ANA SƏHİFƏ / YAZARLAR

Faiq QİSMƏTOĞLU: Ürək gülmürsə...

8354    |   2018-02-27 15:35
Şriftin ölçüsü:
A+ Böyütmək
A+ Balacalaşdır

… Çərşənbələr yazın gəlişini xəbər verən qaranquşlara bənzəyir. Və bu çərşənbələr gələndə insanın ürəyindəki, qəlbindəki arzular da çiçəkləyir, pöhrələyir, yaşıllaşır. Çünki payız və qış aylarında insanlar çox əziyyət çəkirlər. Ən çox da qış mövsümündə belə əziyyətlə üzləşən, kənd təsərrüfatı işləri ilə məşğul olan insanlar olurlar. Elə ki möhkəm qar yağır, elə ki bərk şaxtalar düşür, bax, onda mal-qoyun saxlayan adamların qara günləri başlayır. Qış üçün yığıb topladığı otu, yemi çox qənaətlə istifadə eləyir ki, mal-qoyunu yaza çıxara bilsin…

Şükürlər olsun ki, bu qış heç də elə sərt keçməyib. Böyük çilə də, kiçik çilə də başa çatıb. Adətən kiçik çilə özünü həmişə göstərib, yerə-göyə sığmayıb, bir fısqırıq çıxarıb ki, gəl görəsən! Yəni son günündə ya qar yağdırıb, ya tufan eləyib, ya da çox soyuq keçib. Bu dəfə ha hıqqındı, ha gərnəşdi, ha özünü ora-bura vurdu, çırpdı bir şey çıxmadı ki, çıxmadı! Və bir şey çıxmaya-çıxmaya da çıxıb getdi.

… İndi artıq boz aydı. Boz ay da 40 gün davam eləyir. Və bu 40 gündə bir gün qış havası olur, bir gün payız havası, bir gün yaz havası, bir gün də yay havası. Hətta bir gündə hava dörd-beş dəfə dəyişir. Yəni biz bir gündə dörd-beş dəfə müxtəlif havanın şahidi oluruq. Bir də görürsən ki, qışda olmayan soyuq, qar mart ayında oldu. Və martda da elə bir soyuq keçdi ki, açılan çiçəkləri, gülləri şaxta vurdu! Ona görə də ataların gözəl bir məsəli var: «Mart çıxdı, dərd çıxdı». Yəni martın çıxmağıyla bütün ağrı-acı, dərd, kədər insanlardan uzaq olur...

… Dünən ilk çərşənbə – su çərşəndəsi oldu. Və şükürlər olsun ki, biz ilk çərşənbənin sevincini yaşaya bildik... Və şükürlər olsun ki, biz ilk tonqalı qalamağı bacardıq… Və şükürlər olsun ki, biz ilk çərşənbəni belə ab-havayla qarşıladıq…

Məni bir məsələ xüsusilə narahat edir ki, əksər insanların üzündə, gözündə bu ilk çərşənbənin sevincini, fərəhini görə bilmədim. Hər səhər işə metoryla gəlirəm. Su çərşənbəsi günü metro qatarındakı insanların bir daha çöhrəsinə baxdım. Düzdür, bəzi çöhrələrdə sevinc vardı. Amma əksər sifətlərdə, çöhrələrdə bu sevinci hiss duya bilmədim…

Hətta təsadüfən yaxın bir dostumla qatarda bir yerdə əyləşmişdik. Ovqatının qara olduğunu görüb «su çərşənbən mübarək olsun!» dedim. Gördüm ki, birdən-birə o düşüncədən ayrıldı və qayğılı-qayğılı mənə baxıb dilləndi:

- Çox sağ ol, sənin də çərşənbən mübarək olsun! İndi xəstəxanaya gedirəm, oğlum da, yoldaşım da xəstəxanada yatır. İnan, heç bilmirəm ki, bu gün hansı gündür. Heç evimizdə də bayramı yada salan bir şey yoxdur. Amma neyləmək olar, buna da şükür! Təki ailəm, oğlum tezliklə sağalsın, evimə dönsün, biz də sevinək. Bəzən qayğılar o qədərdir ki, bayram belə adamın yadına düşmür. Bir də vallah, adamın süfrəsində hər şey olanda, cibində pul olanda, elə hər gün bayramdır…

… Biz uşaq olanda su çərşənbəsi günü səhər saat 5-də atam rəhmətlik bizi yuxudan qaldırardı. Üç qardaş, iki bacı ayağa qalxardıq, geyinərdik, rəhmətlik anam və atamla qapımızdakı quyunun yanına gedərdik. Vedrəylə suyu quyudan çəkib əl-üzümüzü yuyardıq. Düzdü, üzümüzü yuyanda quyu suyu bizi üşüdərdi. Ancaq hər bayram bizi elə öyrəşdirmişdilər ki, lap qar yağsa da, yuxudan qalxıb su çərşənbəsi günü qapımızdakı quyunun yanına gedər və vedrəylə suyu çəkib kənara qoyaraq o suyla üzümüzü möhkəm-möhkəm yuyardıq...

