nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | O, Allahla mənim aramdakı sülhməramlı elçidir - Eminquey yazır Adalet.az | O, Allahla mənim aramdakı sülhməramlı elçidir - Eminquey yazır Adalet.az | Ədalət -
ANA SƏHİFƏ / YAZARLAR

O, Allahla mənim aramdakı sülhməramlı elçidir - Eminquey yazır

7321    |   2018-12-18 10:07
Şriftin ölçüsü:
A+ Böyütmək
A+ Balacalaşdır

Elə insanlar var, onları Allah çıxarır bizim qarşımıza. Təsəvvür edin, qaranlıq bir yol gedirsiniz. Gəncsiniz. Yola da nabələd. Bir inni-cinni də yoxdur, yolu soruşasınız. Qəfil bir adam çıxır yolunuza. Sizdən yaşca böyük, özündə əmin, təmkinli. Maşını saxlayıb yolu soruşursunuz, deyir, elə mən də ora gedirəm. Və siz də "otur, elə bizə də ora lazımdı, həm səni düşürdərik, həm də yolu bilmiş olarıq" deyirsiniz. Mən onu belə tanımışam. Onu tanıyandan sonra bilmişəm ki, insan ətrafa nə olursa olsun işıq saçmalıdı. O, bunu necə bacarır? İnsanı bir sözlə necə yumşalda bilir? Necə dirçəldə bilir? Necə olur ki, insan bu qədər enerji ötürə bilir? "Eminçik, adam dərinə getdikcə Allaha düzgün suallar verir". Nə qəşəng deyir, eləmi? Bu yazıda ona ilk və son dəfə "sən"lə xitab edəcəm. 

 O, Allahla mənim aramdakı sülhməramlı elçidir. Qəribədir, hə? Yenə təsəvvür edin ki, o qaranlıq yolu həmin adamla gedirsiniz. Axı bir-birinizə içdən də bələd deyilsiniz. Yolboyu danışır ki, sizi yuxu tutmasın. Siz danışırsınız ki, yenə yuxu sizi tutmasın. Ona zidd olan fikirləri sapa düzürsünüz. Amma o, səbr edir, gülümsəyir, biruzə vermir. Bəlkə inancına, bəlkə də hansısa fikrinə qarşı çıxırsınız. O, sizi buna görə danlamır. Axı gəncsiniz, axı o təmkinlidir. Səbr edir, sizə elə bir söz deyir, ayılıb görürsünüz, sən demə, fikirləriniz yuxulu imiş. Arabir fikirləri silkələmək lazım gəlir. Yoxsa yuxu tutar, bir də görərsiniz ki, uçurumun dibində fikirli-fikirli oturub "görəsən, necə oldu, mən bu uçurumu boylandım?" deyib özünüzü danlayırsınız. Heç bəlkə uçurumda danışmağa da şansınız olmadı. Beləcə ünvana çatırsınız. O da sizinlə birgə. Çevrilib görürsünüz ki, o sizinlə gəldiyi yolu yenidən geri qayıdır. Mat-məəttəl qalmazsınızmı? Bəs, niyə bu qaranlıq yolu sizinlə birgə gəldi? 

Hə, məhz siz azmayasınız deyə! O qaranlıq yolda sizə işıq olan adamlar lazımdır. Təkcə sizə yaxşılıq edən yox, həm də sizə yaxşılıq etməyi öyrədən biri. Ki, yaxşılıq da bir yaradıcılıqdır. Bir də əziyyət çəkin, təsəvvür edin, bir insana ən dar məqamında əl tutursunuz. Deyin, hə! O da hər sizi xatırlayandan həmin yaxşılığı yadına salır. Deyin, hə! Necə ki, rəssam rəsmlərilə, şair şeirlərilə, bəstəkar musiqilərilə yadda qalır ha, bax elə. Pisdir, a balam? Beləcə mən Allahla barışıram. Deyirəm, ilahi, bunlar hamısı sənin işindir. Freyd deyir ki, həs kəs Allahı atasının obrazında görür. Boş söhbətdir yəni. O, insanın içində məskən salır. Fəhlələri də məhz insanlardır. Bu məskənin mayasında çirkab yoxdur. Ona görə də insanlar yaxşı əməlləriylə bu məskəni yaradırlar içində. Sonra yavaş-yavaş hər şeydə Onu görürsən. Qəşəng bir deyim var e, deyir, mənə öz Allahın haqda danışma, hərəkətlərinə öz Allahını mənə göstər. Eynən bu! 

Çox da ərşə çıxmayaq. Qayıdaq yazının episentrinə. Bu dəqiqə yazı silkələnəcək, zəlzələ baş verəcək. Bilirsiniz yazının girişində o qaranlıq yolda maşınımıza oturan insan kim idi? Lalə Əliyeva! Mama deyirəm ona. 


Onun sənəti, işi haqqında mənim danışmağıma nə ehtiyac var, nə də mənim başım üçün deyil. Amma bilirəm ki, o da, Əbdülqəni bəy də öz işlərinə insanlara can yandırdıqları kimi yanaşırlar. İndi sizcə, bu təsadüfmü? İnanmıram! Bir enerji var. Onun adını Allah da qoya bilərsiniz, Tenqri də, Yehova da, Boq da, God da. O enerji bizi bir-birimizə birləşdirir ki, ayrılanda daha qəşəng ağrıya bilək. İnsan ağrı hissini itirsə daha nə oldu ki? Gərək ağrıyanda, ruhun inciyəndə də ləzzətlisindən olsun. İndi şükür ki, mən özümə ləzzətli ağrılar qazanmışam. 

Mama, sən mənim ən gözəl ağrımsan, işığımsan. Səni də çox yüklədim, bilirəm. Arabir işığım ol, bəs edər. Doğum günün mübarək! Sən Günəşsən!



İmza:Eminquey

Deputatların heç birində koronavirus aşkarlanmadı - RƏSMİ

Koronavirus səbəbindən bəşəriyyətin yarısı karantindədir

Türkiyədəki azərbaycanlı tələbələr dövlətə aid yataqxanalardan çıxarılmayıb - Erkan Özoral

İlham Əliyev koronavirusa görə karantin üçün hotellərini ayıran iş adamlarına təşəkkür etdi

Azərbaycan Afrika İttifaqı Komissiyasına 20 min dollar yardım edib

Bakıda qadın vəhşicəsinə döyüldü: Polis araşdırmalara başladı

Cəlilabadda polisi güllələyən şəxs həbs edildi - RƏSMİ

İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB

Azərbaycanda ərin arvadını xəstəxananın həyətində amansızlıqla öldürməsinin təfərrüatı - VİDEO

Dövlət başçısı: “Yaşı 65-dən yuxarı insanlar evdə oturmalıdırlar. Vəssalam, birmənalı şəkildə!”

YAZARIN ARXİVİ

SON XƏBƏRLƏR
2020-04-04
2020-04-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

-Sonuncu dəfə deyirəm, vətəndaş, damdan düş, gir evə, səninlə burda çənə-boğaz eləməyə vaxtımız yoxdu - polis mayoru həyətdən səs gücləndirici ilə binanın başındakı kişiyə səsləndi - hamımız eyni vəziyyətdəyik, amma dözürük, sən də dözməlisən!

Kişi etiraz etdi:

-Dedim yox! Mən dözmək istəmirəm! Mən bu qədər özümü çeynətməm!
Mayor nişan alıb tapança ilə adamı çiynindən vuraraq dama sərdi...
Kişi gözünü açdı ki, xəstəxanada çarpayıdadı. Mayor da oturub çarpayının yanında.

-Nahaq vurdun məni! - mayora baxıb narazı dilləndi - kişi-kişinin arvad-uşaq yanında sınmasına razı olmasın gərək!

Mayor başını aşağı salıb gileyləndi:

-A kişi bezmişik ey əlinizdən, biriniz dama çıxırsınız, biriniz yuxu dərmanı içirsiniz, hələ o gün biri evində üstünə benzin tökmüşdü ki, "mənə söz deyən olsa, özümü yandıracam". Boğaza yığmısınız ey bizi. Bilmirik asayişi qoruyaq, ya sizinlə uğraşaq. Ə, elə bilirsən bizə asandı? Biz də kişiyik, anlayırıq sizi! Ama day intihara cəhd etmək nədi?! Allah bu koronavirusa lənət eləsin!

Kişi əlini uzadıb mayorun qolundan tutdu - bilirəm qardaş, sizin işiniz lap ağırdı, özü də indiki vəziyyətdə, amma məni də başa düş - kişini qəhər boğdu - əşşi mən arvada dedim köməyə ciddi ehtiyac yaransa, kartof qızardaram, uzağı bozbaş bişirərəm. Day əriştə kəsmək nəymiş! Bu qədər də yox də! Bax, cənab mayişor, mən deyiləm sənsən, arvad desəydi əriştə kəs, kəsərdin? Yox vallah! Dama çıxmaq nədi ey, bəlkə də sən tapança ilə məni vurduğun kimi, arvadı da vurardın!

-A kişi nə kartof qızartması, nə bozbaş, nə əriştə? Orda sənə dedim axı, hamımız eyni vəziyyətdəyik - mayor yerindən qalxdı, gətirdiyi meyvə dolu torbanı çarpayının ayaq tərəfindən götürdü, bayaqdan oturduğu kətilin üstünə qoydu, kövrəlmiş halda sözünə davam etdi - tez sağal, get evinə qardaş, ta bir də dəlilik eləmə! Görünür bu da bir sınaqdı, dözməliyik. Bax, mən dünən gecə, növbədən sonra, evdə yarpaq dolması bişirmişəm, bu günə də düşbərə sifariş ediblər...





digər lətifələr
ARXİV
FACEBOOK