ANA SƏHİFƏ / YAZARLAR

ŞƏRƏF TARİXİMİZƏ BAXIŞ

36283    |   2018-05-25 23:19
Şriftin ölçüsü:
A+ Böyütmək
A+ Balacalaşdır

"...Bugündən etibarən Azərbaycan xalqları suveren hüquqlara malikdirlər, Şərqi və Cənubi Zaqafqaziyadan ibarət olan Azərbaycan tam hüquqlu müstəqil dövlətdir. Müstəqil Azərbaycanın siyasi quruluş forması Demokratik Respublikadır"... Bunu, Azərbaycan Xalq Cümhuriyyəti Milli Şurası Azərbaycanın müstəqilliyini elan edərkən, 28 May 1918-ci ildə bəyan edib.
28 may - yüz illərlə müstəmləkə halında yaşadıqdan sonra azadlığı dadan, ancaq onun qürurunu, fəxarətini yaşamağa macal tapmayan, Şərqdə ilk müstəqil demokratik ölkə kimi tarixə düşən Azərbaycan Cümhuriyyətinin doğum tarixidir. Bəs sonra nə oldu bizə? Niyə o azadlığın dadı damağımızda qalmışkən 70 il daha boyunduruq altında yaşamağa məhkum edildik? Səbəb çoxdu, lap çox...
Bütün ömrünü xalqının azadlığına, müstəqilliyinə həsr edən, bu yolda təqiblərə, sürgünə, haqsızlıqlara məruz qalan, bütün ailəsini bu yolda qurban verən və ən əsası Şərqdə ilk Demokratik Cümhuriyyəti yaradaraq, bugünkü müstəqilliyimizin təməlini qoyan bir mücahid haqqında niyə qısqanclıqla yazılır?
Məhəmməd Əmin Rəsulzadə haqqında bilgilərimizə, onun bu xalqın gələcəyi üçün etdiklərinə rəğmən ona qarşı olan ögey münasibətin adı vicdansızlıqdı. Bəzən yerli-yersiz iqtidara yarınmalar kreslo aşiqlərini elə hala gətirir ki, hansı situasiyada nə etmək lazım olduğunu kəsdirə bilmirlər. Amma unudurlar ki, Ulu Öndər hər vaxt tarixi şəxsiyyətlərimizi hörmətlə yad edib, onların haqqında gələcək nəslə nümunə olacaq faktlar söyləyib. Məhz dövlət təmsilçiləri, məmurlar, xalqın seçdiyi nümayəndələr və ümumiyyətlə, özünü ziyalı sayan hər kəs Ümummilli liderimizin həyatını, onun fəaliyyətini dərindən öyrənməlidirlər ki, sonda nöqsana yol verməsinlər. Axı Ulu Öndər canlı ensiklopediya idi. Çox təəssüf ki, bəzən həyatda doğru yerində olmayanlar bu məktəbdən öyrənməyi unudur və sonra da xalqın, ictimaiyyətin qınağına tuş gəlirlər. Bəzən yüksək çinli məmurların M.Ə.Rəsulzadəyə olan soyuq münasibətinin, hətta nifrətinin səbəbini tam anlamıram.
Başqaları Şərqdə ilk demokratik respublika olmaq kimi qüruru yaşamaq həsrətində olduğu halda biz keçmişimizdə olan belə dəyərləri görməzdən gəlmək, kölgələmək, keçmişə ləkə yaxmaq, onu yox saymaq kimi naqisliyi yaşayırıq. Məhəmməd Əmin Rəsulzadə də, Heydər Əliyev də Allahın xalqımıza bəxş etdiyi böyük bir lütfdü. Bu aydınlarımızı, dünyanın tanıdığı və qəbul etdiyi, həmçinin xalqımızın yaddaşında əbədi yaşayan şəxsiyyətlərimizi Allah millətimizə dövlətçiliyimizin banisi, xilaskarı, yaşadanı və həm də böyük dünyaya çıxaran nümayəndələr olaraq verib və bunları heç bir qadağa ilə nə unutdurmaq, nə də hansısa bir qanunla xalqın yaddaşına yazmaq mümkün deyil. Çünki, keçmişimizin dayağı nə qədər möhkəm olarsa, gələcəyimiz də o qədər aydın olar. Keçmişini unudan gələcəyini itirər. Tarixini unudan onu bir daha yaşamağa məcburdur, məhkumdur.
Biz isə artıq bu keçmişi məhz həmin şərəfli simalarla birlikdə şərəflə keçmişik.
İranın ən görkəmli dövlət xadimi, diplomatı və alimi sayılan Seyid Həsən Tağızadə "Sühən" jurnalında yazırdı: "Rəsulzadə, bütün ömrüm boyunca, Şərq dünyasında tayına rastlaşmadığım, mübaliğəsiz söyləyə biləcəyim fövqəladə nadir insanlardan biri idi. Məhəmməd Əmin bəy tərbiyəli, qüvvətli və sağlam məntiq sahibi, təmiz qəlbi, doğru sözlü, mətanətli, tam mənasıyla dürüst, fikir və yoluna dərin bir iman bəsləyən fədakar, mücahid və örnək bir insandı. Belələrinə zəmanəmizdə və hələ bizim tərəflərdə rast gəlmək mümkün deyildir".
Məhəmməd Əmin Rəsulzadə Axund Hacı Molla Ələkbər oğlu Rəsulzadə 31 yanvar 1884-cü ildə Bakıda (Novxanı) doğulub, - 6 mart 1955-ci ildə Türkiyədə (Ankara) dünyasını dəyişib. Azərbaycanın dövlət və ictimai xadimi, siyasətçisi və publisisti, Azərbaycan Xalq Cümhuriyyətinin (1918-1920) banilərindən və Azərbaycan siyasi mühacirətinin liderlərindən biri. Azərbaycan tarixinin ən görkəmli və böyük şəxsiyyətlərindən olub, Azərbaycan milli istiqlal hərəkatına başçılıq etmişdir. Onun "Bir kərə yüksələn bayraq, bir daha enməz!"ifadəsi XX əsrdə Azərbaycanda müstəqillik hərəkatının şüarı olmuşdur. Təbii ki, o böyüklükdə işləri Məhəmməd Əmin Rəsulzadə təkbaşına edə bilməzdi. Müvəqqəti hökumətin tərkibində olanları bir daha yad etməyi özümə borc bilirəm:
Həsən bəy Ağayev, Mustafa Mahmudov, Fətəli Xan Xoyski, Xəlil bəy Xasməmmədov, Nəsib bəy Yusifbəyli, Mir Hidayət Seyidov, Nəriman bəy Nərimanov, Heybətqulu Məmmədbəyov, Mehdi bəy Hacınski, Əliəsgərov, Aslan bəy Qardaşov, Sultan Məcid Qənizadə, Əkbər ağa Şeyxülislamov, Mehdi bəy Hacıbababəyov, Məmməd Yusif Cəfərov, Xudadat bəy Məlik-Aslanov, Rəhim bəy Vəkilov, Həmid bəy Şahtaxtinski, Firudin bəy Köçərli, Camo bəy Hacınski, Şəfı bəy Rüstəmbəyli, Xosrov Paşa bəy Sultanov, Cəfər Axundov, Məhəmməd Məhərrəmov, Cavad Məlik-Yeqanov və Hacı Molla Axundzadə...
Müdriklər yaxşı deyib: Dünənini unudan, bu gününü əks etdirməyən sabahını düşünməyənlərdi. Dünənimiz təməlimiz idi, bu gün biz o təməlin üzərində daş qoyuruq, sabah isə dünənin və bugünün təməli üzərində qurulacaq. Çox təəssüf, bugünkü gerçəyə söykənib deyə bilərəm ki, çoxlarının təməlsiz ev tikmək istədiyi bəllidi ki, o da bildiyiniz kimi, uçulmağa məhkumdur. İnsan əslini, keçmişini inkar edırsə, onun vətənpərvərliyinə də şübhə etmək lazımdı. Vətənpərvərliyi olmayanlarsa xalqını, dövlətini, millətini, qanununu, adət-ənənəsini, dəyərlərini... sevə bilməz.



YAZARIN ARXİVİ

2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-10-19
2018-10-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Kişi iri supermarketdə alıcı qadınlardan birinə yaxınlaşır:
- Bağışlayın,mən buralarda həyat yoldaşımı itirmişəm. Sizin köməyiniz lazımdı, mənə beş dəqiqə vaxt ayıra bilməzsiniz?
- Necə?!
- Bilirsiniz ,gəlin bir az söhbət eləyək ,sınamışam ,mən nə vaxt qəşəng qadınla söhbət eləmişəm ,mənim yoldaşım tez tapılıb. Qəfil hardansa üzə çıxıb ,başıalovlu kimi bizə yaxınlaşıb...




digər lətifələr
ARXİV
FACEBOOK