Ücretsiz php script indir film izle hd film izle ikinci el eşya alanlar shell indir hack forumu hacklink satışı Ücretsiz php script indir film izle hd film izle ikinci el eşya alanlar shell indir hack forumu hacklink satışı Adalet.az | "Dedilər ki, Qarabağ qaytarılıb" - Eminquey yazır Adalet.az | "Dedilər ki, Qarabağ qaytarılıb" - Eminquey yazır Adalet.az | Ədalət -
ANA SƏHİFƏ / YAZARLAR

"Dedilər ki, Qarabağ qaytarılıb" - Eminquey yazır

4326    |   2018-10-02 12:29
Şriftin ölçüsü:
A+ Böyütmək
A+ Balacalaşdır

İşə gəlib təzəcə kompüteri işə salmışdım. İş yoldaşlarım da mənim kimi. Qəfil zəng gəldi:

- Alo!

- Salam, Emin, Kazımdı. Necəsən?

- Sağ ol, abi, sən?

- İndi heç özüm də bilmirəm necəyəm.

- Niyə?

- Eşitməmisən ki, yeddi rayonumuzu qaytarıblar?

- Nə?

- Hə, ATV-nin xəbərlərini yayıblar. Qoşuram, qulaq as. Qız deyir ki, növbədənkənar yayıma girmişik. Bəs, nəhayət, həmin gün gəldi. Qarabağ işğal altından sülh yolu ilə azad olundu.

Səs Lalə Azərtaşın idi. Xəbəri iş yoldaşlarıma verdim. Elə həmin dəqiqə Sübhan həmin videonu mənə göstərdi. Təsəvvür edin, içimdə şübhəylə sevinc bir-birinə girib. O bunun ağzını dağıdır, bu onun burnunu. Hətta lap bir müharibə filmi də çəkmək olar bu savaşdan. Amma bircə Vahid Mustafayev çəkməsin.

Elə bu vurhavurda bir nəfər də feysbukda həmin videonu göndərdi. İçimdəki sevinc hissi qollarını yana açıb qışqırdı:

- Sındır qəfəsi, tazə gülüstan tələb eylə!

Şübhə də yaman qolu zorludur. Birini ilişdirdi sevincimin düz döş qəfəsindən, ardınca da dişini qıcıdıb dedi:

- Al bu da sənə qəfəs!

Bunlar dalaşmağında olsun, sizə kimdən deyim, kimdən danışım, bizim bu feysbuk və onun qəhrəmanlarından. Açdım əsas səhifəni. Ki, Allahdan da gizli qalmayan şeylər bizim bu feysbukda faş olunar, əgər belə bir xəbər varsa, həmin dəqiqə bu həqiqəti qəhrəmanlarımız dilə gətirər. Baxdım, aşağı-yuxarı gəzdim, qıkları çıxmadı. Hərə öz aləmində idi. Biri şeir paylaşıb, altında tərif yağışı yağırş Bir qız canlı yayım açıb, susur, baxır, baxır, oğlanlar da, bığı burma kişilər də "əccəb qəşəngsən” yazıb cavab gözləyirlər.

Bu dəfə içimdəki şübhə hissi çıxdı sevincin belinə, tutdu başını, tutdu, tutdu, sevinci boğa bilmədi. Başı qaçdı şübhənin əlindən.

Dedim, qoy hələ araşdırım ki, Lalə Azərtaş bunu hansı xəbər buraxılışında deyib. ATV-nin saytını açdım. Gəzdim, baxdım, belə bir xəbər buraxılışı gözümə dəymədi. Getdikcə sevinc taqətdən düşürdü. Son mənbə Youtube-dur! Biz bu vəziyyətdən ancaq onun köməyilə çıxa bilərik. Axı Youtube neçə-neçə manıslara, bayağı müğənnilərə ordu verib, silah verib. Ki, dağıdın bu millətin zövq qalasını. Arxanızdayam!

"Qarabağ qaytarıldı” yazdım. Həmin video elə birinci cəhddən ortaya çıxdı. Hansısa xəbər kanalı idi. Xəbərdə deyilənə görə Lalə xanım açıqlama verib. Deyib ki, bu Qarabağ haqqında çəkilən bir filmdən olan kadrdır. Yəni gördükləriniz filmdir.

Bunu oxuyub adam necə olar? Özü də təsəvvür edirsiz ki, bu yalan xəbər 2015-ci ildə bir dəfə də yayılıb. Ola bilər də, insanıq, həmin vaxt rast gəlməmişik. Amma bunu yenidən yaymaq, insanları aldatmaq, hisslərilə oynamaq necə, insafdandır?

Nə üçün mənim içimdəki şübhə ilə sevinc bir-birilə savaşmalıdır? Nə üçün içimdə olan sevinc hissi baş qaldırmalı və şübhə özünü doğruldub sevincin başını üzməlidir? İndi deyəcəksiniz ki, bu da hoqqa çıxarır, bayaqdan sevinc belə gəldi, şübhə belə getdi, sözünün mustafasını de də. İstədim ki, hisslərimlə oynayan axmaqlara, cəbhədə gərgin vəziyyət yaranan kimi "Şuşa qaytarıldı”, "Laçın qaytarıldı” başlıqları ilə xəbər yayıb oxucu qazanan saytların əclaf redaktorlarına olan qəzəbimi alışdıra-alışdıra çatdırım. Düşməni alnından vurub öldürmək olar, amma düşmən bizim qadınları, körpələri eləmi qırmışdı? Döşünü kəsməmişdimi? Gözünü çıxartmamışdımı? Dəfələrlə zorlamamışdımı?

Hə, indi adamların hisslərilə oynayan bu adamlar da düşməndirlər. Onları yazının başındaca öldürmək mükafat olar. Bu adamları aparın verin ermənilərə, bəlkə kimisə əsirlikdən azad edə bildik. Yoxsa hələ belə dezinformasiyalar bizi çox sındıracaq....






İmza:Eminquey

YAZARIN ARXİVİ

Ücretsiz php script indir film izle hd film izle ikinci el eşya alanlar shell indir hack forumu hacklink satışı
SON XƏBƏRLƏR
2018-12-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (64.29%)
Qaynana (35.71%)

ÇOX OXUNAN
GÜNÜN LƏTİFƏSİ
Tibb bacısı əlində iynə palataya daxil olur:
- Əliş dayı, oyan... xahiş edirəm oyan...
Xəstə güclə şirin yuxudan ayılıb gözünü ovxalayır:
- Nolub a bala, nə deyirdin?!
- Heç, yuxu iynəsi gətirmişəm, onu vurum, gedirəm.




digər lətifələr
ARXİV
FACEBOOK