Film izle hacklink kiralık bahis sitesi satılık bahis sitesi Adalet.az | Aqil ABBAS: Allahverdi Bağırovun çayxanadan yığdığı uşaqlar Adalet.az | Aqil ABBAS: Allahverdi Bağırovun çayxanadan yığdığı uşaqlar Adalet.az | Ədalət -
ANA SƏHİFƏ / YAZARLAR

Aqil ABBAS: Allahverdi Bağırovun çayxanadan yığdığı uşaqlar

4157    |   2019-08-28 09:00
Şriftin ölçüsü:
A+ Böyütmək
A+ Balacalaşdır

Yol tikməyə gedəcəkdin...

Bəs nə oldu, day-dara-dam-dam?

Bordini nətər qaldırıb dağın başına qoydularsa, o da elə öyrəşmədiyindən tappaturupla gəldi düşdü yerə. Amma "Neftçi”ni xilas etməyin yolu var.

Təzədən Tərlan Əhmədovu gətirirsən "Neftçi”yə, komandanı toparlayır, qaldırır 1-ci, 2-ci yerə və sonra yenə bir Bordin kimisini tapıb gətirirsən.

Ümumiyyətlə, bir çox xarici məşqçilər dəlləkliyi bizim millimiz və klublarımızın başında öyrənirlər və bəzən də qulağını kəsib çıxıb gedirlər.

Allahverdi Bağırov futbolçuları çayxanadan yığıb gətirmişdi.

Ağdamın Ağdam vaxtında Allahverdi Bağırov "Qarabağ”ın məşqçisi işlədiyi zaman Bakıdan teleqram gəlir ki, "Qarabağ” "Məhsul” cəmiyyətinin keçirdiyi yarışlar üçün təcili Bakıya gəlməlidir, əks halda cəzalanacaqdır. Futbolçular da hərəsi bir yerdə istirahətdə idi. Allahverdi qalır naəlac, gəlir bulvardakı çayxanaya. Deyir ki, ə, kim, futbol oynaya bilir, dursun ayağa, yeməyiniz, içməyiniz, hər şey mənlik, təcili Bakıya yarışa gedirik.

Uşaqları doldurur avtobusa, üzü güləbətinə, yəni Bakıya.

İndiki "Bakcell Arena”nın yerində yarışlar keçirilən bir stadion vardı. Hamımız yığılıb getmişdik futbola. "Neftçi”nin əvəzedici heyətinin qapıçısı Saşa (Hüseyn Əhmədov), əsas hücumçusu Elbrus Abbasov, komandanın direktoru Adil Nadirov.


Oyun gedir və təbii ki, çayxanadan gələn uşaqlar futbol yox, top-top oynayırdı.

Saşa qapıçının arxasında durub bağırır:

- Ə, sağa çıx! Ə, sola çıx! Ə "stenka”nı düz qur! - və s. və ilaxır.

Elbrus Abbasov meydanın kənarından hücumçuları yönləndirir:

- Getdin, ə, getdin! Sağa bax! "Rastrel” elə!

Adil Nadirov mərkəz müdafiəçisini yönləndirir:

- 9 nömrəni gözdən qoyma! Sol tərəf boşdu! Qorxma yıx!

Allahverdi Bağırov da məcbur olub o yaşında girdi oyuna.

Nə isə. Çayxana uşaqları ilə oyunu udduq. Əslində oyunu başda Allahverdi olmaqla Saşa, Elbrus, Adil uddu.

Çayxanadan gələn uşaqlar onların əmrlərini layiqincə yerinə yetirdilər.

İndi Azərbaycan komandaları legionerlərin əlindən tığ verir. Legionerlərin oyunlarına baxdıqca yadıma Allahverdinin çayxanadan yığıb gətirdiyi uşaqlar düşür. Elə bil bu legionerləri də xarici ölkələrdə hansısa komandaların fanatlarının yığışdığı barlardan gətiriblər. O xarici məşqçilər də həmin barların barmenləridir.

Sadəcə olaraq onların Allahverdiləri, Adilləri, Saşaları, Elbrusları çatışmır.

P.S. "Sumqayıt” nə qədər ki özümüzkülərlə oynayırdı, gül kimi komanda idi, gözəl oyun nümaiş etdirirdi. Elə ki "çayxanalardan” legionerləri yığıb gətirdilər, düşdülər "Neftçi”nin gününə.

"Sabah”a da gözəl sabahlar arzulayıram!

5 manat artıq maaşdan ötəri özünün boya-başa çatdığı, ona şöhrət gətirən komandanı qoyub qaçan futbolçulara da bir örnək verim:

Anatoli Banişevskinin Anatoli Banişevski olan vaxtında, şöhrəti dünyaya sığmayanda "Neftçi” yüksək liqanı tərk elədi, amma Banişevski Moskva və Kiyevin məşhur komandalarının təklifini qəbul etmədi və sonadək az maaşla "Neftçi”də qaldı.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK