən qovulurlar.

Nə ilan, başınıza dönüm?! İlan Həvvanın Allahın hüzurunda özünü haqlı çıxarmaq üçün uydurmasıdı. "Lənət ilana, aldatdı məni". Və milyon illərdi ilan dərisindən çanta, ayaqqabı geyinməklə özünü isbat etməyə çalışır qadınlar. Ki, yəni hə, ilan qadını aldatdığı üçün qadın da ilandan qisas alır.

Vəssalam, şüttamam!




İmza:Eminquey

YAZARIN ARXİVİ

2020-05-15 : Füzuli bu gün
2020-05-15 : Adil Şirin - 65
SON XƏBƏRLƏR
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK