Film izle hacklink kiralık bahis sitesi satılık bahis sitesi Adalet.az | DEYƏSƏN BU ÖLKƏDƏ MƏMURLAR NƏ İCTİMAİ RƏYİ VECİNƏ ALIR, NƏ DƏ MİLLƏTİ Adalet.az | DEYƏSƏN BU ÖLKƏDƏ MƏMURLAR NƏ İCTİMAİ RƏYİ VECİNƏ ALIR, NƏ DƏ MİLLƏTİ Adalet.az | Ədalət -
ANA SƏHİFƏ / YAZARLAR

DEYƏSƏN BU ÖLKƏDƏ MƏMURLAR NƏ İCTİMAİ RƏYİ VECİNƏ ALIR, NƏ DƏ MİLLƏTİ

20632    |   2007-03-09 23:49
Şriftin ölçüsü:
A+ Böyütmək
A+ Balacalaşdır

Baxıram, son zamanlar bütün qəzetlər bizim milli futbol takımımız haqqında ölkə ictimaiyyətinin rəyini dərc edirlər. Amma deyəsən ölkə ictimaiyyətinin rəyi milli takımımızın baş məşqçisinin tükünü də tərpətmir, yəni qarabağlılar demiş, filan yerinə də deyil. Məsələ nədir? Azərbaycanın milli takımında səkkiz nəfər qeyri-azərbaycanlı oynayır, hətta zəncilər.
   
   Və dünən də qəzetdə oxudum ki, bizim bu "milli" takımımız "Paxtakor"u udub. Milli takım deyəndə gözümüzün önünə "Neftçi" gəlir. Kim nə deyir-desin, "Neftçi" takımı on illər Azərbaycanın şərəfini qoruyub və bu gün də pis-yaxşı qoruyur. Mən şəxsən "Qarabağ" takımını tuturam, amma "Neftçi"nin oyunlarına həvəslə baxıram və "Neftçi"yə azarkeşlik edirəm. Səbəbi də məlum, cocuqluğumuzdan "Neftçi"yə sevgi ilə böyümüşük. Və onu da bilirəm ki, "Neftçi" həmişə "Paxtakor"u udub. Hətta An, Fyodorov, Pşeniçnikov kimi futbolçular "Paxtakor"da oyanayanda da onları udmuşuq. Qısası, bu dəqiqə çayxanalardan 13 uşaq yığaram və "Paxtakor"u udaram. Ən azı ona görə ki, biz psixoloji cəhətdən "Paxtakor"u udmalıyıq.
   
   Faciə nədi? Kimisə Azərbaycan vətəndaşlığına qəbul etmək yalnız prezidentin səlahiyyətindədi. İndi Şahin Diniyev prezidentin səlahiyyətlərini mənimsəyib, heç kim ona gözün üstə qaşın var demir ki, dostum, sənə kim səlahiyyət verib ki, səkkiz nəfər qeyri-azərbaycanlını Azərbaycanın milli takımına qəbul edəsən?!
   
   Və Azərbaycan ictimaiyyəti də qınaya-qınaya elə qınayır, ayrı bir hərəkət eləmir. Belə qərara gəldik ki, "Ədalət" qəzeti olaraq prezidentin səlahiyyətlərini mənimsədiyinə görə, Şahin Diniyevi məhkəməyə verək. Ola bilər ki, hakimlərimiz də Şahin Diniyev ağılda ola və biz uduzaq. Eybi yox, sadəcə olaraq, doğrudanmı Azərbaycanda elə bir hakim tapılacaq ki, Azərbaycan prezidentinin səlahiyyətlərini mənimsəyən şəxsin xeyirinə qərar qəbul eləsin. Əgər edərsə, deməli, o əjdahadır.
   
   Bütün qəzetçiləri də bizə dəstək olmağa çağırıram.
   
   Sonda. " Paxtakor"u udsaq da yüz faiz sizi əmin edirəm ki, seçmə oyunlarda bir setka topla qayıdacağıq. Bir dəfə qəzetimizin işçiləri məndən bir lətifə yazmışdılar (məndən çox yazırlar, mən də incimirəm, necə ki mən çoxlarından yazıram incimirlər, biri mənim çox xoşuma gəlir, hətta bunu televizyonlarda da söyləmişəm).
   
   Lətifə belədi. Oğlum Tuncay orta məktəbdə oxuyanda yazmışdılar.
   
   Tuncay atasına deyir"::
   
   - Ata, riyaziyyat müəllimi dedi ki, indən belə məsələləri atan həll eləməsin, özün həll elə. Mən də soruşdum ki, niyə?
   
   Müəllim"::
   
   - Onsuz da özün də iki ala bilirsən də!
   
   İndi dostum Şahin Diniyev, onsuz da "2" alacaqsan, heç olmazsa qoy məsələləri özümüz həll edək də. 8 yabançı ilə "2" almaqdansa elə özümüzünkülərlə "2" alaq. Niyə?! Dünya elə bilər ki, Azərbaycan azərbaycanlıların deyil.


İmza:Aqil ABBAS

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK