Adalet.az | Əbülfət MƏDƏTOĞLU: MARTLA ÇIXMAYAN DƏRD Adalet.az | Əbülfət MƏDƏTOĞLU: MARTLA ÇIXMAYAN DƏRD Adalet.az | Ədalət -
ANA SƏHİFƏ / YAZARLAR

Əbülfət MƏDƏTOĞLU: MARTLA ÇIXMAYAN DƏRD

Baharın ilk ayı

9723    |   2018-03-09 17:32
Şriftin ölçüsü:
A+ Böyütmək
A+ Balacalaşdır

Səhv etmirəmsə böyük Səməd Vurğunun fikridi. Xalq şairi söyləyir ki, "deyilən söz yadigardı". Bax, bu mənada mən tam əminəm ki, köklü, məna yüklü və bir də zamanında deyilən söz mütləq yaşayır və yaşayacaqdı. Ona görə də sözün nazını çəkmək, sözün yükünün altına çiyin vermək ağrısından qorxmaq lazım deyil. Bu qorxunu içimizdə doğulmamış öldürə bilsək qatil olmayacağıq. Əksinə, sözü yaşadacağıq, sözə ömür verəcəyik. Necə ki, atalar sözünə, müdriklər kəlamına ömür veririk, nəfəs veririk...

Dədələr söyləyib ki, "mart çıxdı, dərd çıxdı". Bunu o dədələr deyib ki, əkin-biçinlə, torpaqla nəfəs alıblar, evlərini, ailələrini, ətraflarını torpaqla yaşadıb, torpaqla bəhrələndiriblər. Və fəslin dəyişməsi anlamında yazın ilk soraqçısı olan, baharın gəlişini xəbər verən Novruza söykənib deyiblər ki, hə, deməli, əgər qışın kürəyini yerə vurduqsa, onda dərddən də qurtulduq. Təbii ki, bu, bir az məcazi mənada deyilmiş sözdü. Lakin onun qatlarında dərddən qurtulmaq var - xüsusilə kasıb zümrənin, kasıb təbəqənin. Axı, yaz gələndə özüylə çöl-çəmənə təkcə yaşıllıq yox, həm də kasıbların daha çox istifadə etdiyi müxtəlif bitkilər də gətirir. Yəni cincilim, quşəppəyi, gicitkən, əməköməci, dağkeşnişi, lala, əvəlik və digər göyərtilər də kasıbın süfrəsinə ayaq açır. Necə deyərlər, beləcə, qışın əritdiyi tədarük olunmuş ruzinin yerini yavaş-yavaş təbiətin kasıbın süfrəsinə göndərdiyi bu cür göyrətilər tutur. Və bununla da ərzaq fikrini başından atan kasıb bu fikirlə birlikdə dərdini də bir az uzaqlara yola salır. Deməli, bu məqam üçün söylənilmiş həmin o "mart çıxdı, dərd çıxdı" deyimi hardasa yerinə düşür. Və...
Hə, indi də mart ayıdı. Belə baxanda adam qışdan çıxdığını o qədər də hiss etmir. Çünki boz ayın gündə yeddi dəfə dəyişən sifəti hərdənbir sazaq, ayaz dalğasını keçirir üstümüzdən. Və sanki bununla qışın arxada qaldığını və yaxud da nə vaxtsa bizi öz ağuşuna aldığını pıçıldamaq istəyir. Amma düzünü deyim ki, bu pıçıltı o qədər də eşidilmir. Üstəlik, bu pıçıltının eşidilməsindən qara camaat, o cümlədən mən müəyyən mənada razı qalıram. Axı, qışın belə tələm-tələsik keçməsi bizim bir çox qayğılarımızı elə tələm-tələsik də yola verdi. İstilik, od-ocaq, şaxtalı, qarlı yollarda qalmaq, sürüşən avtomobillərdə yol getmək və s. problemlərdən bir göz qırpımında qurtula bildik. Bax, bu da martla birlikdə dərdin çıxmasının daha bir göstəricisidir. Deməli, atalar, babalar sözü elə-belə havaya deməyiblərmiş. Onlar dediklərinin çin olacağına həmişə inandıqları kimi, bu deyimdə də güvəniblərmiş. Necə ki, mən martla çıxmayan sevgi dərdinə güvənirəm! Elə bu güvənclə də yazıram ki:

Bir şirin xəyalın işığı altda
Çəkilib durmuşam otaq küncündə...
Bir sənsən üzümə gülüb həyatda -
Adımı göyərdən dodaq küncündə...

Özümə təsəli bilib bunları
Ürəyin əlindən tutub dururam...
Səni ağrılardan qorumaq üçün -
Canımdan çevrəndə qala qururam...

Bu da bir xoşbəxtlik, bu da bir yazı
Çevrəndə qalayam, yaxınam sənə...
Məcnundan bəxtliyəm bu yerdə azı -
Gözlərim tutunca baxıram sənə!..

