viagra sipariş viagra satış palo santo viagra fiyatları viagra fiyatı time4bets kaçak bahis canlı bahis güvenilir bahis siteleri izmir escort live bet Film izle hacklink kiralık bahis sitesi satılık bahis sitesi Adalet.az | TƏSADÜF Adalet.az | TƏSADÜF Adalet.az | Ədalət -
ANA SƏHİFƏ / YAZARLAR

TƏSADÜF

Fəridə RƏHİMLİ

20295    |   2017-05-12 15:32
Şriftin ölçüsü:
A+ Böyütmək
A+ Balacalaşdır

Keçən həftəki yazımda şair Əbülfət Mədətoğlunu köçü münasibətilə təbrik etmişdim. Amma onun yerləşdiyi küçənin adının "Qaçaq Nəbi” olması ilk duyduğumda məni bir az güldürsə də, düşünməyə də vadar etdi. Onun doğulduğu, sonra zaman-zaman didərginlik taleyində məskunlaşdığı yerləri bir-bir xatırlayıb, bunun bir təsadüf olmadığına əmin oldum. Çünki onun doğulduğu kəndin adının bir mənası "ələm gəzdirən”, "iki dağ arası” idi. Sonrakı məcburi köçkünlüyündə Füzuli şəhərində yerləşdiyi məhəllənin adı "Sürücülər” idi. Bu da yolu göstərirdi... Sonra Beyləqandakı ünvanı "PMK-4” idi ki, (SDM - Səyyar Mexanikləşdirilmiş Dəstə) bunun izaha ehtiyacı yoxdur. Daha sonrakı ünvan olan "Motodrom”sa daha sürətli moto yarışların alanıdır. İndi "Qaçaq Nəbi” küçəsinə yerləşməsi də düşdüyü yurdun sabitliyinə əminlik vermir. Allah axırını xeyir eləsin!..

Bu düşüncələr məni - həyatda təsadüf deyə bir şey varmı? – sualı qarşısında qoydu. "Mən filankəsi təsadüfən gördüm, onunla təsadüfən rastlaşdım”, "təsadüfən əlimdən düşdü”, "dünya təsadüflərlə doludur” kimi cümlələr sanki nitqimizin və söhbətlərimizin ayrılmaz hissəsinə çevrilib. Təsadüf nədir? Bir hadisənin təsadüfən baş verməsimi? Yaxud təsadüfi proseslər dedikdə, əslində nə nəzərdə tutulur?

Təsadüf – hadisələrin məqsədsiz və səbəbsiz şəkildə cərəyan etdiyini təsvir etmək üçün işlədilən anlayışdır. Əgər ortada hər

hansı bir səbəb və məqsəd varsa, onda təsadüfə yer yoxdur. "Təsadüf” sözünün mənası "özü-özünə meydana gələn, hansısa bir səbəbdən asılı olmayan” deməkdir. Yəni, təsadüf adlandırdığımız bir olay guya hansısa səbəbdən baş vermir, özü-özünün səbəbi kimi meydana çıxır. Beləliklə, təsadüf dedikdə bir şeyin səbəbsiz meydana gəlməsini başa düşürük. Həyatda təsadüf varmı, yoxsa bütün baş verənlər olması mütləq olan hadisələrdir?! Təsadüf adlandırdığımız bir çox hadisələr bəzən bir insanın, bəzən bir dövlətin, bəzən isə bütün dünyanın düzəninin dəyişməsinə səbəb ola bilir. Gündəlik həyatda təsadüf sözünü çox işlətməyimizə baxmayaraq, bu cür hadisələri təsadüf adlandırmaq gülünc səslənir. Ancaq insanların çoxu təsadüflərin varlığına inanmağa üstünlük verir.

Quranın bildirdiyinə görə, bir yarpağın budağından qopub düşməsi belə, Allah-Təalanın bilgisi və iradəsi daxilindədir. Kainatdakı möhtəşəm sənət, hikmət və nizam təsadüfü rədd edir. Dünyada hər bir şeyin idarə olunduğunu qəbul edən, təsadüfün də idarəolunan olduğunu qəbul etməlidir. Dünyanın istər öz oxu, istərsə də günəş ətrafında sürətlə fırlanması, bu böyük sürətə baxmayaraq həyatın öz axarı ilə davam etməsi, gecə-gündüz, yaz-payız, yay-qış hadisələri kamil elmin və sonsuz qüdrətin ifadəsidir. bütün bunların təsadüfən baş verməsi qeyri-mümkündür. Yəni, kainatdakı möhtəşəm sənət, hikmət və nizam təsadüfü rədd edir.

