ANA SƏHİFƏ / YAZARLAR

AYDIN SABAH ÜÇÜN ŞƏHİDLİK

11319    |   2017-10-21 09:15
Şriftin ölçüsü:
A+ Böyütmək
A+ Balacalaşdır

Şəhidim, yurdsevər ərənim, bir an düşünmədən canını Vətən, torpaq yolunda fəda edən cəngavərim, qoçağım, nərim, igidim... qarı düşməndən öc almağa can atan təpərlim, Qeyrətlim, Təəssübkeşim, Vətənin Ən layiqli oğlu... Cənnət sakini...
Şəhid atası redaksiyamıza gəlmişdi. Oğlu haqqında kitab yazılır. Bəzi suallara cavab verməli, şəkilaltı sözlərin yazılmasına yardım etməliydi. Amma içəri girəndən özünü güclə təmkinli tutmağa çalışsa da, buna nail ola bilmirdi. Çənəsinin, əllərinin əsməsi, gözlərinin yaşarması içində çağlayan əzab, ağrı təlatümünün, nisgil, qübar selinin hər an çağlamağa hazır olduğunu göstərirdi. Redaksiyadakı kövrək auradan təsirləndiyindən verilən sualları anlayacaq durumda da deyildi. Sakit təbiətə malik olduğu hər halından bəlli olan atanın ağır bir yükü - oğul dağını zorla daşıdığı hamımıza bəlli idi. O böyük dərdin qarşısında otaqdakı hər kəs susmuşdu, heç kim təskinlik üçün söz tapmırdı. Əslində deyiləcək, onu ovuda biləcək bir söz də yoxdu lüğətimizdə... Əli sevimli balasından üzülən, böyük ümidlərlə sabahını düşündüyü övladının keçmişi haqda xatirələr danışmaq məcburiyyətində qalan ataya hansı söz təskinlik verə bilərdi ki... Sülh dövründə atalar oğulların, müharibə dövründə oğullar ataların çiynində o dünyaya gedir, deyirlər və məncə, bir ata üçün dünyada bundan ağır dərd ola bilməz. "Vətən sağ olsun, Vətən üçün böyütdük" və sair, desələr də, dərd içdən qurd kimi yeyir ürəklərini.
Masanın üstündə qalaqlanmış şəkillərə baxaraq susub qalır Əmirsoltan kişi. Dili kilidlənib sanki. Kitabda qəhrəmanın hansı şəkli nə zaman çəkdirdiyi, yanındakıların kimlər olması haqda məlumat almalıydıq ki, şəkilaltı sözləri yazaq. Amma o sanki, oturduğu stulda "Şəhid atası" heykəlini yaratmışdı. Nəhayət, belini qıran bala dağından bir cüt çeşmə açıldı:

Bala dağı
Gözəldir lala dağı
Hər yara sağalsa da,
Sağalmaz bala dağı...

Bu ağır yükdən çiyinləri əyilən şəhid atası xanımının daha betər olduğunu - nadir bir xəstəliyə tutulduğunu sakit, hüzünlü şəkildə söylədi bizə, ümidsiz, böyütdüyü ağacdan meyvə dərmək arzusunda olan, lakin əliboş, peşiman dönən bağban sayağı... danışırdı.
Atanın qəlbinin göynərtisini, sızıltısını hər birimiz içimizdə hiss edirdik - nəfəsimiz daralır, içimiz sızlayır, atanın üzünə baxmaq gücümüz qalmırdı. Susan insandan qorx, deyirlər. Hər an partlamağa hazır olan bomba kimi olurlar. O qədər söyləyəcəkləri olur ki, belə adamların, içindəkiləri çatdırıb boşalda bilməyəcəklərini, yaxud dinləyicinin buna səbri çatmayacağını düşünərək susurlar. Şəhid atası da o haldaydı... sanki ətrafdakılara:

Yara sızlar
Qan verər yara, sızlar
Sızlayaram yaradan
Nə bilər yarasızlar...

- deyirdi.
Uşaq yaşlarından başlamış, şəhid olduğu günlərə qədər müddətdə çəkilmiş şəkillərinə baxırıq şəhidin. Kiçik dostları arasında, məktəb illərində, toy şənliklərində, qohum-əqraba ilə, idmanla məşğul olduğu anlarda və əsgərlik-müharibə illərində çəkilən şəkillər şəxsən tanımadığım, əslində indi hamının tanıdığı bu Vətən oğlunun qısa həyat yolunun anonsu oldu mənim üçün.
Pəhləvan nəslindən genlə gələn cüssəli bədəni, qartal baxışları, məğrur çöhrəsi şəhid gizir Aydin Abdullayevin düşmən gözünə ox olduğunu açıq-aydın göstərir. Cəbhənin Tərtər rayonu istiqamətində düşmənin atəşkəs rejimini pozması nəticəsində şəhid olmuş gizir A.Abdullayevin şəhidliyinin 4 ili oktyabrın 25-də olacaq. Bu dörd ildə qırx il qocalıb ata-anası...
Belə oğul itirən ata-anaya da, canından çox sevdiyi Vətənə də "Başın sağ olsun!", deməkdən başqa söz tapmıram və ümid edirəm ki, Aydın da daxil olmaqla bütün şəhidlərimizin qisası alınacaq, torpaqlarımız azad ediləcək və bu gün oğul itkisindən beli bükülən şəhid valideynləri o azadlıqda övladlarının payı olduğun üçün qürür duyacaqlar və o qələbə bugün ürəklərini yandırıb-yaxan bala yanğısının üzərinə su səpəcək, sərinlik gətirəcək...
Şəhidlər onsuz da Allahın rəhmətindədirlər. Bütün şəhid valideynlərinə səbir diləyirəm!



YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-04-19
2018-04-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (41.67%)
"Real" Madrid (58.33%)

ÇOX OXUNAN
GÜNÜN LƏTİFƏSİ

Qarabağın məşhur bəstəkarlarından biri Xosrov Fərəcov Musiqi Texnikumunun direktoru idi. Çox zəhmli adamıydı, hətta Texnikumda az qala hərbi nizam-intizam yaratmışdı. Bir məsələ də vardı ki, Ağdamın bütün ünlü xanəndələri və ifaçıları bu Texnikumda müəllim işləyirdilər. Və təbii ki, tez-tez də toylara çağırılırdılar, nəticədə dərsi buraxmalı olurdular. Ona görə də Xosrov müəllim toya gedən müəllimlərə haqq qoymuşdu: 25 manat.

Bir gün Ağdamdan çıxan böyük sənətkarların demək olar ki hamısının muğam müəllimi olan məşhur tarzən Məşədi Nəriman hardasa möhkəm yeyib-içib gəlir məktəbə. Tez qaçıb Xosrov müəllimə satırlar ki, məşədi Nəriman içib gəlib, həyətdə də hamıyla məzələnir. Xosrov müəllim üçün görünməmiş hadisə, dərhal düşür həyətə. Görür, həə, Nəriman müəllim babatdı.

Əsəbi halda deyir:

- Nəriman müəllim, bu nədi?

Nəriman müəllim təbii ki, ayılır, bir diqqətlə Xosrov müəllimi süzür, sonra cibindən bir 25-lik çıxarıb basır Xosrov müəllimin döş cibinə və deyir:

- Xosrov müəllim, mən ölüm, məni bu gün toyda bil.





digər lətifələr
ARXİV
FACEBOOK