hacklink Adalet.az | Sosial şəbəkələr həmişəlik çökərsə, nə baş verər... Adalet.az | Sosial şəbəkələr həmişəlik çökərsə, nə baş verər... Adalet.az | Ədalət -
ANA SƏHİFƏ / TEXNOLOGİYA

Sosial şəbəkələr həmişəlik çökərsə, nə baş verər...

12696    |   2019-07-08 17:46
Şriftin ölçüsü:
A+ Böyütmək
A+ Balacalaşdır

Sosial şəbəkələr, internet, demək olar ki, həyatımızın ayrılmaz hissəsinə çevrilib. Əlaqə yaratmaqdan tutmuş, yeni informasiya əldə etməyə qədər sosial şəbəkə köməyimizə gəlir. Bəzən saatlarla, hətta günün yarısını virtual əlaqə yaratmaq üçün Facebook, Whatsapp, İnstagram-da aktiv oluruq.

Maraqlıdır, demək olar ki, bizi özündən aslı hala gətirən sosial şəbəkə anlayışı olmazsa, daha doğrusu sosial şəbəkələr həmişəlik çökərsə hansı vəziyyətə düşərik? Bunun insanlara mənfi təsiri olar, yoxsa heç nə olmamış kimi gündəlik həyatımıza davam edərdik?

Bu mövzudaModern.az-a danışanpsixoloq Gülər Məmmədovasuala belə aydınlıq gətirib:

"Elə bir zamanda yaşayırıq ki, insanlar öz hiss və emosiyalarını yalnız sosial şəbəkə, internet üzərindən biruzə verə bilirlər. Bu da insanlarda duyğusal, emosional aslılıq yaradır. Sosial şəbəkələr insanlarda artıq orqanik bir prosesə çevrilib. Orqanik dedikdə yəni vəziyyətin belə olması insan psixologiyasına oturuşub. Sevgi, iş, dostluq münasibətləri, valideyn-övlad münasibətləri sırf sosial şəbəkə, telefon üzərindən həyata keçirilir. Belə olduğu üçün də insanlar asılı olduğu mexanizmin çökməsini gördükdə həyəcan keçirir. Biri var narkotik, spirtli içkilərdən aslılıq, biri də var bu cür aslılıq. Virtual ünsiyyətdə yaranan hər hansı mənfi hal psixoloji aspektdən insanların həyatına birmənalı olaraq təsir edir”.

Psixoloq deyir ki, sosial şəbəkələr birdən ləğv olunsa, insanlar güclü stress keçirə bilər.

"Təbii ki, uzun müddət vərdiş etdikləri bir anlayış olmazsa, bu, insanlara ciddi şəkildə təsir edəcək. Mövcud duruma öyrəşmək çətin olsa da, zamanla onlar bu hala adaptasiya olacaqlar. Alternativ hal düşünüb, vəziyyətdən çıxmağa çalışacaqlar. Çünki indi insanlar rahatlığa, hər şeyi asanlıqla əldə etməyə alışıb”.

Azərbaycan İnternet Forumunun rəhbəri Osman Gündüzdeyir ki, sosial şəbəkələrin çökməsi təkcə insanlara yox, bütün cəmiyyətə mənfi təsir göstərərdi.

"İndi təkcə adi, fiziki şəxslər sosial şəbəkə istifadəçisi deyil. İnkişaf o səviyyədədir ki, dövlət, özəl, vətəndaş cəmiyyəti, biznes, xidmət - bir sözlə hər şey bura inteqrasiya edib. İndi birdən sosial şəbəkələr yoxa çıxsa, onun üzərindən xidmət, biznes mümkün olmayacaq. Bu aspektdən yanaşmaq daha doğrudur. Sonda vətəndaşlar arasında hansısa bir informasiya münasibətlərində problem ola bilər. Lakin gündəlik birgə yaşayış qaydalarımız, həyati proseslər var. Burada da tibb, təhsil, maliyyə və s. var. Düşünürəm ki, biz sosial şəbəkələrin qayğısına qalmalıyıq, dövlət onu inkişaf etdirməlidir. Sosial şəbəkənin faydalı tərəflərindən istifadə etməliyik. Çünki sosial şəbəkə artıq bizim virtual həyatımız yox, gündəlik həyatımıza çevrilib. Həyat dediyimiz yeri də səliqəyə salmalı, qədrini bilməliyik”.




İmza:
SON XƏBƏRLƏR
2019-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88%)
Pullsuz (12%)

ÇOX OXUNAN
GÜNÜN LƏTİFƏSİ

Yayın cırhacırı Abdal Qasım oturubmuş, görür iki erməni bərkdən danışa-danışa gəlir.

Yanındakı dostuna deyir:

- Ə, bu köpəyuşağları bu istidə bu dildə nətəhər danışırlar ey?!




digər lətifələr
ARXİV
FACEBOOK