İstənilən təsadüf hesab etdiyimiz heç olub getmir, özündən sonra bir iz qoyur. İnsanın başına gələn bir hadisə, onun həyatında müəyyən bir dəyişikliyə səbəb olur, gələcəyini dəyişir, fikirlərini dəyişir, ona həyat təcrübəsi qazandırır.

"FeaT.Az”-ın səhifələrində diqqətimi çəkən "təsadüflər”i siz də oxuyun:

İngiltərənin Bristol limanı yaxınlarında 5 dekabr 1668-ci ildə bir gəmi batdı. Yalnız Hugh Villiyams adlı bir yolçu xilas oldu.

1784-cü ildə eyni bölgədə yeni bir qəza oldu. 60 dənizçi arasında yalnız Hugh Villiyams adlı ikinci kapitan xilas oldu. 1952-ci ildə eyni yerdə üçüncü gəmi batdı. Xilas olan tək yolçunun adı Hugh Villiyams idi...

Amerikanın Kaliforniya ştatında Riçard Bensinger adlı təqaüdçü dəmiryol işçisi Eureka qəsəbəsindəki körpüdə gedərkən hali pisləşdi və öldü. İki il sonra oğlu Hiram eyni körpüdə həyatını itirdi. Altı il sonra Hiramın oğlu Devid həmin körpüdə avtomobil qəzasında həlak oldu...

Kristina Veronu 19 91-ci ildə İtaliyanın Torino şəhərində tramvay çarpması nəticəsində öldü. 4 il sonra atası Vittorio eyni keçiddə, eyni sürücünün istifadə etdiyi eyni tramvay çarpması nəticəsində öldü...

Cənubi Afrika Respublikasında Cape Tawn Ticarət Otağının illik konqresində iş adamı Daniel de Toit leksiyasını belə bitirdi: "Həyat gözlənilməz bir zamanda gözlənilməz şəkildə sona çata bilər...” De Toit kürsüdən enərkən ağzına atdığı şəkərin boğazında qalması nəticəsində elə oradaca öldü...

1898-ci ildə jurnalist-yazar Morqan Robinson "Titan” adlı bir kitab yazdı. Kitabda böyük bir reys gəmisi okeanda aysberqə çarpırdı. 14 il sonra "Titanik” faciəsi baş verdi...

Təsadüf zəncirinin ən inanılmazı 1981-ci ilidə ABŞ-ın Boston şəhərində meydana gəldi. Randolp Matika ildırım vurması nəticəsində evinin qarşısında öldü. Onun dul həyat yoldaşı yenidən evləndi. Yeni həyat yoldaşı toy gecəsi siqaret çəkmək üçün balkona çıxdı. Düşən ildırım onun da ölümünə səbəb oldu. Qadın sinir krizi keçirdi. Müalicə üçün getdiyi klinikada bir həkimə aşiq oldu və evləndi. Bir həftə sonra xəstəsini ziyarətə gedən həkimi də ildırım vurdu...

Beləliklə, əslində təsadüf olmayan "təsadüflərə” barmaqarası baxmayın, onlara inanın, qiymətləndirin ki, sonra peşman olmayasınız!




İmza:

YAZARIN ARXİVİ

2018-06-22 : ÜMİD
2018-06-14 : ACLIQ
2018-06-08 : İLK MÜSAHİBƏ
2018-04-13 : ÜMİD QAPISI
2017-06-16 : MASKA VƏ ONUN...
2017-05-12 : TƏSADÜF
2017-04-21 : XARI BÜLBÜL
2015-04-11 : BALA DAĞI...
2014-06-21 : KƏFƏN BİZNESİ
2013-11-30 : AYI XİDMƏTİ...
2013-09-21 : UCUZ ÖLÜM
2013-07-06 : ANAMIN ƏTRİ
2013-06-08 : ŞİLLƏ MASAJI
2013-02-16 : AD GÜNÜ
2012-12-08 : ZƏİF DAMARIMIZ
SON XƏBƏRLƏR
2019-09-15
2019-09-14
2019-09-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK