SON DƏQİQƏ:

Şuşada bayram namazının qılınması təklif olundu

  19571   |  
Şriftin ölçüsü  

“Ramazan bayramı namazının məhdud sayda Şuşa məscidində qılınması ilə bağlı fikirlərin səsləndirilməsi yaxşı təşəbbüsdür”

Bunu Azvision.az -a açıqlamasında “Məşədi Dadaş” məscidinin axundu, Qafqaz Müsəlmanları İdarəsinin (QMİ) səlahiyyətli nümayəndəsi Hacı Şahin Həsənli deyib.

Din xadimi bildirib ki, əgər bu təşəbbüs reallaşarsa, insanlar arasında coşquya səbəb ola bilər: “Lakin bizdən asılı olmayan səbəblər, təhlükəsizlik məsələləri var. Bütün bunlar münasib olarsa, bu il və ya gələn il orada bayram namazı qılına bilər. Lakin təbii ki, gələcəkdə ərazilərimiz tam bərpa edildikdən sonra bütün bunlar real olacaq. Şuşada bayram və cümə namazları da qılınacaq. Hazırda Şuşa məscidində hərbçilərimiz ibadət edir.

Keçən il Qurban bayramı namazı Heydər məscidində qılındı. Simvolik olaraq məhdud sayda insanla namaz qılındı, xütbələr oxudu. Bu, pandemiya dövründə ilk təşəbbüs oldu və canlı yayımlandı. İnsanlar tərəfindən rəğbətlə qarşılandı”.

Pandemiyaya görə kütləvi ibadətlər mümkün olmadığını vurğulayan Hacı Şahin bildirib ki, məscidlərin ibadət üçün açılması məsələsi həmişə gündəmdir:

“Qafqaz Müsəlmanları İdarəsinin təklifləri olur. Şəxsən mən də fikrimi bildirmişəm və Şeyxin imzası ilə müvafiq qurumlara məktub göndərilib. Hazırda yoluxma sayı artdığı üçün Ramazan ayında məscidlərin açılması mümkün olmadı.

İnanclı insanlarımıza bildirmək istəyirəm ki, ilk fürsətdə qərar qəbul ediləcək. Heç kəs məscidlərin bağlanmasından məmnun ola bilməz. Xüsusilə biz din xadimləri, inanclı insanların arzusudur ki, məscidlərdə kütləvi ibadətlər olsun. O cümlədən, işğaldan azad olunan Şuşa məscidində ibadət etmək arzumuzdur”.

Dosta Göndər :

  

SON XƏBƏRLƏR

2021-06-23

Video

Yazarlar

MARAQLI

DÜNYA

Redaktor seçimi

FOTOREPORTAJ

GÜNÜN SİTATI

SORĞU

Azərbaycanda futbol var?

ÇOX OXUNAN

GÜNÜN LƏTİFƏSİ

Zahid Oruc Brüsseldə oteldə istirahət edir.

Qəflətən yaylım atəşi açılır, ardınca ikinci, üçüncü...

Zahid müəllim həyəcanla vestübülə düşür və otelin işçilərindən nə baş verdiyini soruşur. Otelin administratoru:

- Ser, ABŞ prezidenti Co Bayden Brüsselə gəlib, ona görə atırlar.

Zahid müəllim təəcüblə:

- Nədi, birinci dəfədən vura bilmədilər?

ARXİV

TƏQVİM

FACEBOOK