Film izle hacklink kiralık bahis sitesi satılık bahis sitesi Adalet.az | AQİL ABBAS:ELNUR ZEYNALOVUN QARABAĞ HARAYI Adalet.az | AQİL ABBAS:ELNUR ZEYNALOVUN QARABAĞ HARAYI Adalet.az | Ədalət -
ANA SƏHİFƏ / YAZARLAR

AQİL ABBAS:ELNUR ZEYNALOVUN QARABAĞ HARAYI

5911    |   2019-04-12 09:24
Şriftin ölçüsü:
A+ Böyütmək
A+ Balacalaşdır

Akademik Opera və Balet Teatrının solisti, əməkdar artist, istedadlı xanəndə Elnur Zeynalov Xan əminin məşhur «Qarabağ şikəstəsi»nin mətninə bir balaca əl gəzdirərək oxuyub. Təbii ki, bu da birmənalı qarşılanmayıb. Görkəmli mədəniyyət xadimləri, sənət adamlarının bəzilərinin xoşuna gəlsə də, bəziləri buna etiraz ediblər. Anlaşılandı, hər kəsin fikrinə hörmətlə yanaşıram.

Muğam ustadı Mənsum İbrahimov bu barədə deyir: «Bir Qarabağ xanəndəsi kimi onun ağrısını başa düşürəm. «Qarabağ şikəstəsi»nə əlavələr edib, bu həqiqətdi. Dediyi sözlər Qarabağ məsələsini, ağrımızı, həqiqətimizi göstərir. Torpağımızın işğal olunmasını işıqlandırır. Bunun ikinci bir tərəfi var, biz işğalla barışmırıq. Mən hesab edirəm ki, bunu təbliğ edib yaymaq olmaz».


Əslində Elnur da Mənsum müəllimin dediyi kimi, ağrımızı, həqiqətimizi, torpaqlarımızın işğal olunduğunu bir daha dünyaya bəyan etmək istəyir. O da işğalla barışmır. Və öz qaymaq səsi ilə xalqı, milləti Qarabağ üstə kökləməyə çalışır.

Axşamüstü Qarabağdan havalanmır Xan əminin səsi… Elnuru və elə hamımızı ağrıdan budu. Elnurun ayaq açdığı torpaqda daş-daş üstə qalmayıb. Day xanəndə Hafiz Sədrzadənin azanı eşidilmir. Hafizin Ağdam məscidinin minarəsindən oxuduğu sonuncu azanda Qarabağın bütün faciəsi var. Çox yazmaq olar, yəni Elnur oxuduğu «Qarabağ şikəstəsi»ndə bir daha özünün və hamımızın yaşadığı bu ağrı-acını millətə və dünyaya çatdırmaq istəyib.

Uzun illərdi bir çox müğənnilər və musiqiçilər xalq mahnılarımızı, nəinki xalq mahnılarımızı, hətta bəstəkar mahnılarımızı özləri bildikləri kimi aranjeman edirlər. Çox təəssüf ki, buna Bəstəkarlar İttifaqı da, bizim böyük sənətkarlar da elə bir ciddi reaksiya vermirlər. İndi Elnur da «Qarabağ şikəstəsi»nin sözlərini aranjeman edib də. Bəyənə də bilərik, bəyənməyə də. Şəxsən mən bəyənirəm, Elnura uğurlar arzulayıram. Tanrı onun qaymaq səsinə dəyməsin.

P.S. Həm saytımızda, həm də qəzetimizdə həmin mətni dərc edirik və oxuculardan öz fikirlərini bildirməyi arzulayırıq.

Eləcə də Hafiz Sədrzadənin Qarabağ azanını təkrar saytımıza girib dinləyə bilərsiniz.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK