SON DƏQİQƏ:

Azərbaycanın iki filmi Dəkkə festivalına qatılacaq

  29376   |  
Şriftin ölçüsü  
2014-cü il yanvarın 10-dan 18-dək Banqladeşin paytaxtı Dəkkə şəhərində keçiriləcək beynəlxalq kinofestivalda Azərbaycanın iki filmi iştirak edəcək.

Bakı şəhər Mədəniyyət və Turizm İdarəsinin rejissor Şamil Əliyevə istinadən yaydığı xəbərə görə, festivalda Azərbaycanı «Çölçü» filmi (rejissor – Şamil Əliyev) və rejissor Fariz Əhmədovun «Əriyən ada» filmi təmsil edəcək.

«Çölçü» bədii filmi Mədəniyyət və Turizm Nazirliyinin sifarişi ilə «Azərbaycanfilm» kinostudiyasında çəkilib. Filmin ssenari müəllifi Vidadi Həsənov, quruluşçu operatoru Rafiq Quliyevdir.

Rollarda Bəhrus Vaqifoğlu (gənc çölçü), Vidadi Həsənov (yaşlı çölçü), Cavidan Məmmədli (balaca çölçü), habelə Salome Demuria, Vüsal Mehrəliyev və başqaları çəkilib.

Filmin süjeti belədir: «Gənc çölçü şəhərdən uzaqda yaşayır, təbiətlə sıx ünsiyyətdədir. Atası (Ulu) ona çöl həyatının bütün sirlərini öyrədir. Atasının ölümündən sonra o, qəsəbədən gəlmiş qızla tanış olur. Bu tanışlıq onun həyatında yeni səhifə açır, böyük, tamamilə naməlum bir həyata səsləyir».

«Əriyən ada» filmi də Azərbaycan Mədəniyyət və Turizm Nazirliyinin sifarişi ilə çəkilib.

Filmin süjeti belədir: «Orada—Neftçala yaxınlığındakı «Kürdili» adasında zaman dayanıb. Qaz əvəzinə odundan, elektrik əvəzinə şamdan istifadə edirlər. Bu yerin sakinləri müasir, rahat həyatdan xəbərdardırlar, öz həyat tərzlərini istənilən vaxt dəyişə bilərlər, amma bu yeri sevirlər. Onların gəncliyi, xatirələri bura ilə bağlıdır. Onlar bilərəkdən öz həyatlarını əriyən ada ilə birlikdə əritməyə qərarlıdırlar».

«Azanfilm»də çəkilmiş filmin ssenari müəllifi Esmira Əyyub, rejissoru Fariz Əhmədov, operatoru Rüfət Kərimovdur.

Film sentyabrda Kazanda keçirilən IX Kazan Beynəlxalq Müsəlman Film Festivalının «Ən yaxşı qısametrajlı sənədli film» nominasiyasının qalibi olub.

Dosta Göndər :

  

SON XƏBƏRLƏR

2021-06-19
2021-06-18

Video

Yazarlar

MARAQLI

DÜNYA

ƏDALƏT BU GÜN
May: 27,

Redaktor seçimi

FOTOREPORTAJ

GÜNÜN SİTATI

SORĞU

Azərbaycanda futbol var?

ÇOX OXUNAN

GÜNÜN LƏTİFƏSİ

Zahid Oruc Brüsseldə oteldə istirahət edir.

Qəflətən yaylım atəşi açılır, ardınca ikinci, üçüncü...

Zahid müəllim həyəcanla vestübülə düşür və otelin işçilərindən nə baş verdiyini soruşur. Otelin administratoru:

- Ser, ABŞ prezidenti Co Bayden Brüsselə gəlib, ona görə atırlar.

Zahid müəllim təəcüblə:

- Nədi, birinci dəfədən vura bilmədilər?

ARXİV

TƏQVİM

FACEBOOK