… Həmin illərdən 43 ildən çox vaxt ötür. Amma Bakıda biz su çərşənbəsini kənddəki kimi qeyd eləyə bilmirik. Çox nahaq yerə! Amma dünən yuxudan durdum, yoldaşımı da səhər saatlarında oyatdım. Krantı açıb əl-üzümüzü möhkəm-möhkəm yuduq, sonra da Allaha dualar elədik. Sevdiyim insanlara və doğmalarıma bu çərşənbə can sağlığı arzuladım. Və bir az da Allah-Təaladan ruzi dilədim. Çünki ruzisiz ev suyu sovrulmuş dəyirmana bənzəyir. Səhər-səhər xəstəxanadakı oğluma da dəydim. O da dedi ki, ata, məni bu gün çıxart, tay burda qalmaq istəmirəm. Nə deyirsən sözündən çıxmayacam. Ürəyim də həddindən artıq yumuşaldı. Həkimdən xahiş elədim ki, axşam gəlib onu evimizə aparacam. Həkim gördüm ki, razı deyil. Ancaq ilk çərşənbə olduğunu yadına salanda o da kövrəldi. Dedi ki, axşam saat 5-də gəl oğlunu götür…

…Və axşam saat 5-də oğlumu xəstəxanadan çıxardım. Axşam tonqalı ətrafına yığışdıq, tonqal ətrafında o qədər adam vardı ki, iynə atsan yerə düşməzdi. Sevinən, bir-birinə gözaydınlığı verən, su çərşənbəsinin sevincini yaşayan çoxlu qonum-qonşular… bizim həyətdə hər çərşənbə axşamı tonqal qalanır. Bunu da məhləmizin uşaqları eləyirlər. Səhər-səhər də işə gedəndə o uşaqları görüb sevindim. Dedilər ki, Faiq əmi, çoxlu odun yığmışıq tonqalımız olacaq. Özün də gəl, Emini də gətir! Və beləcə, su çərşənbəsinin ilk gününün tonqalını qaladıq. Onun istisinə, hərarətinə toplaşdıq…

… Qoy bu ilk tonqalın hərarəti, istisi bu millətə, bu xalqa sevinc gətirsin. İnsanların üzləri güldüyü kimi, ürəkləri də sevinsin, fərəhlənsin. Hər evdə, hər eşikdə, hər yurdda ocaqlar qalansın, süfrələr naz-nemətlə, ləziz yeməklərlə bəzənsin. Heç bir evin, heç bir yurdun süfrəsi boş qalmasın. Allah-Təaladan bu çərşənbə günü millətimə, xalqıma elədiyim dualar bax, beləcə bitir. Və gün o gün olsun ki, bu dualarımız, bu istəklərimiz, bu sevgilərimiz çin olsun!




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-07-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (33.33%)
İşdə (66.67%)

ÇOX OXUNAN
GÜNÜN LƏTİFƏSİ
Qubadlıda Qaçay müəllim və Azad müəllim birinci katibə Qaz İdarəsinin müdiri rəhmətlik Tahir Verdiyevdən şikayət edirlər ki, əşi, bir ədəbiyyat müəllimini gətirib Qaz idarəsinə müdir qoymusunuz, bəs bizdən yuxarıda yaşayan Mirzəxanın evinə qazı yaxşı verir, bizə isə çox zəif gəlir.
Katib Tahir müəllimi çağırır, soruşur ki, bu nə məsələdi? Tahir müəllim:
- Yoldaş katib, qaz yüngül olduğuna görə həmişə yuxarı qalxır. Mirzəxanın evi yuxarıda olduğuna görə ona qaz çox gedir, aşağıda yaşayanlara az gedir. Amma,vallah, gecələr Qaçay müəllimlə Azad müəllimin evinə gələn şeylərin heç yüzdə biri yazıq Mirzəxanın evinə gəlmir.




digər lətifələr
ARXİV
FACEBOOK