ANA SƏHİFƏ / GÜNDƏM

Faiq QİSMƏTOĞLU: ASTA SÜR MAŞINI, AMANDI, SÜRÜCÜ!

5907    |   2019-12-03 12:24
Şriftin ölçüsü:
A+ Böyütmək
A+ Balacalaşdır

Amma buna baxan kimdi, əksər sürücülər sükan arxasında əyləşən kimi bir də görürsən ki, hər şeyi unutdular, kefləri ala buluddan nəm çəkdi, avtomobilləri ildırım sürəti ilə idarə etdilər. Elə sürücü var ki, Allah 50-100 dəfə qoruyur, eləsi də var tay Allah onu qorumaqdan bezir və bir də görürsən ki, maşın qarışıq kəllə-mayallaq oldu. Ürək ağrıdan bu səhnələri görmək və bu faciələri yaşamaq həmin adamların doğmaları üçün çox çətindi. Ona görə çətindi ki, bir ailənin bəzən bir neçə üzvü yüksək sürələ idarə olunan avtomobilin aşması nəticəsində həlak olur. İndi gəl bu dərdi çək görüm, necə çəkirsən?!

Mütəxəssislərin rəylərinə və hesablamalarına görə, ölkənin avtomobil yollarında baş verən qəzaların böyük əksəriyyəti avtomobillərin yüksək sürətlə idarə olunması nəticəsində yaranır. Çox təəssüf ki, bu gün bizim əksər sürücülər hətta yollardakı maarifləndirici plakatlara diqqət yetirmirlər Həmin plakatlarda göstərilir ki, sürücülər sürət həddinə əməl etsinlər. Baş Dövlət Yol Polisi İdarəsi sürücülərin maariflənməsi üçün bu cür plakatları avtomobil yollarında kifayət qədər yerləşdirib. Məsələn, həmin idarə sürücüləri maarifləndirmək üçün onlar arasında yaydığı bukletlərdə bildirir: "Yüksək sürət təhlükəlidir! Özünü aldatma, unutma ki, idarə etdiyin güc sənin deyil, avtomobilindir. Yol hərəkətinə diqqət həyatımıza verdiyimiz qiymətdir!”. Yaxud başqa bir bukletdə Baş Dövlət Yol Polisi İdarəsi sürücülərə bildirir: "Yola bax, telefona yox! Unutmayaq ki, sükan arxasında telefondan istifadə etdikdə diqqətimiz yayınır və biz digər hərəkət iştirakçılarına təhlükə yaratmış oluruq”. Yaxud başqa bir bukletdə oxuyuruq: "Velosiped hər bir uşağın arzusudur. Amma valideynlər üçün övladların sağlamlığı ondan qat-qat daha böyük arzudur. Velosiped və moped sürücülərinə sükanı tutmadan və ya təhlükəsiz dəbilqələrindən istifadə qaydalarını pozmaqla hərəkət etmək qadağandır”. Baş Dövlət Yol Polisi İdarəsinin bu cür təbliğat və maarifləndirici işi təbii ki, diqqətəlayiqdir. Eyni zamanda, həmin tövsiyələrin sosial şəbəkədə paylaşması da hərəkət iştirakçılarından xahiş edilir.



Əlbəttə, təbliğat və təşviqat işi düzgün qurulanda həmişə bunun müsbət nəticələrini görmək mümkündür. Çünki bir plakat, bir buklet və bir şüar da bir çox halda sürücünün diqqətini cəlb edir, istər-istəməz yol hərəkəti qaydasına əməl etməyə məcbur olur. Respublikanın avtomobil yollarında hərəkətin təhlükəsizliyi ilə bağlı şüarlar və plakatlar kifayət qədərdir. Sürücünün gözü tez-tez "Yüksək sürət təhlükəlidir!” plakatına sataşırsa, təbii ki, həmin anda onun gözünün önünə ailəsi, balaları gəlir və o da yüksək sürətlə avtomobili idarə edirsə, sürəti aşağı salır. Amma məsələnin bir tərəfi də var ki, heç də bütün sürücülər bu maarifləndirmə və təbliğat işlərindən bəhrələnmirlər. Bir çoxları sükan arxasında sərxoş vəziyyətdə əyləşir və avtomobilləri çox yüksək sürətlə idarə edirlər. Hələ bəziləri də 16 saat sükan arxasında əyləşir, sərnişin daşıyır və istirahət etmədən nəqliyyat vasitəsini idarə edir və bu zaman da yuxulayaraq ağır qəzalar törədirlər.

Təsadüfi deyil ki, Baş Dövlət Yol Polisi İdarəsinin Yol Patrul Xidməti Alayının bütün tağımları şənbə-bazar günləri respublikanın avtomobil yollarında reydlər keçirirlər. Bu reydlər birmənalı olaraq hərəkət iştiraçılarının təhlükəsizliyinə xidmət edir. Çox qəribədir ki, reyd zamanı bir çox sürücülər yol hərəkəti qaydalarını kobud surətdə pozduqlarına görə saxlanılarkən peşman olmaq əvəzinə özlərinə haqq qazandırır və elə belə də olmalıdır düşüncəsilə hadisələrə yanaşırlar. Təəssüf ki, bəzən bir sürücüyə yüksək sürətlə avtomobiıi idarə etdiyinə görə dəfələrlə elektron protokol yazılır, amma onlar bundan nəticə çıxarmır. Axırda isə yüksək sürətlə avtomobili idarə edən sürücü ağır qəza törədir, həm özü həlak olur, həm də ki, yanındakılar.

Baş Dövlət Yol Polisi İdarəsinin İctimaiyyətlə Əlaqələr Şöbəsinin rəisi, polis polkovnik-leytenantı Rüfət Quliyev hərəkətin təhlükəsizliyi ilə bağlı görülmüş və görüləcək tədbirlər barəsində bizimlə söhbət zamanı qeyd etdi ki, sürücülərin maarifləndirilməsi istiqamətində tərəfimizdən çox böyük addımlar atılır. Belə ki, respublikanın avtomobil yollarında baş verə biləcək qəzaların qarşısının alınmasında təbliğat və təşviqat işi önəmli əhəmiyyət kəsb edir. Hər hansı hava şəraiti ilə əlaqədar olaraq Baş Dövlət Yol Polisi İdarəsi əvvəlcədən sürücülərə xəbərdarlıq edir və onları maarifləndirir. Bax, dekabrın 2-də də ölkə ərazisində çox güclü külək olacağı ilə bağlı hidrometroloqlar bizi məlumatlandırıb. Biz də öncədən küləkli hava şəraiti ilə əlaqədar olaraq sürücüləri xəbərdar etmişik. Bu cür hava şəraitində respublikanın avtomobil yollarında bütün nəqliyyat vasitələri sürət həddinə əməl etməlidir. Yük daşıyan iri maşınlar və eləcə də digər yük maşınlarını idarə edənlər daha diqqətli olmalı, döngələri dönərkən sürəti azaltmalı, ara məsafəsi saxlamalı və bir sözlə, yol hərəkəti qaydalarına əməl etməlidirlər.



Polkovnik-leytenent Rüfət Quliyevin sözünə qüvvət olaraq demək istəyirik ki, bir neçə ay bundan əvvəl küləkli havada Bakı-Qazax yolunun Qaradağ istiqamətindəki yerində iri yük maşını sürətlə idarə olunduğuna görə, küləyə tab gətirməmiş və aşmışdı. Yolun infrastrukturuna ziyan dəysə də, xoşbəxtlikdən ölüm hadisəsi baş verməmişdir.

Bax, dekabrlın 2-də də istər respublikanın avtomobil yollarında, istərsə də Bakı şəhərində sürücülər küləkli hava şəraitini nəzərə almalı, iri gövdəli ağacların altında maşını saxlamamlı, başqa sözlə demiş olsaq, Baş Dövlət Yol Polisi İdarəsinin hava şəraiti ilə əlaqədar xəbərdarlığına və tövsiyəsinə əməl etməlidirlər.

Yazımızın əvvəlində qeyd etdik ki, baş verən yol-nəqliyyat hadisələrinin böyük əksəriyyəti avtomobillərin yüksək sürətlə idarə olunması nəticəsində yaranır. Və bununla da bağlı Baş Dövlət Yol Polisi İdarəsinin apardığı təbliğat və maariflçilik işlərini hərəkət iştirakçılarının diqqətinə çatdırdıq. Təbii ki, bu qabaqlayıcı addımlar hər bir sürücüdə məsuliyyət hissini artırmalıdır. Daha doğrusu, bir mahnının sözlərində deyildiyi kimi: "Asta sür maşını, amandı, sürücü!”.




İmza:

BŞİH əməkdaşları kütləvi şəkildə koronavirus testindən keçirilib? - RƏSMİ

Sərt karantinə nəzarət gücləndirildi, ciddi yoxlamalar başladı - DİN-dən XƏBƏRDARLIQ

Şahmar Mövsümov: 190 manat birdəfəlik ödəmə qısa bir müddətdə ödəniləcək

Nikahdan kənar doğulan uşaqların sayı artıb

İcazə alınması sistemində yeniliklər edilib - RƏSMİ

Daha 26 nəfər gəmi ilə Qazaxıstana yola salındı

İqtisadiyyat Nazirliyinin səlahiyyətləri artırıldı - FƏRMAN

Şahmar Mövsümov: Biz bütün dünyanın üzləşdiyi problemlə qarşılaşmışıq

Nazirlər Kabineti yanında Operativ Qərargah brifinq keçirir - CANLI

Xüsusi karantin rejiminin sərtləşdirilməsi ilə bağlı qərar təsdiqləndi

Baş prokuror Türkiyənin ölkəmizdəki fövqəladə və səlahiyyətli səfiri ilə görüşüb

Prezident İlham Əliyev Donald Trampa təbrik məktubu göndərib

SON XƏBƏRLƏR
2020-07-04
2020-07-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK