ANA SƏHİFƏ / YAZARLAR

Aqil ABBAS:"OLİMPİYA" "QARABAĞ" ÜÇÜN ÇƏTİN OLA BİLƏR, AMMA…

11063    |   2017-09-12 09:50
Şriftin ölçüsü:
A+ Böyütmək
A+ Balacalaşdır

Belə razılığa gəlinib ki, «Qarabağ» Çempionlar Liqasının qrup mərhələsindəki ev oyunlarını Olimpiya stadionunda keçirsin. Təbii ki, Olimpiya stadionu bütün beynəlxalq standartlara cavab verir, hətta bir çox öndə gedən ölkələrin stadionlarından da yüksək səviyyədədir. İkinci bir üstünlüyü də odur ki, burda televiziya kameralarının işləməsi üçün çox yüksək texniki şərait yaranıb. Və bunu da həm Avropa oyunları zamanı, həm İslam oyunları zamanı gördük. Və həm də bu stadionun tutumu Tofiq Bəhrəmov adına stadionun tutumundan iki dəfə artıqdır, oturacaqlarına da söz ola bilməz, ot örtüyü də əla vəziyyətdədi.

Elə isə bəs çətinlik nə ola bilər? Bu stadion «Qarabağ» üçün bir az yaddı.

Bilirsiniz ev oyunlarında komandalar niyə güclü olurlar? Adətən də ev oyunlarının 90 faizində yerli komanda qalib gəlir. Deyəcəksiniz, azarkeş dəstəyi. Bəli, azarkeş dəstəyi mühüm rol oynayır, amma təkcə bu deyil. Eyni zamanda torpaq güclüdü. Futbolçu o torpaqdan qüvvət alır.

Anarla Arif Babayevin «Gün keçdi» filmini hamımız dəfələrlə izləmişik. Ordan bir detalı yadınıza salmaq istərdim. Bir kor İçərişəhərdə əl havası ilə hərdən divarlara toxuna-toxuna gedib çıxır evinə. Çünki bu məhlə ona çox doğmadı. O divar daşının həm hərarətindən, həm də bizim eşitmədiyimiz pıçıltısından, havasından evinin yolunu tuta bilər. (Bilmirəm, indi İçərişəhərdə kor gedib evini tapa bilərmi?)

«Qarabağ» da uzun illərdi ev oyunlarını Tofiq Bəhramov stadionunda keçirir. Bu stadion həmin o İçərişəhərdəki məhəllə kimi ona çox doğmadı. Stadionun hər künc-bucağını əzbər bilir. Ot örtüyünü yaxşı hiss edir, məsafəsini düzgün ölçüb-biçir. Yəni belə demək mümkünsə, «Qarabağ» Tofiq Bəhramov stadionunda gözü yumulu da oynaya bilər. Futbolda da belə bir termin var: doğma divarlar. Yəni Tofiq Bəhramov stadionunun divarları da ona doğmadı.

Amma Olimpiya stadionu ona o qədər doğma deyil. Mənim fikrimcə, bu çətinliyi aradan qaldırmaq üçün «Qarabağ» «Roma»nı qəbul edənədək məşqlərini də bu stadionda keçirməlidi. Eləcə də ev oyunlarını da. Futbolçular stadionun ab-havasını öyrənsinlər, bələd olsunlar, stadion «Tofiq Bəhramov» kimi onlara da doğmalaşsın. Özlərini həqiqətən öz evlərində hiss eləsinlər. Hələ vaxt var, gec deyil.

Bu bir təklifdi. Çox istərdim ki, Qurban Qurbanov da, eləcə də AFFA-nın rəhbərliyi bu məsələni bir fikirləşsinlər, götür-qoy eləsinlər. Hər halda «Qarabağ»ın, futbolumuzun xeyrinə olar.





İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
Ücretsiz php script indir film izle hd film izle ikinci el eşya alanlar shell indir hacklink satışı Hileli oyun APK Cracked APK
SON XƏBƏRLƏR
2018-11-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Uzun illər köhnə, əldəndüşmüş «VAZ-06» «Jiquli»ylə xaltura edən bir kişi günlərin bir günü maşınını dəyər-dəyməzinə satıb köhnə, otuz ilin bir «Mersedes»ini alır. Köhnə olmasına baxmayaraq, maşının rahatlığı kişinin o qədər xoşuna gəlir ki, Böyük Vətən Müharibəsi iştirakçısı olmuş atasının qəbrinin üstünə ziyarətə gələrkən:

- Ay rəhmətlik, adam da heç bu cür rahat maşın düzəldən nemesə güllə atar?





digər lətifələr
ARXİV
FACEBOOK