ANA SƏHİFƏ / YAZARLAR

Məzarıma bir cüt qaloş qoyun - Eminquey yazır

14919    |   2019-06-10 12:22
Şriftin ölçüsü:
A+ Böyütmək
A+ Balacalaşdır

Tüpürcəkdən şəfa umdular, qəbirdən şəfa umdular, heykəldən şəfa umdular, indi də qaloş çıxdı. Hə, məlum hadisəni deyirəm. O video Goranboy rayonu Qurbanzadə kəndində çəkilib. Yerli sakinlər seyid kimi tanınan və 30 il əvvəl iyunun 7-də vəfat etmiş Miribiş ağanın evinə yığışıblar. Onun qaloşunu başlarına sürtərək şəfa tapacaqlarına inanırlar. Əvəzində isə pul və qiymətli əşyaları həmin evə qoyurlar.

2019-cu il, robot əsri və bir cüt qaloş...

O qardaş qaloşun hesabına bir xeyli qadını əllədi. Bircə bunu dəqiq bilirəm. Hələ bir kadrda kişi qəndi dişləyib qadının ağzına da qoyur. Lap toylarımız yadıma düşdü. Gəlin yediyi tortdan bəyin ağzına uzadır, çəkir, uzadır, çəkir. Sonra hop, tort olur bəyin ağzında. Hələ bəzi bəylərin videosu yayılmışdı, bəy hirslənib gəlinin başına bir qapaz da vurmuşdu. İndi bu kişiyə də bir qadın lazım idi ki, qapazı ilişdirə.

Açığı təəccüblənmədim. Bizim məhəllədə bir qadın var, seyiddir, guya əlində şəfa var, əlləmədiyi adam qalmayıb. Amma yenə başa düşmək olar, əldir də. Bəs, bu qaloş nədir?

Az deyillər axı.

Məsələn, Qafqaz Müsəlmanlar idarəsinin axundu Hacı Surxayın danışdığı video çıxdı rastıma. Deyir, 20 gün 133 dəfə "Ya Əbbas" de, Allah Əbbasın xatirinə arzunu qəbul edəcək.

Mənim də son vaxtlar maşına həvəsim yaranıb. Həm də avtobus, metro yorub məni. İstəyirdim ki, altı-bazar və işdən sonra qalan vaxtımı da başqa işdə işləyim, pul yığıb maşın alım. Hacının bu çıxışını görüb fikrimdən daşındım. İşləməyi neyləyirəm?! Beş gündür ki, hər gün arzumu düşünüb 133 dəfə "Ya Əbbas" deyirəm. Görək nə olur. Nəticəni mütləq açıqlayacam.

Gələk bizim bu kəramətli qaloşa.

Sovet hökümətinin nə böyük kəraməti varmış, lələ?! Bilsəydilər ki, buraxdıqları qaloşda hikmət var, çoxdan bir tədbir görərdilər.

Hələ Goranboy rayon İcra Hakimiyyətinin Qurbanzadə kənd icra nümayəndəsi Mehman İbrahimov görün nə deyib:

Orada insanların başına çəkilən qaloş deyil. Qaloşdan söhbət də gedə bilməz. Seyid Miribiş ağa 1972-ci il iyunun 8-də dünyasını dəyişib. Hər il iyunun 8-də Seyidin ildönümü qeyd edilir, nəvələri ona ehsan süfrəsi açırlar. Ehsan süfrəsinə ətraf kəndlərdən insanlar gəlir. O görüntülər də ildönümündə çəkilib. Ehsan süfrəsi açılır, insanlar bir tikə yeyib gedirlər. Burada pis heç nə yoxdur. İnsanlardan ocağa hörmətlə yanaşmağı xahiş edirəm, şəkk edib pis-pis şeylər yazmaq düzgün deyil.

Tutalım qaloş deyil, papaqdır. Lap papaq da deyil, alt paltarıdır, nə dəxli?

Bu məqamda deyiublər də, puluna minnət, lələ!

Bir dostum videoya vaxıb dedi ki, o adamlara baxdım, qorxdum, onlar adamı diri-diri parçalayarlar. Ürəyim xarab oldu, şairliyimə saldım. Vaqif Səmədoğlundan təsirləndim. Dedim, dostum, şairin "Bir cüt ayaqqabı” şeiri yadıma düşdü. Bunlar adamı diri-diri basdırmamışdan qabaq belə bir şeir yazaram:

məzarıma

nə başdaşı qoyun,

nə heykəl.

bir cüt qaloş qoyun,

bir cahil

şəfa tapmaq üçün

başını sürtüb getsin...



İmza:Eminquey

YAZARIN ARXİVİ

SON XƏBƏRLƏR
2020-07-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK