ANA SƏHİFƏ / YAZARLAR

Halaldı! İndiki dövrdə iki arvad saxlamaq... - Eminquey yazır

8661    |   2018-12-17 16:56
Şriftin ölçüsü:
A+ Böyütmək
A+ Balacalaşdır

Qərbi Afrikada Qərbi səhrayla Seneqalın arasında balaca bir ölkə var, Mavritaniyanı deyirəm. Dünyada qadınlırın arıqlığı gözəllik kimi sayılırsa, burda hər şey tamamən başqadır. Təsəvvür edin, bu toplumda kök qadınlar gözəl hesab olunur. Arıq qadınlarsa az yemək yeyirlər deyə onlara kasıb gözüylə baxırlar. Ancaq bu vəziyyət kök qadınları azadlığa qovuşdurmur, əksinə boyunlarına özləri kimi kök, ağır bir məsuliyyət yükləyir.

Mavritaniyada evlilik yaşına çatmış qadınlar "xeyirli qismət” tapmaqları üçün kök olmaları vacib şərtdir. Yazıqlar, nə zülm çəkirlər. Deməli, kökəlmək üçün dəvə südünə, zeytun yağına batırılımış çörəyə və keçi ətinindən hazırlanan bolluca kalorisi olan yeməklərə tuturlar, çartdam-partdam olana kimi yeyirlər.

ABŞ-dan Mavritaniyaya göndərilən müxbirlər orada 2 gün qalıb bu adətlə tanış olublar və Amerikaya 5 kilo kökəlib qayıdıblarmış. Lap "bala, bunu da ye” deyən, yeməyi az qala burnumdan dürtən xalam yadıma düşdü. Mavritaniyalılar özlərini lap mənim xalam kimi aparırlar.

İndi siz təsəvvür edin ki, Mavritaniya hələ kasıb ölkədir. Amma orada köklük varlılığın, arıqlıqsa kasıblığın simvoludur. Guya bizdə elə deyilmi? Qarınlı kişi görən kimi deyirlər ki, filankəs yeyib-içən oğlandı. Kök qadınları gözəl hesab edən bu toplumun adamları qızları erkən yaşlarından zorla çox yeməyə alışdırırlar. Ki, yetkinlik yaşında kök olsunlar və ərə gedə bilsinlər.

Bu adətə məruz qalan qadınlar hallarından heç də məmnun deyil ha, biləsiniz. Ata-analarıl ayı kimi yeməkdən imtina edən qızların ayaq barmaqlarını da sındırırmış.

Gənc qızlar günlə litrlərlə dəvə südü içməklə başlayır. Günorta naharında keçi əti, çörək və yenə bir kasa dəvə südü içir. Elə olur ki, bəzilərinə iki-üç dəfə, ard-arda günorta naharı yedizidirilir.

Qadının biri belə bir cümlə deyib:

- Yemək bütün sinəmi doldurub, indi də ağ ciyərlərimə kimi yayılır elə bil”.

Deyilənə görə, yenə yaxı ki, son vaxtlar bu "qavaqe” adətinin səhv bir şey olduğunu başa düşən Mavritaniya kişiləri evlənəcəkləri qızların arıq olmasını istəyir və bu sərsəm adətə qarşı çıxırlar. Getməmişəm, görməmişəm, babalı amerikalı müxbirlərin boynuna.

İndi təsəvvür edin ki, qitəmizdən o yanda, başqa qitədə belə bir sərsəm adətlər tüğyan edir, qitəmizin bu yanında ərəblər dörd arvad alır, illərlə bu çoxarvadlılıq pislənir, yanlış olduğu deyilir, amma nə xeyri. Yenə kişilər çoxarvadlılığın tərəfini tutsa, cəhənnəm, sizə bir şey deyim, mat-məəttəl qalın. Ki, yazımın mustafası bilinsin.

İki arvadı var, biri özüylə yaşayır, biri anasıyla. Uzaqdan tanıyıram. Toya gəlmişdi. Qadınlardan birinin dediyi sözə sancılıb qalmışam.

- Halaldı. İndiki dövrdə iki arvad saxlamaq hər oğulun işi deyil.

Bir qram da ironiya yox idi o qadının sözlərində, bir qram da.




İmza:Eminquey

YAZARIN ARXİVİ

SON XƏBƏRLƏR
2020-07-05
2020-07-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK