ANA SƏHİFƏ / YAZARLAR

QİYMƏTSİZLƏŞMƏYİN

Nicat Novruzoğlu

21427    |   2018-07-25 10:16
Şriftin ölçüsü:
A+ Böyütmək
A+ Balacalaşdır

Qiymət deyən kimi tarif şurası yadıma düşür. Söysəniz də, söyməsəniz də bir həqiqəti yazmalıyam ki, mənim tarif şurasına həmişə hörmətim olub. Bu hörməti o qoyduğu qiymətlərlə qazanıb. Nə qədər acı da olsa qazımızı, işığımızı, benzinimizi qiymətə mindirib. Ona görə də hörməti haqq edib.

Mən tarf şurasını niyə sevməməliyəm ki? Axı onun qiymətləndirməsindən sonra hər qiymətsiz tutduğumuz zadımızın qiymətini, qədrini bilmişik. Qazı az fısıldatmışıq, işığı az közərtmişik. Axır vaxtlar suyu da yerə düşməyə qoymuruq. Yerdəkilər su üzünə həsrət qalıb.

Tarif özünü qiymətdən salsa da həmişə başqasına qiymət verməyi bacarıb. Bu məndə həmişə bir ümid yaradıb. İnanıram ki, nə vaxtsa tarif biz insanların da qiymətini qaldıracaq. Bizi də dəyərləndirəcək. Və bizlər bir-birimizin qiymətli olmağını anlayacağıq. Başa düşəcəyik ki, bu dünyada ən qiymətli elə özümüzük. Bax, onda başlayacağıq qazımızı, enerjimizi, suyumuzu qoruduğumuz kimi bir-birimizi də qorumağa.

Qiymət gözəl dəyərdir. Bu dəyər və yaxud qiymət nə qədər zəngin olsa bir o qədər də üzərində olduğu hər bir şeyin, zadın mühafizəsini təmin edər. Qiymətsizlər isə unudular, tapdalanar, əzilər.

Gördüyüm qiymətsiz dəyərinin düşdüyündə büzüşmüşdü. Zamanında qiyməti babat idi. Zənbillərdə gəzirdi, stolları bəzəyirdi. Birisi onu ağzına soxan anı, digəri qabığını soyan anı, o birisi dişlədiyi anı ölümsüzləşdirib maraqlı pozalarla şəbəkələrdə paylaşırdı. İndi isə o, qiymətdən düşdüyündən qalıb piştaxtanın bir küncündə. Elə bil dünənəcən üstündə cürbəcür vitamin daşıyan, səhərlər acqarına yeyilən o deyil.

Axı sən niyə bu günə düşdün? Sənin bu gününə bir yaxşı meymun lazımdı ağlaya. Bəli, bəli, meymun. Çünki onu ancaq meymun ağlaya bilər. Çünki bananı meymunsuz, meymunu da banansız təsəvvür etmək mümkünsüzdür. Bananın bütün cikin-bikin meymun bilir. Və bildiyindən də onu ondan sanballı ağlayan olmaz.

Bəli, bananın qiyməti düşüb. O boyda yol gələ-gələ gəlib çıxıb odlar diyarına, özü də kilosu 1 manat 50 qəpiyə. Demək olar ki, yarıbayarı qiyməti düşüb.

Əvvəllər kilosu 3 manata yaxın idi. Hərə bir cürə pul qazanırdı ondan. Mənim tanıdıqlarım ondan yazıb pul qazanırdılar. Necə ki, indi mən də bu yazıma görə qonorar qazanacam.

Əvvəllər hər böyründən keçən alıb torbasına atırdı onu. Atırdı ki, qoy desinlər torbasında banan da var. Banan torbalar yükü idi.

Artıq gedib bananın o forslu vaxtları. Heç kim manat yarımlıq meyvəni özünə yük eləmir. Kal-kal satılıb qurtaran banan indi alıcı həsrətindən sapsarı saralıb. Lap o işdən çıxarılan məmurlara oxşayır. (Sizləri bananla müqayisə etdiyimə görə üzr istəyirəm.) Elə bil sərəncamını gözləyir. Sərəncam həsrətiylə də saralıb solur.

İndi onun ətrafında başqaları at oynadır. Alma, armud fəğan eyləyir. Hələ qarpızı demirəm. Tamam dəyişib qiymətini. Özünü qiymətə mindirib. Yemiş də pis deyil. "Xod” gedənlər sırasındadır.

Zəmanə birdən dəyişdi. Bu zəmanənin güdazına banan getdi. Bananı hansı islahat, hansı monopolist, hansı məmur bu hala saldı, bilmirəm. Bir onu bilirəm ki, banan bir də özünə gəlsə bizə divan tutacaq. Dərimizə saman təpəcək. Cibimizə bomba qoyacaq. Gözümüzə ox olacaq.

Bax onda qiymətli bananı hamı sevəcək. Çünki biz qiymətliləri sevirik. Banan olsa belə.

Nicat Novruzoğlu




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2018-10-24
2018-10-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Qadın hirslə ərinə zəng edir:
-Hansı cəhənnəmdəsən indiyə qədər? Saat neçədir xəbərin var?
-Əzizim, o heç vaxt unutmadığın qeyri-adi üzük olan zərgərlik dükanı var idiye. O vaxt pulum olmadı, ala bilmədim sənə. Dedim ki, eybi yox, pulum olan kimi ilk işim bu üzüyü sənə almaq olacaq. Yadındadır? Qadın yumşalır və həyəcandan titrəyən səslə:
- Hə, əzizim, əlbəttə yadımdadır. Heç xatırlamaz olarammı?
- Bax o dükanın yanındakı çayxanada uşaqlarla domino oynayıram, bir azdan gələcəm.




digər lətifələr
ARXİV
FACEBOOK