Film izle hacklink kiralık bahis sitesi satılık bahis sitesi Adalet.az | Bakıda Foqts küçəsi Adalet.az | Bakıda Foqts küçəsi Adalet.az | Ədalət -
ANA SƏHİFƏ / YAZARLAR

Bakıda Foqts küçəsi

63984    |   2013-08-17 08:02
Şriftin ölçüsü:
A+ Böyütmək
A+ Balacalaşdır

Camaat macəra axtarmaq üçün cırtdan ölkələrə gedir. Malta millisinin futbolçuları isə çaşıb Azərbaycana gəldilər. Və səhvlərinin də bədəlini ağır ödədilər, çox ağır. Yalvar-yaxarla Almaniyadan gətirdiyimiz baş məşqçi Berti Foqtsun "nemesliyi" necə tutdusa millimiz balaca ölkənin yığmasını böyük hesabla məğlub etdi.
Futbol azarkeşlərimiz alman Foqtsun xasiyyətinə yaxşı bələddirlər. Onun "nemesliyi" iki-üç ildən bir tutur, tutanda da heç kimi tanımır. Yəqin yadınıza gələr, Avro-2012-nin seçmə mərhələsində Bakıda Türkiyəni necə məğlub etdik. Azərbaycan millisi özü bir şey edən deyildi, qardaş Türkiyənin də final mərhələsinə gedən yolunu bağladı. Nə etmək olar, alman əlində qalmışıq.g
Berti Foqtsun budəfəki əsəbiləşməyi Malta ilə oyuna düşdü və millimiz rəqibin qapısına 3 top atdı. Lakin iki-üç ildən bir gələn bu qələbədən Fatıya düz-əməlli tuman çıxmadı. Çünki cırtdan dövlətin oyunçularını yoldaşlıq görüşündə məğlub etdik.
Bir yandan da rəqibin baş məşqçisi millimizin nadir qələbəsinə kölgə salmaq istəyir. Malta yığmasındakı futbolçuları tutub Bakıya gətirən Pyetro Qedin deyib ki, komandalar arasında səviyyə fərqi var. Baş məşqçinin dediyinə görə, Malta yığmasında cəmi bir-iki peşəkar futbolçu forma geyinir, digər oyunçuların hərəsi bir sənətin sahibidi. Yəni millimizə qarşı forma geyənlərdən biri hər gün metronun qarşısında durub marşrut avtobusuna müştəri səsləyir, digəri şadlıq evində tamadadı, üstəlik toyun sonunda məclisə oynaya-oynaya qamburger gətirir, o biri evləri gəzib işıq pulu yığandı.
Əcəb işə düşmüşük də, babalar demişkən, ayda ildə bir namaz, onu da Pyetro qoymaz. Sözün açığı, mənə elə gəlir ki, Maltanın baş məşqçisi əməlli-başlı cığallıq edir. Berti Foqtsun qazandığı böyük hesablı qələbəyə kölgə salmaq istəyir. Amma ona da nemes oğlu nemes Foqts deyərlər. Millimizin baş məşqçisi Pyetro Qedin kimi mütəxəssisləri pivə barına susuz aparıb susuz gətirər. Foqtsa belə fırıldaqlar keçməz, çünki o, özü də belə nömrələri bizə çox gəlib. Neçə illərdi ki, ondan məzmunlu oyun, yaxşı nəticə tələb edənlərin üzünə durur. Yasda da, toyda da, AFFA-da da deyir ki, azərbaycanlı futbolçular xarici klublarda oynamırlar.
Foqtsu almanca başa salan yoxdu ki, xaricdə oynamaq məsələsini çox qabartmasın. Düzdü, bizim bu məsələdə alman məşqçinin yanında boynumuz tükdən nazikdi. Dünyanın aparıcı çempionatlarında top qovan futbolçumuz yoxdu. Bir balaca bacarığı olanları da üzə çıxara bilmirik. Amma burda başqa bir məsələ var. Mövsümün əvvəlini "Real"da, ikinci yarısını "Barselona"da keçirən, "Çelsi"də kapitan kimi meydana çıxan, "Qalatasaray"da qol kralı olan futbolçularımız olsaydı daha Foqtsu nə edirdik ki? Bir də ki, ay Foqts müəllim, bizim Biləcəridən o yanda futbolçumuz yoxdursa, bəs sən ilin 10 ayını Biləcəridən o yanda niyə keçirirsən?
Məlum məsələdi ki, Berti Foqts bu saat həmin suallara cavab verəsi halda deyil. Çünki özünü havalarda hiss edir. Elə bil yoldaşlıq görüşündə Malta yığmasını yox, İspaniya millisini məğlub edib, özü də dünya çempionatının finalında. Sinəsini qabağa verib elə yeriyir ki, elə bil iki-üç ildən bir qələbə dadan yığmamızın deyil, Avropada adından söz etdirən "Qarabağ"ın baş məşqçisidi. Özünü Qurban Qurbanovla tay tutmaq istəyir.
Foqtsa elə gəlir ki, yoxlama oyununda Maltanı udandan sonra Bakıda onun adına küçə verilməlidir. Forsu yerə-göyə sığmayan Mahir Şükürov, Araz Abdullayev də həmin küçədə bahalı arabalarını bizim üstümüzə sürməlidirlər.
Küçələrin birinə Foqtsun adının verilməsi bir az vaxt aparan məsələdi. Bir-iki həftə də gözləyək. Görək alman Berti Foqts İsrail yığması ilə rəsmi oyundan sonra da belə qalib görkəmində gəzəcəkmi?

Etibar Cəbrayıloğlu


İmza:

YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK