Film izle hacklink kiralık bahis sitesi satılık bahis sitesi Adalet.az | Aqil ABBAS: ELMAR MƏMMƏDYAROVUN GENİŞ ÜRƏYİ Adalet.az | Aqil ABBAS: ELMAR MƏMMƏDYAROVUN GENİŞ ÜRƏYİ Adalet.az | Ədalət -
ANA SƏHİFƏ / YAZARLAR

Aqil ABBAS: ELMAR MƏMMƏDYAROVUN GENİŞ ÜRƏYİ

19936    |   2018-10-18 10:00
Şriftin ölçüsü:
A+ Böyütmək
A+ Balacalaşdır

Avropa ölkələrindən tutmuş ABŞ-a qədər, Rusiya da içində olmaqla, dünyanın tanınmış və tanınmamış simaları, deputatlar, politoloqlar, sənətçilər, müğənnilər, day nə bilim hansı kərtənkələlər Dağlıq Qarabağı su yoluna döndəriblər. ABŞ-ın və Avropanın üzdə olan şirkətləri gəlib Dağlıq Qarabağda və işğal altında olan digər Azərbaycan rayonlarında məktəb tikir, ev tikir, bağça tikir, otel tikir, yol çəkir, su çəkir. İşğal altındakı rayonlarımızla qardaşlaşır, bacılaşır, sevgili olur, nə bilim day nə olur.

O gün də biz Qarabağ xanlığının yaranmasının 270 illiyini qeyd eləməsək də, Pənah xanın saldığı Xankəndinin Şaumyanın adının verilməsinin 95 illik yubileyinə yenə tökülüb gəlmişdilər. Bayram elədilər, yedilər, içdilər, dikdilər və getdilər.

Dağlıq Qarabağa və ümumiyyətlə, işğal olunmş Qarabağa Azərbaycan hökumətindən icazəsiz gələnlərin hamısı dövlət sərhədini qanunsuz keçdiklərinə görə cinayət məsuliyyəti daşıyırlar və onlar Azərbaycan Respublikası CM-nin müvafiq maddələri ilə cinayətə cəlb olunmalıdırlar.

Və bunların bir çoxu haqqında da cinayət işi qaldırılır . Və hətta Lapşini də tutub gətirib soxdular həbsxanaya.

Məsələ nədi? Bu gəlib-gedənlərin bir çoxu xarabalarına döndükdən sonra bizim Xarici İşlər Nazirliyinə bir üzrxahlıq məktubu göndərirlər, səhv elədiklərini bildirirlər və bağışlanmalarını xahiş edirlər. Təbii ki, Elmar müəllimin də ürəyi çox genişdi, elə üzrxahlıq məktubunu alan kimi onları «əfv» eləyir.

Haqlarında cinayət işi qaldırılan adamları hansı səlahiyyətlərlə Xarici İşlər Nazirliyi «əfv» eləyir. Nə vaxtdan məhkəmə-hüquq sistemi öz səlahiyyətlərini Xarici İşlər Nazirliyinə verib?

Hörmətli hüquqşünaslar, məhkəmə-hüquq sisteminin səlahiyyətlərini mənimsədiyinə görə XİN məsuliyyət daşıyır, yoxsa yox?

Nə isə.. .

Xarici İşlər Nazirliyi Əfv Komissiyası deyil, XİN dövlət sərhədini qanunsuz pozanlar haqqında əlində olan məlumatları hüquq-mühafizə orqanlarına göndərməlidi, qalanları hüquq-mühafizə orqanlarının işidi.

P.S. Çox hörmətli Elmar müəllim, bir urus müğənnisi vardı ey, gəlib Xankəndində konsert vermişdi, siz də onun adını «qara siyahıya» salmışdınız. Sonra da üzrxahlıq məktubu yazdı və onu da qeyd elədi ki, gəlib işğaldan azad olunmuş Cocuq-Mərcanlıda da konsert verməyə hazırdı. Siz də onu «əfv» elədiniz. O müğənni gəlib Cocuq-Mərcanlıda konsert verdi, bilmirsiniz?




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK