ANA SƏHİFƏ / YAZARLAR

MƏNİ GÖRƏN OLSA…

Əbülfət MƏDƏTOĞLU

19562    |   2017-01-16 13:57
Şriftin ölçüsü:
A+ Böyütmək
A+ Balacalaşdır

Harda olduğumu mənə də desin

Yəqin ki, başlığı oxuyan kimi dodağınıza bir təbəssüm qonacaq. Fikrləşəcəksiniz ki, ya Əbülfətin başı xarab olub, ya da nostalji duyğulardan havalandığı üçün bizi öncə güldürür. İstəyir ki, bu təbəssümlə yazının ardını oxuyaq və o ağrılı nöqtələrə, o kirpikləri nəmləndirən məqamlara hazır olaq. Necə deyərlər, dərdin üstünə gülə-gülə gedək. Təbii ki, siz fikirlərinizdə haqlısınız, bu dediklərinizdə həqiqət də var. Amma doğrudan-doğruya insanın bir havalanan məqamı olur. Bu da sevincdən, yəni sevincin dərəcəsi o qədər yüksək olur ki, ürək ona dözmür… Ya da dərdin dərəcəsi kəllə-çarxa vurur və onda da həmin o havalanma hər nədisə çıxır ortaya…

Bəli, mən indi hardayam, nə işlə məşğulam və ümumiyyətlə, niyə bu durumdayam onu anlaya bilmirəm. Elə bilməyin ki, ona ağlım, savadım çatmır, ölçmək, biçmək anlayışını itirmişəm. Yox, sadəcə olduğum durum zəlzələ nöqtəsinin üzərində dayanmağa bənzəyir. Bir az da sərt desəm, sanki ayaqlarımın altında mina basdırılıb. Tərpənsəm partlayacaq. Ona görə də o son deyilənin bütün cizgiləri ağlımda, gözümün qarşısında canlanır və mən də onun təsir gücündən havalanmışam. Digər tərəfdən mənim iç dünyama bir sevinc də, bir xoş əhval-ruhiyyə də axıb dolubdu. Məhz bu da həmin dayandığım nöqtənin təsirindəndi. Belə ki, yazılarımı oxuyan, yaşadıqlarımdan xəbərdar olan dost, tanış, uzaq, yaxın ellərin adamları mənə telefon açır, vəziyyətlə, durumla maraqlanır. Kimi nəsihət verir, kimi köməyini təklif edir. Hətta iki otaqlı mənzilinin bir otağının mənə qurban olduğunu da söyləyənlər var. Elə bu da məni sevindirir. Deməli, bu həyatda heç də mənasız, boş-boşuna yaşamamışam. Deməli, bu həyatda kimlər üçünsə iynənin ucu boyda da olsa mövcudam, varam, yaşayıram. Və deməli, mənim ən böyük qazancım olan bu diqqət, bu münasibət mənə hələ bir az da yaşamaq haqqı verir. Və nəhayət, söylədiyim hər iki məqamın məni havalandırmasının nədəni ortaya çıxır. Və siz görürsünüz ki, mənim havalanmağım səbəbsiz deyil və havalı adamlar da nə etdiklərinin, harada olduqlarının bəzən fərqinə varmırlar. İnanın ki, «Azərbaycan» nəşriyyatının 6-cı mərtəbəsinin Yasamal qəbiristanlığına baxan pəncərəsi önündə dan yeri sökülməmiş azan yenicə səslənəndə ağlıma qəribə bir fikir gəldi. Və bir də baxıb gördüm ki, o fikir misralara çevirilib.


Sənə

şeir yazmaq

çətindən çətin

çünki sən

şeirlik deyilsən-

Vətən!

Bağışla,

keç günahımdan

sənə

şeir yaza bilməyən

Əbülfətin!..


Yəqin ki, bu misralar elə havalanmağımın bəhrəsidir və mən havalandığım bu məqamda güzgüyə baxmaqdan da qorxuram. Qorxuram ki, baxıb gördüyüm adam başqa biri olar. Və güzgüdən mənə baxan başqa birisiylə hətta göz-gözə də gələ bilərəm. Və…

Onda hər şey ya məhv olar, ya da… Ya da onda hər şey daha sürətlə öz yolunu davam etdirər. Bunun da səbəbi gözlərin dərinliyindəki həqiqətdir. Mən bu həqiqətin etirafı üçün sinov gedirəm. Təəssüf ki, onu dilə gətirən yoxdur. Ona görə də mən özüm özümə bəzən nağıl uydururam… özüm-özümə təsəlli verirəm… özüm-özümə «möhkəm ol!» deyirəm. Bütün bunlar isə mənə misralar pıçıldayır. O misraları ki, heç sən də onları dinləmək istəməzsən. Amma mən yazıram:


Mən ürəyimi

və bütün istəyimi

qoydum ortaya…

sən

uzaqdan baxıb

gülümsədin

və heç nə də

demədin-

çünki

ürəyimi

və istəklərimi

qoyduğum ortalıqda

qalmışdı

öləziyən ocaqdan

bir ovuc

qor, taya!-

o da

ölüm ayağında…

***

Deməli, insan özü-özünə təsəlli uydurur. Bu, hər kəsdə mümkün olan haldı. Mən də belə edirəm. İynə ucu boyda işartını bəzən od sayıram, ocaq sayıram. Dodağın qaçmasını «hə» sözü kimi anlayıram, «hə» sözü kimi yozuram. Təbəssümü «hər şey yaxşı olacaq» kimi qəbul edirəm. Telefon zəngini ümid sayıram. Üstəlik, bir-birinə sığınan, bir-birini köynəkdən keçirən duyğuları həyatın özü bilirəm. Amma bütün bunlar mənim özümün özümə təsəllimdir. Elə bir təsəlli ki, o bəzən ilğım olur, bəzən sabun köpüyü, bəzən yuxu, bəzən xəyal. Bax, bu bəzənlər bir-birinə calanıb anı günə, günü aya çevirir. Və mən də həmin o təsəllilərin ətəyindən yapışıb anı, günü, ayı ömrə çevirirəm, xəyalla, yuxuyla, ilğımla yaşayıram. Kənardan baxanlar bu yaşamı öz arşınları ilə ölçürlər, öz baxış bucaqları altında qiymətləndirirlər. Mən isə şair deimşkən: «Mən nələr çəkirəm, özüm bilirəm». Çəkdiklərimin isə nələr və necə olduğunu çəkən bilir, yəni ürəyim. Burdaca etiraf edim ki, bəlkə də mənim qədər ürəyinə qarşı haqsız olan, ürəyinə dərd yükləyən, əzab verən, ürəyini hər məqamda şişləyən ikinci bir Allah bəndəsi yoxdur. Amma ürək hələ ki, dözür və mən də hələ ki, ona zülm etməkdən yorulmuram. Ona dərd yükləməkdən, ona ağrı çəkdirməkdən usanmıram.

Düzdür, hər şeyin bir sonu olur. Yəqin ki, bunun da bir sonu olacaq. Amma o sona qədər yaşamağın özü də zor bir işdi. Çünki:


Başımı qatıram

dərdlə

və başımı qatanda

çıxıram

həm şərtdən

həm də sərhəddən…

sən belə anlarında

durmasan da yanımda

günahı

məndə axtarma

arama…

toxunsan da yarama

səbəbi gör

dərddə

və məhəbbətdə

axı onlardı məni

çatdıran bu həddə-

yəni dəlilik yaradan

Əbülfətdə!...

***

İndi yeni ilin birinci ayının ikinci ongünlüyü addım-addım irəliləyir. Və bu addımları müşahidə edib gəldiyim qənaət budur ki, özündən əvvəlki tarix yerişini heç dəyişməyibdi. Elə həmin qayğılarla bu ikinci ongünlüyü də yarılamaq üzrədir. Demək dəyişən təkcə ayların, illərin adıymış. Və mən də həmin o qurduğum xəyalların, bəlkələrin ümidinə 2016-dakı problemlərdən qurtulmağı düşünmüşdüm. Amma bu 15 gün göstərir ki, problemlər boy artımı verir. Sırası sıxlaşır və uzanır. Deməli, mənim üçün yaxşılığa doğru heç nə dəyşiməyib. Və mən çəkdiklərimin ağırlığı altında yerə bir az da yaxınlaşıram. Çünki bu ağırlıq məni dizlərimə qədər torpağa yeridir. Hələ qatlanmasa da, amma bu gedişlə dizlərin qatlanması qaçılmazdı. Ona görə də iç dünyamın qapı-pəncərəsini taybatay açıram. Necə deyərlər, qoy yel vurub yengələr oynasın… qoy hər nə varsa olduğu kimi, hamının gözü qarşısına çıxsın və özünü, sözünü qoysun ortaya…

Hə, deyə bilərsiniz ki, problemləri anlar, günlər, aylar yaratmır, insan yaradır – həm özü-özünə, həm də qıraqdakılara. Bu bir həqiqət. Bununla razılaşmamaq qeyri-mümkündür. Amma Allahı olan, Peyğəmbərini yaddaşında yaşadan normal insan bir kimsəyə problem yaratmamalıdır. Bir az da açıqlasam, Allah hər kəsə verdiyi ömür payında onun yaşamını da nəzərə alıb. Təəssüf ki, bəzən insan yolundan, cızığından çıxır. Hərislik və nəfs onu çaşdırır. Sonda bir insan başqa bir insana ya meydan oxuyur, ya yolunu kəsir, ya da biri o birisinin haqqına sahib çıxır. Və beləcə, Allahın yaratdığı bəndələr bir göyün altında, bir yerin üstündə cırmaqlaşa-cırmaqlaşa, el diliylə desək, itlə pişik kimi yola gedir. Nəticədə əsəblər korlanır, ürəklər qırılır, evlər dağılır və daha nələr, nələr baş verir. Özü də hər kəs sonunun nə olacağını bildiyi halda.

Mən bütün bu dediklərimi, yazdıqlarımı bir fikrə istinadən, bir fikri şərh etmək üçün dilə gətirirəm. O fikri də yazıma başlıq çıxarmışam. Deməli, mənə problem yaradanlar, mənim haqqımı tapdayanlar, mənim yaşamağıma imkan verməyənlər düşünürlər ki, onlar ölməzlərdi… onların sonu yoxdu. Amma unudurlar. Daha doğrusu, hissə qapılırlar. Unudurlar ki, sonu olmayan bir şey var, o da ölümdür, bitib-tükənmir bütün canlılar ölür. Bir də yaranışdı, bütün canlılar təkrar doğulur. Amma başqa adda, başqa mühitdə, başqa missiyayla. Biz isə…

Hə, mən indi özümü axtarıram, heç harda tapa bilmirəm. Elə axtara-axtara da qalmışam. Bilmirəm Qarabağdayam, bilmirəm Bakıdayam və daha haralarda. Təkcə onu bilirəm ki, bu yazı yazılan məqamda sağ-salamatam. Amma oxunan məqamda sağ-salamat olacağımı deyə bilmərəm. Və bir də onu bilirəm ki, mənim yaşamım Allahdan və səndən ümid alır, bəhrələnir!.. İnanıram ki, Allah məni tək buraxmayacaq… İnanmaq istəyirəm ki, sən də məni tək qoymayacaqsan. Çünki:


Gündüz yanımdasan çox qüvvətliyəm

Gecələr üstümə dərd, qoşun gəlir…

Xətrinə dəyməsin təklənməyimdən-

Deyəsən ay gülüm, çox xoşun gəlir!..


Sən də bu seçimi etdin həyatda

Sevib uzaq tutdun, gözündən uzaq…

Bilmirəm nə gördün sınıq qanadda-

Min ağac canından, özündən uzaq!..


İndi həm qüvvətli, həm də ki, şikəst

Bir bəndə başına pərvanə olub…

Mənim sevgi dinim, sevgi Allahım-

Sənin inancına bəhanə olub!...


***

Bəli, indi siz özünüz də bir fikirləşin. Rica edirəm, bu yazını, bundan öncəki yazılarımı da xatırlayın. Xəlbirinizdə ələyib, ələyinizdə yenidən qarşınıza gətirin. Və həmin o qarşınıza qoyduğunuz fikirlərimə baxa-baxa bir anın milyonda bir hissəsi ötən zaman içində məni düşünün. Siz onda məni görəcəksniz. Halımdan, durumumdan xəbərdar olacaqsınız. Və sonra gördüyünüz mənə qiymət də verə bilərsiniz, sözünüzü də deyə bilərsiniz, bu ixtiyar sizdədi. Sadəcə, ədalət hissini nəzərə alın. Bilin ki, çıxardığınız qərar şoumenlərin dediyi kimi, «tamam, ya davam» deməkdir. Hansını seçsəniz mən onunla razılaşacam. Birincisi, başqa yolum yox, ikincisi də azlıq çoxluğa tabedir. Və nəhayət, siz bununla məni görmüş olduğunuzu etiraf edəcəksiniz və mən də harda olduğumu sizdən öyrənəcəm. Və biləcəm ki, özümü axtarmağa ehtiyac var, yoxsa yox?!.




İmza:

YAZARIN ARXİVİ

2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
- İki dost işdən evə qayıdır.
Biri:
- Mənim arvadım çox yaxşıdır. Gedən kimi çəkmələrimi qarşımda cütləyir, qəlyanım dolu olur. İndi qəhvəm və mətbəxdə bir vedrə isti suyum hazırdır.
- Hamısı çox gözəldir, ancaq o mətbəxdə bir vedrə isti su nə üçündür?
- Vallah, mən soyuq su ilə bulaşıq qabları yuya bilmirəm.




digər lətifələr
ARXİV
FACEBOOK