ANA SƏHİFƏ / GÜNDƏM

VERİLİŞİ QULU MƏHƏRRƏMLİ APARIR...

Ustad telejurnalistin müəllifi olduğu verilişlər haqqında

3545    |   2019-11-05 14:08
Şriftin ölçüsü:
A+ Böyütmək
A+ Balacalaşdır

Bu gün məşhur televiziya aparıcısı, publisist, teletənqidçi, media mütəxəssisi, respublikanın Əməkdar jurnalisti olan professor Qulu Məhərrəmlinin reportyor kimi ekranlara çıxıb reportaj, süjet, müsahibə, veriliş aparmasından 40 ildən çox bir vaxt keçir. Bu illərdə onun yaddaqalan, geniş tamaşaçı auditoriyasında ictimai rezonans doğuran bir sıra verilişləri olmuşdur. Bunlar hansı verilişlərdir?

1978-ci ildə Bakı Dövlət Universitetinin jurnalistika fakültəsini bitirib təyinatla göndərildiyi Azərbaycan televiziyasında Xəbərlər və Tədris redaksiyalarının verilişlərində ara-sıra reportyor kimi görünüb. 1982-ci ildə AzTV-də yeni yaradılmış "Beynəlxalq icmal” qrupuna rəhbərlik edib. Həmin qrupun hazırladığı "Planetimizin mənzərəsi”,”Qitələr, hadisələr”, "Azərbaycan dünya meridianlarında” kimi verilişlər qısa müddətdə populyarlıq qazanıb.

1991-ci ildən xəbər aparıcısı kimi müntəzəm efirə çıxmağa başlayıb, "1000 saniyə” və "24 saat” xəbər verilişlərini, həmçinin əsas xəbər proqramını aparıb. Həmçinin həmin verilişlərdə siyasi şərhlərlə çıxış edib

1993-1995-ci illər arasında geniş tamaşaçı kütləsi toplayan "7 gün” populyar analitik-informasiya verilişinin müəllifi və aparıcısı olub. O dövrdə bir peşəkarlıq məktəbi olan "7 gün” (Hacı Hacıyev) geniş tamaşaçı kütləsi toplaya bilib. Hadisələrin təhlilinə obyektiv və plüralist yanaşması ilə fərqlənən bu proqram Qulu Məhərrəmlini peşəkar aparıcı kimi auditoriyaya daha geniş tanıdıb.

1995-ci ilin martında Azərbaycan televiziyasının ilk siyasi icmalçısı təyin olunmuş Qulu Məhərrəmli, həmin il qısa müddətdə "Xəbərlər” baş redaksiyasına da rəhbərlik edib. Beynəlxalq əhəmiyyətli tədbirlərdən, rəsmi toplantılardan canlı yayımlanan reportajlar aparıb, ölkə başçılarının xarici səfərlərindən çoxsaylı hesabatlar, müsahibə və reportajlar hazırlayıb.

1995-ci il avqustun 14-də efirə çıxmış "Səhər” musiqi-informasiya proqramı, təkcə Qulu Məhərrəmlinin yaradıcılıq bioqrafiyasında deyil, bütövlükdə Azərbaycan televiziyası tarixində yeni estetik prinsiplərin ekran təcəssümü baxımından yeni səhifə açıb. Peşəkar jurnalist, indi də teleməkanımızın baxımlı verilişlərindən olan bu proqrama 12 il rəhbərlik edib.

Toxunduğu hadisə, problem və faktlara fərdi yanaşması Q.Məhərrəmlinin AzTV ekranında ilk davamlı müəllif proqramı olan, ən müxtəlif mövzuları araşdıran "Təfsilat”ın (1996-1997), sonralarsa "Gerçəklik” (1998-2000) verilişinin populyarlığını təmin edib.

2000-ci ildə Qulu Məhərrəmlinin yenidən informasiya aparıcılığına qayıdaraq "Gecə xəbərləri” adlı xüsusi buraxılışa çıxması, bütövlükdə AzTV-də müəyyən bir canlanma yaratmışdır.

2001-ci ildə qısa müddətdə ekranlarda olmuş "Xalqın sözü” adlı tok-şou da müxtəlif mövzuların açıq ictimai müzakirəsinə görə xeyli maraqla qarşılanıb.

Q.Məhərrəmli 2005-ci ildə "Planetimiz bu gün” adlı beynəlxalq informasiya bülleteninin aparıcı və şərhçisi olub. Bu verilişlərdə onun Qarabağ mövzusunda şərhləri, beynəlxalq həyata dair siyasi təhlilləri, görkəmli siyasətçilərlə apardığı müsahibələr maraqla baxılıb.

2007-ci ildə AzTV-ni tərk edən Qulu Məhərrəmli Xəzər TV-də fəaliyyətini davam etdirib. Burada efirə çıxan "Dost məclisi” (2007-2010) proqramına aparıcılıq edib. 2010-cu ildən isə həmin telekanalda həftəlik hadisələrin təhlilinə həsr olunmuş "Gündəm” proqramını aparıb. Hər iki veriliş qısa müddətdə tamaşaçılar arasında populyarlaşıb.

Qulu Məhərrəmli hazırda peyklə yayımlanan GünAz TV ilə əməkdalıq edir. 2016-cı ildən bu telekanalda efirə çıxan "Mətbuat aynasında” populyar verilişinin aparıcısıdır.

Azərbaycan telejurnalistikasının inkişafında müstəsna xidmətləri olan professor Qulu Məhərrəmli müxtəlif mövzularda 20-yə yaxın sənədli televiziya filminin ssenari müəllifidir. Bu filmlərin bəziləri beynəlxalq festival və müsabiqələrdə nümayiş etdirilib. Bir neçə populyar xarici serialın Azərbaycan dilinə dublyajının bədii rəhbəri olub.

Məryəm ƏHMƏDLİ



İmza:

Hava Hücumundan Müdafiə bölmələri mövqelərini tutublar - VİDEO

İlham Əliyev Ramazan bayramı münasibətilə Azərbaycan xalqını təbrik edib

Naxçıvan Qarnizonu Qoşunlarında komanda-qərargah təlimi davam edir

Təlimə cəlb edilən tank bölmələri tapşırıqları yerinə yetirir - VİDEO

DÖVLƏT-VƏTƏNDAŞ HƏMRƏYLİYİNƏ TÖHFƏ

Azərbaycanda daha 131 nəfər koronavirusa yoluxdu, 143 nəfər sağaldı, 1 nəfər vəfat etdi

Müdafiə Nazirliyi: Orduya qarşı aparılan təxribat xarakterli kampaniya ilə bağlı hüquqi müstəvidə tədbirlər görüləcək

Azərbaycan və Türkmənistan arasında fiber-optik xəttin çəkilməsi müzakirə olunub

SƏN NİYƏ UTANIRSAN, QIZIM?

Müdafiə naziri təlimlərdə məruzələri dinləyib və qoşunlar start mövqelərinə çıxarılıb - VİDEO

Azərbaycanda daha 165 nəfər koronavirusa yoluxdu, 78 nəfər sağaldı, 2 nəfər öldü

DTX Respublika Gününə həsr olumuş videokompozisiya hazırlayıb - VİDEO

Qəzada həlak olan hərbçilərdən biri mayor oğludur

Axxx, sizi ermənipərəstlər...

Deputatdan Azərbaycanın idman siyasəti ilə bağlı maraqlı paylaşım - VİDEO

Milli Məclisin qarşısında aksiya keçirməyə cəhd edildi - RƏSMİ AÇIQLAMA

Deputat köməkçilərinin maaşı açıqlandı

Nizami Cəfərov: “Onun bir rektor kimi ən böyük uğuru ondan ibarətdir ki...”

Baş infeksionist: Qapalı yerlərdə maskadan istifadə edilməməsinə görə cərimə tətbiq edilməlidir

Azərbaycan Ordusunun genişmiqyaslı əməliyyat-taktiki təlimləri başa çatdı

Firdovsi Umudov: “5-ci kolon”a xidmət edənlər barəmdə təxribata cəhd edirlər”

Azərbaycanda daha 140 nəfər koronavirusa yoluxdu, 101 nəfər sağaldı

SON XƏBƏRLƏR
2020-05-27
2020-05-26


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK