Əbülfət Mədətoğlu: Xəyalın görünən üzü
("Özümə təsəlli" dəftərindən)
Məni yuxuda görmüsən -
Şükür, yuxun perikməyib...
Elə yuxuda bilmisən -
Həsrətimiz yerikləyib...
Görmüsən ...qaçıb - qovuram
Qayıqdan düşürəm suya...
Ovcumu açıb, yumuram -
Kimsə bir dasmcı qan qoya...
Görmüsən ... özüm deyiləm
Tükənib . dözüm ! - deyilən...
Canımdakı son heyinən -
Ruhum sənə görükməyib...
İndi bəxt çiçəyi tərdi
Çiçək, üstünə şeh sərdi...
Sən gülən görəndə dərdi -
Onu bil, ah körükləyib...
...Məni yuxuda görmüsən
Səssiz sənə toxunmuşam...
Gəldin.... ? - adımı demisən -
Oyanmısan... yox olmuşam...