***
İndi düşünəcəksiniz ki, biz kasıbçılığımızı birtəhər başa vurduğumuz, günü axşam etdiyimiz bir məqamda bu "mart" söhbəti hardan çıxdı? Axı, yerin də qulağı var. Bir də gördün ki, qış qayıtdı üzü geri. Təbii ki, belə hadisələr də olub... Çiçəkləri şaxta vurur, meyvənin qiyməti qalxır göyün yeddi qatına. Necə deyərlər, kasıbın bağı-bağatı barsız-bəhərsiz qalıb... Ona görə də bu məsələnin üstünə çox getmədən demək istəyirəm ki, Tanrının bəndələrə rəhm etməsi, onların ağrı-acısını azaltması ən gözəl mükafatdı. O mükafatın qarşılığı da elə Tanrının özünə sevgini, sayğını artırmaqdan keçir... Mən bir Allah bəndəsi kimi öz şükranlığımı heç vaxt gizlətməmişəm və hər dəfə də halımı soruşanlara cavabım belə olub ki, şükür bu günümüzə, Allah betərindən saxlasın!

Düşünə bilərsiniz ki, bu duada zamana bir itaət var. Yəni baş verənlərin hamısı mənim üçün eyni biçimdə, eyni mənada görünür və qəbul olunur. Necə deyərlər, bir manqrut yanaşması!.. Amma heç də belə deyil! Sadəcə olaraq mən sorğuya verdiyim cavabla kimsənin qəlbinə toxunmadan öz bildiyimi, öz yükümü çəkirəm. O yükün ölçüsü də, çəkisi də, lap elə mahiyyəti də Allaha, bir də özümə bəllidi. Təbii ki, bir də sənə. Bax, bu üçlüyün arasında olanları, baş verənləri ictimailəşdirmək, şaxələndirmək guya nəyi dəyişəcək ki? Onsuz da dəyirman öz işindədi, çax-çax da öz işində. Deməli, könül pıçıltılarının bütün çalarlarını öz rəngarəngliyiylə içində daşıyıb, içində də böyütmək və sonra da onun barını, bəhərini ömrünün nişanələri, tingləri kimi öz əhatəndə əkmək mənim həyat kredomdu. Və mən də bu kredonu dəyişmək niyyətində deyiləm!..

Bəli, bu günün özündə hər mənanı görmək, danmaq bir balaca diqqət istəyir. O diqqəti öz içində yaratmısansa, böyütmüsənsə, o səni mütləq gərəkli yerdə, gərəkli zamanda öz təsiri altına salacaq. Və yaxud da istiqamətləndirəcək. Baxacaqsan, görəcəksən ... və düşündüklərini gördüklərinə ya paralelliyini, ya ziddiyyətini ortaya çıxarıb sonuncu fikrə yetişə biləcəksən. Bu sonuncu fikir sonuncu dayanacaq deyil. Sadəcə, içində olduğun günün sonudu. Ona görə də bütün sonluqların uyğun olmasını diləyən bir insan kimi mən hər günün sonunda yaşadıqlarımın çəkisi altında büdrəmədiyimə sevinirəm, sürünmədiyimə görə Allahıma və Sənə öz dualarımı ünvanlayıram. Və bunun içərisində də doğulan misraların ovqatı da elə öz ovqatımın ifadəsi olur. Yəni yazdıqlarım yaşadıqlarımın misralanmış nümunəsinə çevrilir. Mən yazıram ki:

Məni ovut, ay gülüm,
Ovut, bir baxışınla...
Ruhumu isladacaq -
Təbəssüm yağışınla...

Ovut ki mən unudum
Varlığımı bir anlıq...
O bir anda devrilsin -
Həsrət adlı tiranlıq!

Ovut, əlim sevinsin
Əllərinin içində...
Baxışlarım dincəlsin -
Tellərinin içində!

Ovut, yanaqlarımdan
Duz axını periksin...
Gözlərimin dibində -
Ümid izi görünsün!..

***
Doğrudan da bu dünyanın qara daşının göyərməsi indi daha möcüzə sayılmır. Ona görə ki, daşların da başına oyunlar gəlir, oyunlar açılır. Təbii ki, bu zarafat deyil, bu, bir gerçəkdi. Axı elmi-texniki tərəqqi zamanını yaşayırıq. Kimya evimizin içinə gəlib girib. Bəzən informasiyalarda, hətta ekran və efirlərdə sintetik düyülərdən tutmuş yumurtalara qədər hər şeydən danışılır. Hələ o gün süni hazırlanan ətdən də söhbət etdilər. Əgər bütün bunlar edilirsə, bu dünyanın qara daşı niyə göyərməsin ki?!

Böyük şairlərin ruhu məni bağışlasın. Adam hərdən bu dünyanın niyə dağılmadığına mat qalır. Çünki Məmməd Araz demişkən, başının altına partlayıcı qoyulan dünya bütün bu partlayışlara sinə gərməklə dözüm nümayiş etdirsə də, ancaq öz ilkinliyini qoruyub saxlaya bilmir. Hər gün kökdən uzaqlaşma, hər gün ilkinlikdən ayrı düşmə halları açıq-aşkar özünü göstərir. Və biz də kəşflərə, ixtiralar, eksperimentlərə sadəcə boyun əyirik. Çünki özümüz də həmin eksperimentlərin ünvanıyıq. Elə bir ünvan ki, hətta üzərimizdə viruslar da sınaqdan keçirir. Bəzən hansısa bir peyvənd vasitəsilə yoluxdurulan virus sonra da başqa bir peyvənd vasitəsilə guya müalicə olunur. Əslində isə hər iki halda biz kimlərinsə kəşfinin "obyekti" oluruq sağlamlığımızı düşünmək imkanlarımızı itirə-itirə...

Bəli, insan Allahın yaratdığı ən kamil məxluq sayılır. Amma həyat göstərir ki, bu ən kamil məxluq həm də Yer üzünün ən qəddar, ən amansız cəlladıdı. Çünki o, özü yaratdığını özü də məhv edir. Özü öz kəşfləriylə özünə qənim kəsilir. Deməli, inkişafın sürəti dağıtmaq, viran qoymaq, cəhənnəmə çevirmək məqamlarını yaxınlaşdırır. Bax, bütün bunların içərisində təbii ki, işıqlı nöqtələrin olduğu danılmazdı. Sadəcə, bu işıqlı nöqtələri, işıqlı məqamları görmək onun işığından yararlanmaq hər kəsin borcu olarsa, daha doğrusu, hər kəs onu öz borcu kimi qəbul edərsə, onda bu dağılan dünyanın ömrü bir az uzanar. Və mən də, siz də, bütövlükdə bəşəriyyət də ağrı-acının yükü altında həmin o işığın istiqamətinə yön çevirərik. Gedərik işığa tərəf bacardığımız qədər, gücümüz yetənə kimi.

Əks halda, işıqdan qaçmaq, işığı görməmək qaranlığın qatlarını da artıracaq, təsir gücünü də. Onda mənim söylədiyim poetik fikirlər də heç nəyə yaramayacaq. Çünki...

Mən çırpıb tökürəm fikir yükümü
Kağız üzərinə, qələm üstünə...
Hər gün də gedirəm gözüyumulu -
Fərqinə varmadan ələm üstünə...

Qapını üzümə bağlayıb mənim
Ürəyim kökündən laxlayıb mənim...
Əlimi havada saxlayıb mənim -
Daş qoyur o mənim şələm üstünə...

İçimdə qarıyıb vüsala xiffət
Azalır, sozalır tükənir ülfət...
Nə də adam kimi ölmür Əbülfət -
Yığışıb dost kimi gələm üstünə...

Bütün yazı boyu mən içimdə əvvəldə söylədiyim mart məsələsini ütülü saxladım. Qoymadım ki, kefinə soğan doğransın, halı pozulsun. Ona görə ki, həmin o deyimlə müəyyən dərdlərin çıxdığına şübhə etmədiyimi birbaşa etirafda bulundum. Yəni söylədim ki, martın indiki ovqatı biz zümrənin hələki ürəyincədi. İnşallah, bu cür davam edərsə, yaz çiçəklərinin ətrini də duya biləcəyik. Özü də zamanından bir az tez... Ancaq bu yazının sonunda elə bir nöqtəyə toxunmaq istəyirəm ki, o nöqtəyə görə, məndən inciməyəcəksiniz. Axı, mart bütün dərdləri çıxarsa da, sevgi dərdini candan çıxarmır. Əksinə, onu bir az da alovlandırır. Necə deyərlər, qan qaynayır axı! Elə bu qaynayan qanın atəşli bir pıçıltısı da turşməzə bir şeirə çevrilir.

Dilimə bir dua dəlib
Qoy deyim dilim dincəlsin...
Bayram günlərim çoxlasın -
İş-gücdən ilim dincəlsin...

Qamçı vurub qəm atına
Qoyma hopsun qəm adına...
Bəm üz tutub bəm qatına -
Zildən en, zilim dincəlsin...

Necə tutum üz oymağa?!
Üz gərəkdi üz, soymağa!
Ayağına üz qoymağa -
Kimim var, kimim dincəlsin?!

Hə, bu da belə. Mart işin-gücün təbii ki, oymaqlarda, bölgələrdə çoxalmasından xəbər verən yazın ilk ayıdı. Bu ilk ayda iş-gücünüz ruzi-bərəkət naminə bol olsun!




İmza:

YAZARIN ARXİVİ

2018-07-31 : HAVALI YAZI
2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : HAVA
2016-08-12 : MƏKTUB…
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-08-18
2018-08-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu, babam deyir ki, sən onun beynini də yemisən.




digər lətifələr
ARXİV
FACEBOOK